اهتمامات الشباب .. ياترى ايه اكتر حاجه بتهمنا كشباب ؟؟تعالوا نسمع بعض.

السلام عليكم
أنا كتييييير بقول ياااه أنا أتغيرت كده ليه وبجيب صوري وأنا طفل وأنا في حضانه وكمان وأنا في إبتدائي وإعدادي وبقول فعلا كان عندي كنز إسمه البراءه ...... وأقول هو راح فين الكنز ده وأقول ياريت أرجع طفل تاني لأني مش عايز أواجه الواقع لأنه فعلا سيء بالرغم من إني بحقق بتوفيق ربنا طبعا معظم اللي بتمناه
بس لما الواحد بيفكر ليه الواقع سيء كده بيلاقي إن الواقع مش سيء ولا حاجه

هوه ده فعلا يا محمد اللى بتكلم عليه .. وعشان كده احنا بنحاول نوصل او نرجع تانى للبراءه دى اللى هيا اساسنا
بشكرك على المشاركات اللى دايما بتبقى فعاله

طب اوكيه هنبتدى نظبط بعض الحاجات عشان نرجع للبراءه تانى اللى خلقنا بيها ربنا

تعبيرات الوجه

كله يبص لحاله دلوقتى عامل ازاى .. كل علامات الاحباط والفشل والخوف من المستقبل باينه فى وشه اوى
وتبص للشاب مننا اللى عنده عشرين او اكتر او اقل تحس ان عنده سبعين سنه ويومين وهيموووت
كله دلوقتى يبتدى يشيل علامات الاحباط دى .. عاوزين نخلى وجهنا كله مليان ابتسامه واشراق ...
بالبلدى اوى .. افرد وشك
هوه مش الوش ده ليه حق عليك.. ذنبه ايه انك تقعد طول اليوم مبلم ..
هوه الوش جايلك سليم ..تلخبطه ليه جايلك بيضحك ليه تقفله .
.ابتسم مهما حصل لو مشاكل الدنيا محوطاك اضحك برضه ..
دايما الواحد بيعرف الشخص اللى ادامه من تعبيرات الوجه ..
بيعرف اذا كان متفاؤل مقبل على الحياه نشيط
انما عمرك شفت حد بيحب يبص لواحد مليان كابه
فاضحك عشان الصوره تطلع حلوه.. ودرب نفسك على كده

lol!

احبائى

اشارك بهذا الحديث بس افهموه كويس

قال رسول الله صلى الله عليه وسلم

لاتحتقرن من المعروف شيئا ولو ان تلقى اخاك بوجه طليق

صدق رسول الله صلى الله عليه وسلم

وقال ايضا :

تبسمك فى وجه اخيك صدقه

صدقت يارسول الله

صلى الله عليك وسلم

________
nadora

2)

دلت كل قواميس الاحباط والفشل والياس اللى عندك
زى ..

مفيش فايده .. انا مش طايق نفسى .. ياعم ريح بالك كلها سنتين ونموت
اضحك هوه الضحك بفلوس ..دى دنيا غداره..

ايه كل كميات الاحباط والفشل والكابه اللى انت عمال تدخلها لنفسك دى ..
ايه الاشارات السلبيه اللى عمال تملى عقلك الباطن بيها ... بجد حرااااااااام علينا
امسح كل القواميس دى.. دلت كله دلوقت ...ملهمش اى لازمه
بذمتك عاوز تكون نشيط ومقبل على الحياه وكل قواميس الفشل دى عندك ..
هنغير كلنا دلوقت طريقتنا فى الكلام .. بلاش نحبط نفسنا بنفسنا
والدنيا اصلا جميله بجد..
كله يدلت دلوقت حالا....

حتى طريقه مشيتك

عاوزين نخلى مشيتنا زى مشيتنا الطبيعيه اللى ربنا خلقنا عليها
..
اوقات تلاقى واحد شاب عادى تحس انك نفسك تسنده لانه هيقع .. بجد والله

واحد تحس انه هينام وهوه ماشى ...مش عارفه فيه ايه
زى ما وجهك وزى ما كلامك بيعبر عن شخصيتك
طريقه مشيتك برضه بتعبر عن شخصيتك ..خلى مشيتك كده
تحس بيها بالنشاط والحيويه .. تبين انك انسان مقبل على الحياه

نبتدى كلنا نجرب الحاجات دى يا جماعه
ظبطنا تعبيرات الوش .... ظبطنا قواميسنا وكلامنا ... ظبطتنا مشيتنا...

