اهتمامات الشباب .. ياترى ايه اكتر حاجه بتهمنا كشباب ؟؟تعالوا نسمع بعض.

اكيد احنا كشباب بتهمنا مواضيع كتيره اوى وبتشغل بالنا وينفكر فيها دايما

ونفسنا نتكلم فيها بصوت عالى مع حد

عشان كده ف الموضوع ده ...... كلنا شباب وينات هنتكلم بصوت عالى
ونتناقش مع بعض ف كل حاجه

كل موضوع هنسمع بعض فيه ونشوف اراء بعض
ولما نحس ان الموضوع خاد حقه وزياده نبتدى ف نقطه تانيه او ف موضوع تانى

واكيد احلى ما ف الموضوع اننا كلنا فعلا بيجمعنا فكر واحد وسن واحد وعقل واحد

...........

ولقيت ان مينفعش نتكلم ف اى موضوع ولا نبتدى ف اى حاجه غير

فى اهم موضوع بيهمنا وشايفينه ف كل مكان وعاوزين نتناقش فيه بصوت عالى بجد

وهو موضوع

الصحوبيه بين الولد والبنت

كلنا مع بعض هنتكلم ف نقاط كتير اوى ف الموضوع ده ونسمع بعض فيها

ويمكن اول حاجه لازم نتكلم فيها وتكون هيه بدايه الموضوع

ليه الولد بيصاحب البنت ؟؟ وليه البنت بتصاحب الولد ؟؟

ياترى هيه موده وخلاص ... ولا عاده شايفنها .
ولا بنقلد اوروبا والدول المتقدمه

ولا ايه ؟؟؟؟؟؟؟

ده اللى احنا هنسمع بعض فيه ..

......

بدايه ممكن اقول رايى

الولد بيصاحب البنت .....

تسليه .... بتسلى بالموضوع ده بدل ما انا فاضى

تضييع وقت ...... مبحضرش محاضرات نهائى اعمل ايه يعنى ؟؟ اضيع وقتى فى ايه ؟؟

والله هيه اللى جات كلمتنى ... فقلت فرصه بدل ما تضيع منى ..

عاوز اعرف البنات بتفكر ف ايه ؟؟

كل صحابى بيكلموا بنات ... مش معنى انا ؟؟

الرجوله انك تكلم بنت ...

عاوز اظهر رجولتى ..... اظهرها ادام ميبن يعنى .. رجاله زيى ما عارفين انى راجل

انما البنات لازم تشوفنى وانا بشخط وانا بشرب سجاير وانا رومانسى معاها

وانا .. وانا .. وانا

ده يمكن اراء بعض الشباب

اكيد فيه اراء تانيه عاوزين نسمعها بجد ...

البنت ليه بتصاحب ولد ؟؟

يمكن معظم الاجابات اللى فوق بتكون برضه اجابات البنات

بس يمكن تختلف شويه

يمكن بتكون اوقات غصبن عنها

يمكن والدها بيعملها وحش اوى اوى ف البيت او يمكن والدها مش موجود

اساسا ف البيت فببتفتقد الرجوله انها تكون موجوده ف البيت

فبتلجا للشباب او لصاحب شايفه فيه الرجوله

يمكن ؟؟؟

كانت كاتمه على نفسها اوى ف الثانويه العامه ومتتكلمش مع حد خالص

عاوزه تتحرر شويه .. وتتكلم وتكون جريئه ف الكلام ..

مفيش اى رقابه عليها ... فيه تحرر

واكيد نضيف لهم الاسباب اللى فوق

واكيد فيه اراء تانيه

نحب نسمعها منكو

يعنى هما الرجال او الولاد هما الى بس بيتسلوا
بيبحبوا يضيعوا وقت
بيقضوها
بيظهروا رجولتهم زى ما بتقولي على الولاد يعنى في كل الكلام دا

لكن البنات هما ياعيني مظلومين
اصل البيت عندها باباا مش موجود
يعنى هيا البنت لو بتفكيرك دا

مش بضيع وقت والحاجات دى برضة؟

انا مش بنقد بهجوم مش قصدي حاجة

بس انا قصدي يعنى اصلك بتقولي ان الولاد بيعرفوا البنات عشان يضيعوا وقت و......
اما البنات فاعشان البيت باباها مش موجود او كدا .............