كده هنكون خلصنا العنوان الاول ..
غير استيل حياتك ...

هندخل فى المشاركات الجايه ونتكلم عن عيش اللحظه

مستنيه مشاركاتكم وتفاعلكم
وهل الموضوع عجبكو ولا لا ؟؟

nadora كتب:: احبائى

اشارك بهذا الحديث بس افهموه كويس

قال رسول الله صلى الله عليه وسلم
لاتحتقرن من المعروف شيئا ولو ان تلقى اخاك بوجه طليق

صدق رسول الله صلى الله عليه وسلم

وقال ايضا :
تبسمك فى وجه اخيك صدقه

صدقت يارسول الله

صلى الله عليك وسلم

________
nadora

مشاركه رااااااااااااااااااااااائعه بجد
واحلى حاجه انها تجمع مابين التنميه البشريه والدين
شوفوا حتى احاديث الرسول كلها تفاؤل .. دايما الرسول بيدعونا لكده
شكرا يا نادر على المشاركه الجميله دى
جزاك ربى خيراااا

طبعا الموضوع عجبنا زي ما أتعودنا منك يا جنة والدليل حجم القراءات والمشاركات للموضوع ده أكتر موضوع حقق عدد مشاركات وقراءات في المنتدى كله .
أما بالنسبه لأننا لازم نظبط تعبيرات وشنا و كلامنا ومشيتنا فده اللي فعلا المفروض نعمله
بس خلوا بالكوا الأهم نظبط الشخص اللي جوا كل واحد فينا ويكون متفائل ومقبل على الحياة بسعاده وبهجه وفرح
ومش يضحك ويقول لازم أضحك وانبسط ماهي كده كده بايظه يبقى أزعل نفسي ليه . لأ . لازم تكون سعيد ومقبل على الحياة فعلا .
وده بيجي من الثقه بالنفس والثقه بالله أولا. لازم يكون عندك ثقه في نفسك وأكتر منها ثقه في ربنا .
والسلام عليكم

عيش اللحظه

كلنا ناويين نعيش اللحظه بلحظتها ..

فيه عيب خطير فينا .. اننا بنحمل نفسنا فوق طاقتنا .. تلاقيك شايل هم الشهر الجاى
والسنه الجايه وهمك وهم صحابك وهم الناس ..

تلاقى واحد وراه امتحان ويقولك ياعم احنا هنلاقيها منين ولا منين ؟؟
شفت الواد اللى بيشرب مش عارفه ايه .. ولا اللى انتحر .. والزيت غلى
والبنزين غلى ؟؟؟
اسفه يعنى .. بس انت مالك !!!!!!!!

اه الرسول امرنا اننا نهتم بامور المسلمين .. بس مقلش اننا نعقد نفسنا بنفسنا ..
قدرت تقدم حاجه كان بيها مقدرتش خلاص ..

دلوقت ناويين نعيش اللحظه..

بنتفرج ع التليفزيون...بناكل .. بنتفسح
استمتع بالفسحه .. متبقاش وراك فسحه وشايل هم الدنيا فوق دماغك .. عيش اللحظه

حتى وانت بتصلى .. عيش لحظه الصلاه .. انت بتصلى دلوقت .. متفكرش فى حاجه
غير فى ربنا .. ربنا وبس ..فى وجودك ادام ربنا ..فى القران .فى التشهد
دول خمس دقايق بس

يعنى فى الاخر
استمتع بكل لحظه انت عايشها ... ده احنا ايام معدودات وهنموت
استمتع بشويه الايام دول فى طاعه الله..

خليك انسان نشيط ومقبل ع الحياه ومستمتع بيها ..
وخليك دايما مع ربنا

ومن اعرض عن ذكرى فان له معيشه ضنكا

غير حياتك .. عيش اللحظه

عدد الرسائل : 433 تاريخ التسجيل : 25/03/2008

والله موضوع مهم فعلا
وفعلا الواحد مش لازم يعقد نفسه
كنت بتفرج علي مسلسل يوميات ونيس وقالوا فيه جمله جميله :
لاتعبر الجسر قبل ان تصل اليه

في نظريه جميله جدا أنا قرأتها وإسمها نظرية (10 على 90)
صاحب النظريه إسمه ستيفن كوفي وهي فعلا نظريه تنطبق على موضوعنا وياريت نحاول نستفيد منها
ما أطولش عليكوا وأسيبكوا مع النظريه الجميلة :

[size=16]> إكتشف قاعدة 10/90, ستغير لك حياتك.. على الأقل ردود أفعالك تجاه مواقف معينة

>

> ما هي هذه القاعدة ؟

> عشرة في المائة فقط من الحياة تتشكل من خلال ما يحدث لنا ، و الـتسعون في المائة من الحياة يتم تحديدها من خلال ردود أفعالنا

>

> ماذا يعني هذا؟

> معنى هذا الكلام أننا في الواقع ليس لدينا القدرة على السيطرة على ال 10% مما يحدث لنا , فنحن لا نستطيع منع السيارة من أن تتعطل أو الطائرة من الوصول متأخرة عن موعدها.. مما سيؤدي ذلك إلى إفساد برنامجنا بالكامل.. أو سائق ما قطع علينا حركة المرور أو السير

>

> فنحن في الواقع ليس لدينا القدرة على التحكم بـ10% و لكن الوضع مختلف مع الـ90 % ، فنحن من يقرر كيف يمكن أن تكون الـ90 %

>

> كيف ذلك ؟؟

> عن طريق ردود أفعالنا

> نحن لا نستطيع التحكم في إشارة المرور الحمراء ، و لكن نستطيع السيطرة على ردة فعلنا ، لا تدع الآخرون يجعلونك تتصرف بحماقة، أنت تستطيع أن تقرر ماهي ردة فعلك المناسبة

>

> **********

>

>

>

> دعونا نستخدم هذا المثال

> كنت تتناول طعام الإفطار مع عائلتك و فجأة أسقطت ابنتك الصغيرة فنجان القهوة على قميص عملك. لم يكن لك دور فيما حدث هنا

>

> ولكن ماسوف يحدث لاحقا سيتقرر حسب ردة فعلك

> بدأت بالصراخ و الشتم و قمت بتوبيخ ابنتك.. فأخذت الطفلة في البكاء ، ثم استدرت إلى زوجتك موبخا إياها لوضعها الفنجان على حافة الطاولة ، و بعد مشادة لفظيه قصيرة بينكما، اندفعت إلى الطابق العلوي و قمت بتغيير قميصك و من ثم عدت إلى الطابق السفلي ، فوجد أن ابنتك قد انشغلت بالبكاء عن إنهاء فطورها و الاستعداد للمدرسة ، و نتيجة لذلك فاتها باص المدرسة

> ..

> اضطررت إلى إيصال ابنتك بسيارتك الخاصة إلى المدرسة ، و بما أنك متأخر قدت سيارتك بسرعة 40 ميل في الساعة من أصل 30 ميل في الساعة كحد أقصى.. و بعد 15 دقيقة تأخير و دفع مخالفة مرورية وصلت إلى المدرسة.. ركضت ابنتك إلى مبنى المدرسة دون أن تقول لك مع السلامة و بعد و صولك إلى المكتب متأخراً 20 دقيقة ، وجدت أنك قد نسيت حقيبتك

>

> ها هو يومك بدأ بصورة سيئة و استمر من سيء إلى أسوء.. بعد عودتك إلى المنزل تجد توترا في العلاقة بينك وبين زوجتك وابنتك

>

> لماذا ؟؟

> بسبب ردود أفعالك منذ الصباح

>

> **********

>

> لماذا كان يومك سيئا ؟؟

> أ)هل هو بسبب القهوة ؟؟

> ب)هل هو بسبب إبنتك ؟؟

> ج )هل هو رجل الشرطة؟

> د )هل أنت سببت لنفسك ذلك؟

>

> الإجابة هي : د

> لم يكن لك دخل أو سيطرة على حادثة الفنجان ولكن ردة فعلك في الخمس ثواني التالية هي من تسببت في إفساد يومك

>

> **********

>

> هنا هو ماكان ممكن وينبغي أن يحدث

>

> :

> فنجان القهوة وقع عليك، و بدأت ابنتك بالبكاء.. و قلت لها بكل لطف: لا بأس يا عزيزتي.. و لكن كوني في المرة القادمة أكثر حذراً و انتباه