انا عن نفسي انا مثلا عادى بكلم بنات

بس بما اننا هنا بنتكلم بصراحه

انا مثلا بتعامل معاهم زي اخواتى

مش مصدقين براحتكم بس دا تفكيري

مش شرط انى عشان بكلم بنات
يبقي تفكيري انى بضيع وقت او قصدي حاجة وحشة عاوز اثبت رجولتي الحاجات دى
الرجولة مش بتتثبت
الرجولة موقف بيحصل ولو انت رجال وقد المسئولية بتتعامل على اساس كدا مش موضوعنا دا دلوقتي

انا عن نفسي بتعامل عادى
زيهم زي الولاد بس طبعا مع فرق حاجات تانية يعنى المعاملة القوية اوى بعض الكلام يتقال هنا وميتقالش هنا كدا يعنى

ان مثلا البنات الي هما اصداقي في الجامعة فترة وهتعدى كدا يعنى

دا تفكيري عما اعتقد ان دا التفكير الصح

وانا بفكر كدا

ومش بكذب وولا بقول كلام جميل وكدا
دا راى ود الي بنفزرة

عاوز اعرف بقي البنات بتفكر ازاى

غير طبعا الراي الي بيقول ان البنات مظلومين عشان البيت باباهم مش موجود او الولاد عشان بيقضوها
الولاد مش وحشين يعنى اوى كدا
والبنت مش هتكلم الولد غصب عنها

ومش عشان باباها متغيب عنا في البيت

وبالنسبة لان الولد يكلم بنت او لا

دا ناس اختلفت في رايها

بس انا عن راي
ان بدل الواد بيكلم البنت عادى ومفيش حاجة في دماغه كدا ولا كدا
وانه بيفكر انها زي اخته

واولا يكون محترم ويبطل تفكير المعفن بتاع الشباب اليومين دول الشباب الي تعبان في دماغه

اكيد هيبقي عادى

بس بما ان نسبة كبيرة جدا جدا من شباب مصر كله شباب معلش زبالة وشباب زفت وقذر

فا انصح بان البنات متكلمش الولاد

او لو واااااثقة مليون في المية منه ومن اخلاقه

وياريت ندااااء اخير

ان الولاد يبطلوا الافكار الزبالة في الي في دماغهم

السلام عليكم

انا اولا بجد مبسوطه اوى بمشاركتك دى

والاكتر انى بجد معجبه بصراحتك .. وهوه ده اللى انا كنت عاوزاه فعلا ف الموضوع ده ..
احنا كلنا لازم نتكلم بصراحه اوى اوى

عشان كده هبتدى بتعليقى
انا اولا مقلتش ان البنات بيبقى اغلبهم باباهم مش موجود ف البيت ومش
لاقيين الرجوله فبيصاحبوا ولاد
لو بصيت فوق هتلاقينى قلت ان اسبابهم نفس اسباب الشباب بالظبط
بس زياده عليها ... صح ؟؟؟؟
بس مش معقوله هعيد الاسباب تانى مهيه نفس الاسباب

فاهمنى ؟؟يعنى البنات برضه للتسليه وتضييع وقت وهكذا

خلاص اتفقنا

دى حاجه

الحاجه التانيه

انا هتكلم عامه مش شرط انى ارد ع كلامك عشان متحسش ان الكلام متوجه ليك
احنا بنتناقش كلنا مع بعض .. تمام..

معظم الشباب فعلا بيقولوا اننا بنعاملهم كاخواتنا.. طب لو الواحد بيعاملهم كاخواته
تقدر تقولى لوشفت اختك ماشيه مع اربع شباب
ممكن تعمل ايه ساعتها ؟؟؟
عادى بالنسبه ليك ..

ولو هوه عادى
وعادى برضه انك تشوفها بتسلم ع ولد او بتضحك اوى مع ولد او ماشيه ف الجامعه مع ولد

عادى يعنى .. ما اللى يمشى يمشى

طب نتكلم عن الولد اللى بيعتبر البنات اخواته

والله لو اتكلمنا عن الولد اللى بيتعامل مع البنت مجرد محاضرات وكلام من بعيد لبعيد وبيكون وسط ناس ومجرد
كلمتين وخلاص .. دى حاجه مفيش منها اى مشكله

انما كل يوم نقابل ف الحته الفلانيه ف الجامعه .. وايه رايك تيجى نمشى شويه ف الجامعه

طب ما تيجى نقعد هنا ... طب طب
والعلاقه تتطور وتتطور ..

ايه رايك فيها كشاب ؟؟

طب بتحترم البنت اللى بتمشى معاك كشاب ؟؟

حاسس ان هيه دى البنت المحترمه اللى كان نفسك تكلمها من زمان ؟؟؟

بتحترم شخصيتها فعلا ... بتحترم وجودها كبنت وسط شباب ف الجامعه

هل الصداقه دى هتفضل صداقه ع طول .. ولا ايه ؟؟

ولو افترضنا ان ايوه الصداقه دى هتفضل صداقه ع طول

هل كل الشباب تفكيرهم كده ؟؟

كل واحد بيفكر ان دى اخته وان دى هحترمها وهحافظ عليها ..

مش شايفين ان معظم الجوازات العرفى اللى منتشره الايام دى بدايتها صداقه
مش شايفين ان الفساد الاخلاقى اللى فيه المصريين دلوقت
من الصداقه
هل كل الشباب تفكيره صح ؟؟؟

كل الشباب بتبقى نيته ف بدايه الصداقه نيه نبيله جدا ومفيش فيها اى غلط
لان فعلا بطبيعته انسان محترم

انما اللى ميعرفوش ان النيه دى بتتحول تماما لما يتقابل مره واتنين وتلاته وميه
الشيطان بيغيرها تماما
واحنا للاسف منعرفش غير ف الاخر

اكيد لينا كلام تانى

ولسه عاوزين كلنا نتناقش ونتصارح مع بعض

وبجد بشكركم وعاوزين نسمع بعض

اولا انا سعيد انى بشارك هنا معاوا في الموضوع دا

تاني حاجة

تقدر تقولى لوشفت اختك ماشيه مع اربع شباب
ممكن تعمل ايه ساعتها ؟؟؟

اربع يا مفترية

دا كدا يبقي افترى

يعنى انتى بتشوفي ان البنت بتمشي وسط اربع بنا

حرام عليكي كل دول

كدا دي باتفور

على فكرة انها تسلم علي الولد والحاجات دي دا غلط
انا اه اتكلم مع بنت بس مش اسلم عليها وكدا

انا قلت ان الواحد يتعامل مع البنت زيها زي الولد بس في حاجات اعملها هنا ومعملهاش هنا انا قلت دا في كلامى الي فات

وحوار ان نتقابل في الحته الفلانية واننتمشي في الحتة الفلانية

برضة مش صح

تانى حاجة واحد ماشي مع واحدة وكدا زي ما انتى بتقولي

دا مش صح

بس برضة بترجع ان لو محترمين ولا لا

انتى قولتى
حاسس ان هيه دى البنت المحترمه اللى كان نفسك تكلمها من زمان ؟؟؟

بتحترم شخصيتها فعلا ...

على فكرة هيا بتيجي بظروفها

مش انا داخل الحتة دى او مثلا الجامعة

داخل لازم اعرف بنات
ولازم اعرف البنت المعينه دى

دا برضه يبقي شاب مريض
انا بقولك عن نفسي انا ببتعامل عادى وزي ما بتيجي بظروف وانا عن نفسي ولد زي بنت بس طبعا العلاقة مع الولد زي البنت
بس فية شوية حاجات ينفع اعملها هنا ووهناك لا

السلام عليكم

ازيكو يا شباب ويا بنات
اسفه ع التاخير بس بجهز للحلقات القادمه هنقول ايه ؟؟
وكمان المواضيع الجايه هتكون احلى بكتير ....

طيب اتكلمنا المره اللى فاتت عن اسباب صداقه البنت للولد والعكس
وعرفنا ان ليها اسباب كتيره اوى يمكن متشابهه ما بين العلاقتين

واشترك معانا fisher man
وكانت مشاركته بجد رائعه وقال الصراحه انه بيمشى مع بنات

وقال مشاركه تانيه ومن المشاركه التانيه دى
هوه ده هيكون البوينت الجديد اللى احنا هنتكلم عنه

هل ينفع يكون فيه صداقه مابين الولد والبنت ؟؟ طب ايه ضوابطها ؟؟

اولا ممكن نقول بدايه ينفع

بس .... وما بعد بس دى اهم من كلمه ينفع

بس اذا كانت بضوابط معينه ... ايه هيه ؟؟

اولا اذا كان مفيش لمس ايد ولا قعاد ما بعض ف الحته الفلانيه ولا نتقابل بكره الساعه كذا
ولا رن موبايلات على بعض ...