> تتناول المنشفة وتسرع إلى الطابق العلوي.. تستبدل قميصك وتتناول حقيبة أوراقك وثم تعود إلى الطابق السفلي في الوقت المحدد لترى ابنتك من النافذة و هي تصعد إلى حافلة المدرسة ملوحة بيدها لوداعك

> تصل إلى عملك مبكراً بـ 5 دقائق و تحيي زملائك بكل مرح و ابتهاج.. ويبدي رئيسك تعليقا حول يومك الرائع

>

> لاحظت الفرق؟

>

> يوجد سيناريوهان مختلفان لهما نفس البداية ،ولكن نهاية مختلفة

>

> لماذا ؟؟

> بسبب ردة فعلك

>

> **********

>

> هنا بعض الطرق لتطبيق قاعدة ال 10/90

>

> إذا قال أحد الأشخاص: بعض الأشياء السيئة عنك ، فلا تكن مثل الأسفنج.. بل دع الهجوم يسيل عليك مثل الماء على الزجاج ...و لا تسمح للتعليقات السلبية أن تؤثر عليك

> فردة الفعل الإيجابية لن تفسد يومك ، بينما ردة الفعل السلبية قد تؤدي إلى فقدانك للأصدقاء أو فصلك من العمل و تكون في حالة من العصبية و الإرهاق ..... إلخ

> كيف تكون ردة فعلك إذا قطع عليك أحد الأشخاص حركة السير ؟؟ هل تفقد أعصابك ؟؟ هل تضرب مقود السيارة بقوة حانقا. أحد أصدقائي أسقط مقود السيارة

> هل تشتم؟؟ هل يرتفع ضغط دمك عاليا؟؟.. من سيهتم إذا وصلت إلى العمل متأخراً بعشر ثواني ؟؟

> لماذا تسمح للسيارات بإفساد قيادتك

>

> تذكر قاعدة الـ 10/90 و لا تقلق لما سيحدث لكَ بعد ذلك

>

> تأخر إقلاع الطائرة ، وأفسد ذلك برنامجكَ اليومي.. لماذا تصب جام غضبكَ و إحباطكَ على مضيفة الطائرة ؟؟

> هي ليس لديها القدرة على التحكم في موعد وصول الطائرة

>

> استغل وقتكَ في الدراسة أو التعرف على مسافر آخر.. التوتر لن ينتج عنه إلا تعقيد أوضاعك وجعلها إلى الأسوأ

> **********

>

>

>

> طبق قاعدة 10/90 وستدهشك النتائج , لن تخسر شيئا إن حاولت

>

> قاعدة 10/90 مذهلة والقليل من الناس من يعرفها ويطبقها في حياته

>

> والنتيجة ؟

>

> الملايين من الناس تعاني من إرهاق وإجهاد لا مبرر له ومحاكم ومشاكل في القلب

>

> إذن علينا جميعاً أن نفهم ونطبق هذه القاعدة

>

> حياتك عندها ستتغير

>

> حظا سعيدا

[/size]

السلام عليكم

صح فعلا يامحمد . . بالنسبه لمشاركتك الاولى .. فانا والله مش خدت بالى ..
كلام فعلا سليم الواحد لازم يحاول يغير من الاتنين بره وجوه
بس انا قلت ليه بره .... لان احنا من جوانا حلو اوى ونضيف بس
برانا فيه حاجات عاوزه تظبط بحيث يكون فيه balance

والمشاركه التانيه اروع كمان .. حلوه اوى النظريه دى
انا سمعت عن ستيفن كوفى قبل كده بس مش عارفه
قريتها فين .. وحلوه اوى القصه بتاعه الفنجان دى
مشاركات متميزه بجد وشكرا على الكلام اللى فى الاول ..
والله انتو اللى مواضيعكو جميله

شكرا يا احمد على رايك فى الموضوع

وفعلا مسلسل يوميات ونيس خدنا منه عبر وحكم كتير اوى على الرغم
من انه مسلسل بس بجد هادف
شكرا على ردك الجميل واتمنى المتابعه

انا اسف اني ما شفتش الموضوع الهايل ده من زمان لان بصراحه موضوعه مشدنيش و معرفتش بيه الا النهارده
و انا بجد مندهش ان فيه نسبه مشاركه عاليه و ردود عاليه و دي حاجه تفرحني و بحييي كاتب الموضوع و استمر و ان شاء الله من نجاح لنجاح