اكيد مفيش مشى مع بعض ف الجامعه ... اكيد برده مفيش نذاكر مع بعض ..

يعنى تكون بتكلم بنت ف المفيد حاجه عاوزاها وخلاص ... او حاجه جماعيه مجموعه من البنات والشباب بيعملوا حاجه مع بعض .. خلاص مفيش مشكله

انما احنا هنا بنكلم الولد او البنت اللى بيعملوا الحاجات اللى فاتت دى .. وما اكثرهم ف الجامعه

بنسبه 99 % انما الناس المحترمه اللى فهمه ان علاقه الولد والبنت لازمه يكون فيها ضوابط قليله اوى اوى اوى

يعنى خلاصه القول طالما ان فيه ضوابط بين الولد والبنت خلاص اذا استمروا وحافظوا على هذه الضوابط ..
مع ان الواحد ميعتقدش ان الضوابط دى هتستمر ف مثل هذ الزمن

دى كانت النقطه التانيه وعرفنا فيها فين العلاقه الصح وفين العلاقه اللى مش سليمه
فكلنا نشوف اذا كنا صح ولا غلط ؟؟؟

طيب النقطه التالته

انا عرفت انى غلطان وربنا اكيد مش راضى عنى اعمل اييييييييييييه ؟؟؟

انا فعلا غلطان واللى انا فيه ده مش صح وبصراحه كده انا اتخنقت من اللى بعمله ده بس اخلص ازاااااااى ؟؟

لو سبت البنت البنت هتقول عليا مش راجل وانى كداب وكلمانجى ؟؟

طب ايه رايك لو انت بدات وبدات تتخلى عن بعض الحاجات اللى انت بتعملها ..
يعنى من نفسك من غير ما تقولها .. بطل مسك ايدين .. بطل مشى معاها لوحدكم ف الجامعه .. بطل قعاد معاها
يعنى خلى فيه ضوابط ....

والله لو بدات تتضايق وتحس انك عدت رخم اوى وقالتهالك فى وشك
خلاص يبقى تكتشف انها من النوع اللى مش كويس واللى بيحب الصداقه اللى بدون ضوابط
فبالطريقه دى تسبها فورا من غير ما تتحججلها... وهبه هتحس بالغلط فورا

انما لو رضت وقالتلك ان ده افضل بكتير وان وجود ضوابط مابينا احسن اوى عشان نرضى ربنا
يبقى هيه انسانه محترمه
وممكن ساعتها يكون فيه صداقه بس بضوابط خاصه

التزمنا بالضوابط كان بها .. ملتزمناش يبقى ملهاش اى لازمه الصداقه دى عشان نرضى ربنا

يعنى صداقه +ضوابط التزمنا بيها وعرفناها
ممكن نقول كلنا موافقين

بس السؤال هنا
هوه انت شايف ان فيه ضوابط ما بين صداقه الولد والبنت الزمن ده ؟؟؟؟

هل الشباب ملتزم بالضوابط دى وماشى عليها تمام ؟؟؟

فياريت نضبط علاقتنا وصداقتنا ما بين الولد والبنت
عشان نرضى ربنا يا جماعه

اعتقد بكده ان الموضوع خاد حقه واتكلمنا عليه تمام اوى
وعرفنا ايه الضوابط فممكن نلخص الموضوع ف 4 نقاط

الصداقه اللى فيها ضوابط وبنلتزم بيها والصداقه دى لحاجه مفيده هنعملها وهدف معين طبعا موافقين*

الصداقه اللى فيها ضوابط وبنلتزم بيها بس الصداقه دى مش لحاجه مفيده يعنى مجرد صداقه عاديه بنتكلم وكده ... اكيد مش موافقين

الصداقه اللى مفيش فيها اى ضوابط يبقى اكيد دى حاجه مترضيش ربنا نهائى

دى كان ملخص الموضوع باختصار

ياريت نحاول ندور ع الطريق الصح

اكيد هنسيب الموضوع يوم يومين عشان اى حد عاوز يشارك او يقول اى حاجه لاننا فاتحين الموضوع للنقاش
وكلنا عاوزين نتناقش ونسمع بعض

ولو مفيش نبتدى على خيره الله ف الموضوع الجديد

عشان نتناقش فيه كلنا

شكرا

انتى صح
لازم يكون فيه ضوابط بين البنت والولد

وبحدود

انا الي حد كبير دجا ملتزم بالضوابط دي بيني وبين نفسي وبين الناس الي بكلمهم

ربنا يهدينى ويهدينا ونكمل الضوابط دي كلها

السلام عليكم

شكرا ليك يا fisher man
كلامك سليم .... ربنا يهدينا

طيب نبتدى ف الموضوع التانى باذن الله.. هوه موضوع عجبنى جدا فى احدى المنتديات
فقلت نتكلم فيه كلنا كشباب

هوه احنا جيل فاشل ؟؟؟؟

انتوا ايه رايكو احنا جيل فاشل فعلا وملوش هدف ... ولا بالعكس
احنا جيل ناجح وبيحقق هدفه

وليه احنا جيل ناجح ؟؟ وليه برضه احنا جيل فاشل ؟؟

هل فيه اسباب بتؤدى للنجاح ده اوالفشل ده ؟؟

ولا النجاح او الفشل بيجى من الشخص نفسه

ايه رائيكووووووووو؟؟

دى بعض الاراااء الجميله اللى عجبتنى فى الرد على الموضوع
وعاوزاكو تشوفوا الشباب بيفكر ازاى .. وهل هوه اللى غلطان
ولا مين فينا اللى غلطان

بعض الاراء اللى شايفين ان احنا جيل فاشل

نحن ليس جيل فاشل بل نحن جيل مظلوم

ضايع وتايه مش عارف يعمل ايه

نعم نحن جيل فاشل بكل المقايس

ايوة احنا جيل فاشل باتلاتــــــــــــــــــــــــــــــــــــــــــــ ـــــــــــــــــــــــــــــه

اما بقى فاشل في ايه خد عندك يا سيدي
فاشل في تحمل مسولية والقدرة على اتخاذ القرار
فاشل في الدراسه لانهن عندهم الدراسه سين وجيم مش ماده يطبقوها في حياتهم
فاشل في وظيفته لانهم مش عاوزين يشتغلوا لأ عاوزين يقعدوا على المكاتب
فاشل في المشاركة سواء كانت اجتماعية او سياسيه او اقتصادية
فاشل في التعبير عن نفسه واراءه
يوووووووووووووووووووووووووووووووووووه فاشل في حاجت كتير للاسف ربنا يستر بجد علينا وعلى الجيل الي لسه مطلعش من البيضة

كفايه كده فشل
ناخد اراء تانيه ف مشاركات تانيه

ناس شايفه اسباب للفشل دى
وكل واحد له وجهه نظر تحترم ..

اسباب فشلنا

يمكن من اروع واجمل الردود بالنسبه لاسباب فشلنا

نحن اصبحنا فاشلين عندما ابتعدنا عن تعاليم
ديننا

وعاداتنا وتقاليدنا

لانشغالنا بأمور الحياة المادية والزائلة

وتراقضنا وراء شهواتنا ورغباتنا الخبيثة

عندما اصبحنا هكذا اصبحنا فاشلين

ومستهدفين من قبل الكل وخصوصا الغرب

وذلك بنفث سمومهم الى اجيالنا من خلال هجماتهم الاعلامية

لالهاء الاجيال القادمة عن الرقي والتقدم والزدهار

وحتى يبقوا في سجن الشهوات والملذات الدنيوية

ولا يفكروا في شيء غيره

لكي نبقى في الحضيض

ومسيطر علينا ويستغلوا ثرواتنا

لكن لا انكر من وجود المبدعين والعلماء في وطننا العربي الحبيب

لكنه لا يكفي

فالى الرقي والابتعاد عن تلك السبل والطرق التي رسمها

الغرب لنبقى تحت سيطرته

الى الابداع والصحوة الفكريه والعلمية والثقافية

ان شاء الله

رد اخر

اه بس الاهم نقول لية احنا جيل فاشل
بسبب الوقت الصعب اللى احنا فية وممكن بسبب البطالة والشاب اللى على الاقهاوى يعنى فى حاجات خلتنا فاشلين مش الكل طبعا المهم نحاول نصلح الحاجات دية بدل منتهم بعضنا بالفشل