و ان شاء الله هاكون مشرك من الموضوع الجاي ان شاء الله
و احب اقول لمحمد مشالي اني بشارك حسام التشاؤم في الصور اللي جليبها عي اغنيه شرين

بجد بجد عمل رائع

اهتمامات الشباب .. ياترى ايه اكتر حاجه بتهمنا كشباب ؟؟تعالوا نسمع بعض. - صفحة 4 1727il10

السلام عليكم

الله يكرمك بجد على الكلام الرائع ده
ومفيش تاسف .. كانك بتشارك من بدايه الموضوع
وان شاء الله لسه فيه مواضييع كتيييييييييييييييييييره اوى اوى
اكيد هستنى مشاركاتك فى المواضيع دى

وشكرا ليك بجد على الكلام الرائع ده

ربنا يخليكي يا جنة أنا اللي متشكر والله على مواضيعك الممتازة واللي خلتنا فعلا كشباب نسمع أراء بعض .

على فكره الموضوع جميل
والواحد لازم يبقى متفائل
و ما يوجعش دماغه بالمشكلات
اللى لسه هتيجى ولازم الواحد من
لحظه لتانيه ياخد راحه علشان يقدر
يكمل بعد كده يعنى يعمل لى لحياته ريفريش
مجمل الكلام انك تعيش باحساس و مشاعر انسانيه
بس بخطوات محسوبه
النجاح في الحياه يتطلب منك انك تكون انسان جامد
ما فيش حاجه تأثر فيه
بس لازم يكون عندك مبدأ

الله يخليك يا محمد .. ده لسه باذن الله فيه مواضيع جايه

ربنا يسهل وتكون مفيده..

شكرا يا محمود على رايك فى الموضوع ..
وفعلا حكايه الواحد ياخد راحه دى مهمه اوى اوى
عشان يقدر يواجه الصعوبات اللى ممكن تقابله
وكمان عمليه الرفريش بتعمل استمتاع بالحياه بجد

ان شاء الله استنوا الموضوع الجاى
لغايه دلوقت مش عارفه هيبقى ايه
او عن ايه .. بس هفكر وهيكون حلو ان شاء الله

إحنا مستنيين الموضوع الجاي وعلى كامل الإستعداد للمشاركة الجاية بإذن الله
ولو أنا لقيت موضوع حلو هقولك عليه ونناقشه كلنا مع بعض ده بعد إذنك طبعا .
سلاااااام .

السلام عليكم

اه طبعا انا موافقه جدا
بس ياريت بس بعد اذنك تبقى تبعتلى رساله خاصه فيها الموضوع
عشان بس انا بظبط شويه فى الموضوع وكمان بحاول
ارتب الموضوع ده ممكن يجى امتى ؟؟
بعد الموضوع الفلانى ولا الموضوع الفلانى .. كده يعنى
وشكرا على التفاعل

من عنيا حاضر وأنا متشكر اوي على زوقك ويارب دايما تكوني معانا وتشاركينا بمواضيعك الجميله .

الله يكرمك يا محمد
وربنا يسهل واكون دايما معاكو
وتكونوا كلكو موجودين على المنتدى معايا

هندخل فى الموضوع الجاى

المواصلات ..

موضوعنا المره دى هيكون الى حد ما ترفيهى

لاننا هنتكلم عن المواصلات .. انا عن نفسى ممكن اقول كلمه واحده
بس عن المواصلات .. سواء اكان تاكسى او سرفيسات ..
لو نفسك تعرف اخبار مصر كلها
اركبلك 2 او 3 سرفيس فى اليوم .. بجد مش هتندم .. هههههه

اكيد كلنا حصلنا مواقف محرجه يمكن او مضحكه او احيانا
بيزعلك اللى بتشوفه ..
بتسمع عن ناس وبتتصاحب على ناس فى اوقات

بنشوف مهازل بتحصل وبرضه بنشوف طيبه وجهد
وارهاق الشعب المصرى خاصه لما تلاقى راجل كبير راجع
من الشغل وماسك شنط كتير ومش عارف يعمل ايه