السلام عليكم ورحمة الله
نحن جيل مهزوم وليس جيل فاشل
نحن الجيل الذي قدر له أن يعيش في أحط فترات التاريخ التي تحياها أمتنا
هزيمة شاملة في كل مجال
هزيمة نفسية حيث تجد أنفس منكسرة فاقدة للثقة في قدراتها على احداث اي تغيير تنظر لنفسها نظرة المذبوح الذي أيقن الهلاك
هزيمة اقتصادية وكيف لا وقد أصبح الناس يموتون من أجل رغيف الخبز وبالطبع أتحدث عن بلدي وليس عن دول الخليج التي تسبح في خيرات عائدات النفط ( لا اقصد حسدا )
هزيمة أخلاقية حيث يرى الأخ أخوه يقتل ويموت جوعا أمام عينيه دون أن يحرك هذا في جسده شعره بل المصيبة أنه يتربص به ويتهمه بكل تهمة يسمعها لا لشئ الا ليقنع نفسه أنه شرير لا يستحق أن أحزن من أجله وهو يموت من أجل شرفي
هزيمة تربوية وكيف لا ونحن نرى شبابا مخنثين تطيل النظر في القادم منهم حتى تتبين ان كان ذكرا أو أنثى جيل له قاموس جديد تماما وأولويات مختلفة جدا ومفاهيم مشوشة بشكل عجيب
هزائم هزائم هزائم
لكن الهزيمة قد يتبعها نصر
وهذا ما نأمل فيه
والله المستعان

دى كانت بعض الاراء اللى بتقول ان احنا جيل فاشل
وكمان ايه اسباب فشلنا

اكيد هنسمع اراء تانيه ف مشاركات تانيه بتقول كلام تانى

يمكن كانت المشاركات والاراء اللى فاتت كانت متشائمه اووى
بس اكيد فيه ناس متفائلين وشايفين ان احنا بالعكس جيل مش فاشل
بس جيلنا ناقصله بعض الحاجات عشان يكون ناجح بالفعل والحاجات دى بسيطه اوى ممكن حصل عليها

يعنى الاراء الجايه اراء لشباب متفائليين بنسبه 70% بس

أعتقد ما ينقص الجيل هو التوجيه الصحيح فقط لا غير

الفشل موجود والنجاح موجود

لكن كيف نظهر النجاح ليعلوا الفشل ؟

توجيه سليم وصحيح للشباب

احنا جيل مش واخد حقة بس
بس ادينا حقنا وبعدين تحكم علينا

انا مشفتش فى حياتى شعب بيهد نفسه بنفسه الا المصريين
للعلم انا راى
انا احنا اكتر جيل عندوا امكانيات رهيبه كاشخاص
بس للاسف مفيش نظام له القدرة على الاستفادة من الطاقات دى
والسبب معروف للكل

انا اختلف معكم ان الجيل ده جيل فاشل
ببساطة لأن احنا من الجيل ده فهل كلنا مجموعة من الفشلة
طيب هل احنا كلنا من الجيل اللى متجوز عرفى وبيشرب الدخان الازرق والسرنجات والنوم فى العسل وروبى واليسا ...... الخ كلنا
اكيد لأ فيه ناس معملتش كل الحاجات دى مع بعضها وفيه ناس معملتش حاجات من الحاجات دى
بس احنا مش محددين هدف لينا ودى تسمى سلبية فمعظمنا وانا للاسف واحد من الناس دى احيانا كتيييييييييييييييييييييييير بكون سلبى وبقول وانا مالى كأن الموضوع مش هاممنى ولو محدد هدف ليا اكيد الحياة معايا كانت هتبقى افضل واكيد كتير موافقينى الراى ده

كلااااااام راااااااااااائع
__________________

انا هختصر ردى فى كلمتين اتنين
احنا جيل متعلمناش ازاى نتعلم

يمكن ده اختصار لفشلنا فعلا ودى من احسن الاراء اللى عاجبتنى جدااااا

طيب

للاسف بجد كان نفسى اسمع رايكو فى الموضوع ده يا شباب ويا بنات وكلنا نشارك

كان نفسى كمان اعرف تفكيركو وتفكيرنا كشباب عامل ازااى ؟؟؟

بس واضح ان مفيش اى اراء بتتقال ولا مشاركات

بس مش مشكله الجايات اكتر من الريحات .... والحمد لله انا حاطه هدف ادامى انى اساهم بالكتابات والمواضيع البسيطه اووى دى لعلى افيد بيها حد فى المنتدى كان محتاج يسمع الحاجات دى فعلا

او لعلى انا استفيد منها فى حياتى المستقبليه باذن الله حتى لو مفيش ولا رد على الموضوع

ربنا يجعله فى ميزان حسناتنا كلنا .....

طيب الاراء الجايه بقى هتكون لاراء شباب بجد شباب راائع جدا
شباب متفائل وشايف ان احنا بالعكس جيل مش فاشل احنا جيل ناجح
ومنهم شباب عندهم اهداف وبيحققوها لانهم عارفين انهم جايين عشان يرضوا ربنا

شباب متفائل بنسبه 100 % اكيد

هنشوف ارائهم الرائعه المره الجايه باذن الله

واللة يا جنة انا متابع موضوعك من زمان

وبشكرك انتي و كريم على الموضوع اللي فات

انما في المشكلة دي بصراحة عيا مشاكل في بعض

كل جيل و عاش زمنة و قابلتو مشاكل

بس جيلنا بيواحة مشاكل و صعوبات اكبر منو

وبصراحة لو الواحد مننا اعتمد على نفسة بس صعبة اوي

يعني العيب مش مننا بس احنا جينا في وقت صعب

لازم نتصرف و نثبت اننا اقوى من الظروف الصعبة

صحيح كل حاجة قدر و نصيب

بس مش معناة اننا ننام مستنيييييين بكرة مش عارفيين عامل ازاي

لازم نتعب و نحاول ان بكرة يكون احسن من النهاردة

السلام عليكم

اسعدنى بجد مرورك جدا يا حسام واسعدنى اكتر رايك فى الموضوع التانى

يمكن هعلق على جمله قلتها

انا متابع موضوعك من زمان

مهو المشكله يا حسام ان معظمنا بيتابع الموضوع وبيشوفه بس ان هوه يشارك ويحمس اللى كاتب الموضوع مفيش

يعنى الاحسن ان احنا نشوف موضوع من غير ما نشارك ولا نشارك ونقول راينا
انا هدفى الاساسى من انى اعمل الموضوع ده ان احنا نسمع بعض ننفس عن اللى جوانا ونخرجه

بس انا بجد بشكرك على مشاركتك الجميله دى واتمنى انها تتكرر متكونش اخر مره لان لسه فيه مواضيع جايه كتير باذن الله

اما بالنسبه لرايك فرايك من ضمن اراء الشباب اللى شايفين ان احنا نقدر نتغلب على الصعوبات اللى بتواجهنا وان احنا مش المفروض نستسلم ونبص لزمانا وخلاص .. لا المفروض نواجه لان هوه ده دورنا

ورايك ده فعلا سليم ميه فى الميه

واراء الشباب الجايه هتكون زى رايك كده يا حسام

وتانى مره بشكرك اووووووى

دى بقى يا جماعه اراء الشباب اللى متفائلين اووى وتفاؤل بواقعيه
وكمان هما دوول اللى بجد فعلا هيقوم على ايديهم اصلاح المجتمع ده ولو بشىء بسيط

تيجى نشوفهم

احنا مش جيل فاشل يعني لما تلاقي شباب ومتخرجين بتقدير عالي ومش لاقين وظيفه تناسب تخصصهم ده ذنبهم
طيب يثبتو ازاي انهم ناجحين ويقدروا يثبتو مهاراتهم ومحدش يقول عليهم فاشل
وده طبعا بيجعلهم يتجهوا للاسوا للسلبيه والادمان والخ ويقولو شباب اليومين دول مش عارفه ايه
لا هما محدش اداهم فرصه
بس دي مش دعوه للسلبيه بالعكس
لازم دايما نثبت اننا مش جيل فاشل بايماننا بالله والثقه
بنفسنا وقدرتنا علي العطاء

انا يا جماعه و اللهى العظيم بداءت بإصلاح نفسى و تخليت عن الافكار و المبادئ الهدامه و اصلحت نفسى
فعلياً ينقصنى فقط سلبيه فى بعض الاشياء و جارى الاصلاح على شخصي