بتشوف خفه دم الشباب وتريقتهم على اللى بنشوفه
فى الميكروباصات
بنشوف بجد مصر فى عيون الناس دى
وتلاقى اللى يكلمك عن الاهلى والزمالك والماتش اللى فات
واللى جاى .. وناس تانيه راجعه من كورسات ..
وناس بتتكلم عن الدين .. وناس وناس

عاوزه اعرف منكو ايه رايكو فى اللى بيحصل
فى الميكروباصات .. وايه المواقف اللى حصلتلك فيها ؟؟

وهل فيه حل لعلبه السردين .. قصدى للميكروباصات

انها تكون اكثر سهوله واكثر اتساعا ؟؟؟؟

انا عن نفسى هحكى كام موقف حصلولى فى المشاركات الجايه
بس لما اسمعكو ..

وتبقى مصر خالده ... king

بما إني ركبت ميكروباصات كتير تقريبا طول الأربع سينين بتاعت الجامعة أصبحت عندي خلفيه كبيرة عن الميكروباصات دي بالرغم من إني تقريبا ما ركبتش ميكروباصات خالص قبل الجامعة .
حيث أصبحت لي القدرة أنا أقفز من وإلى الميكروباص وهو ماشي هههههههه وأقوم وأقعد جواه وأمشى بين الناس وهو ماشي من غير ما أدوس على رجل حد !!
طبعا حصلي مواقف كتييير في الميكروباصات سواء كانت معايا أو مع الركاب التانيين .
مثلا مثلا يعني من أسوء المواقف اللي حصلتلي في حياتي كانت في ميكروباص وهو إن موبايلي إتسرق وكان نوعه 6600 وكان لسه جديد مابقالوش معايا 3 شهور وكان ساعتها ال 6600 بقى حاجه كبيرة أوي زي ما تقول كده شايل كومبيوتر في جيبك ههههههه حتى الغلاف اللي كان على الشاشة ما كانش إتشال من عليها وللأسف كمان إتسرق مني أيام الإمتحانات النظري بتاعت سنه تانيه الترم التاني قبل إمتحان النبات . طبعا كنت زعلان بس قلت الحمد لله طبعا واللي زعلني كمان إن طبعا سيرتي بقت على كل لسان عند قرايبنا كلهم وماكنش ليهم دايما أي سيرة لمدة شهرين تقريبا إلا سرقة موبايل محمد مشالي .
بس ربنا أكرمني سنتها والحمد لله عوضهالي في النتيجه و الحمد لله دلوقتي معايا موبايل أحدث منه 6680 (هو النوع ده قدم شويه صحيح بس أنا بحبه قوي ههههههه) كفايه إنه بقاله دلوقتي تقريبا سنتين وما إتسرقش أو باظ مني .
ولسه في مواقف كتير حصلت معايا منها الحلو و منها الوحش هحكيهالكوا إن شاء الله على مدار فقرات الموضوع وشكرا جزيلا يا جنة على موضوعك الجميل .

حيث أصبحت لي القدرة أنا أقفز من وإلى الميكروباص وهو ماشي هههههههه وأقوم وأقعد جواه وأمشى بين الناس وهو ماشي من غير ما أدوس على رجل حد !!

ههههههههههههههههههههههههههههههه
بجد تحفه اوى ... وفعلا الواحد بيعمل رياضه لما بيركب المواصلات
وبجد فعلا اصعب حاجه انك مش تلاقى
الحاجه الغاليه عليك وكمان لسه شاريها

انا كمان بعد كل سرفيس لازم ادور على الموبايل
وبيبقى عندى نسبه 70 % انه اتسرق .... بس برجع وبلاقيه

موقف تحفه بجد
ومستنيين المواقف التانيه الحلوه والوحشه ..

ومستنيين مواقفكوا كلكو عشان عاوزين نسمع
من الكل ..

السلام عليكم

هوه مفيش حد بيركب سيرفيسات ولا ايه ؟؟؟؟

الموضوع ده كان المفروض يكون محل نقاش جامد
لان احنا طول الدراسه بنركب سيرفيس... فاكيد قابلتنا مواقف
كتيييييييييييييييييييييير

وكمان كنا المفروض نفكر مع بعض بصوت عالى ازاى
نعمل قواعد لمنع الزحمه بتاعه المواصلات
اكيد هيبقى مجرد حلم .. مش حقيقه

ع العموم شكلنا هندخل فى الموضوع الجديد

السلام عليكم