ده انسان محترم بجد وبجد انا فرحت بمشاركته اوى ودايما بدعيله بجد

اسمعوا بقى احلى واجمل واجمد راى ف الدنيا من شاب زيه زينا

فاشل ايه بس

هوا انتا جاي تحاسب شاب عندوا 30 ولا 35 سنه لسه يداوبك متجزوز وابتدي يستقر في شغلوا وتروح تقلوا انتا فاشل؟؟

ولا واحد لسه في الكليه وتقلوا انتا فاشل

يا فاشل يا فاشل يا فاشل

مهو لازم يطلع فاشل طبعا

لما يسمعها في اليوم 100 مره من اهلوا ومن الناس اللي اكبر منوا

لا واللي انا متسغرب عليه دلوقتي ان فيه ناس في نفس الجيل بيقلوا عليه فاشل؟؟؟؟؟؟؟؟؟؟؟

طب مدام هوا فاشل

عملت انتا ايه بقي عشان تخليه مش فاشل؟!!!

غيرت ايه من نفسك عشان تخليه مش فاشل

انا لو اتكلمت عن نفسي

عندي 20 سنه في طب اسنان تقديري تقريبا جيد جدا
علاقتي بالناس معقوله يعني
ساعات بزعل اهلي مني بس الغالب انهم مبسطوين مني

لا بشرب سجاير ولا بتعاطي مكيفات ومركز في مذاكرتي وعندي خطط كتير بعد لما اتخرج

انا بقي وغيري كتييييييييييييييييييييير اوي عندهم نفس الفكر

وبيحلموا نفس الحلم

انهم يشتغلوا ويقيدوا نفسهم وبلدهم بصوره او باخري

بالعكس ده احلام الجيل ده كبيره اوي اوي وفيه ناس كتير اوي بجد نفسها تشتغل وتبقي حاجه حلوه

فاشل؟؟؟؟؟؟
هوا انتوا بصيتوا بس علي المدمنين ومش بصيتوا علي حجم السباب اللي شارك في حمله حمايه لعمرو خالد

فاشل؟؟؟؟؟؟

الجيل فاقد للقدوه

بس....

القدوه هيا ما تنقص هذا الجيل

وانا بسجل اعتراضي علي الناس اللي بتقول علي الجيل فاشل

وبطلب منهم لو هما شايفين كدا

يفكروا ازاي انهم يصلحوا الجيل ده

ايه رايكوووو ؟؟

بجد ربنا يكرمهم ويكرمنا يااارب

طيب دى كانت اراء الشباب كلهم اللى اتكلمو ف موضوع الشل
انا برده كان ليا راى عاوزين تعرفوه وتشوفوا مشاركتى ف الموضوع ده

طيب

دى مشاركاتى ....

السلام عليكم

موضوع هايل ويستحق الرد عليه فعلا ...

انا رايى ان الجيل ده بالعكس مش جيل فاشل ولا حاجه

يمكن شويه الظروف المحيطه بينا هيه اللى مضايقانا ومحسسانا دايما بالاحباط والفشل
بس ده ميبقاش حجه لينا ان احنا نستسلم ونعيش طول حياتنا محبطين
ونستسلم لواقعنا ومنعملش حاجه

اللى بيحصلنا ده مجرد تاثير بسيط علينا لما نلقى مجتمعنا المصرى كده
يبقى مش المفروض
اننا نستسلم المفروض نغير من مجتمعنا ... نحاول نصلح فيه

ومش هيحصل التغيير ده غير لما نغير من نفسنا الاول
كل واحد يبتدى يصلح نفسه بجد .. يشوف ايه نقاط الضعف ويبتدى يصلحها

يصلح علاقته بربنا الاول ... الصلاه الصوم القرب من ربنا بيرضى ربنا ولا لا ؟؟؟
بيشرب سجاير ولا لا ؟؟ بيمشى مع بنات ولا لا ؟؟
بيرضى اهله ولا لا ؟؟
كمان يعمل حاجه فى حياته قبل ما يموت .....

يصنع حياته يكون ايجابى يكون نشيط بجد .... يعمل حاجه ولو بسيطه
يخرج منها ف يومه ...

هيلاقى نفسه ع اخر الشهر عامل حاجات جامده اوى ..

يا جماعه متوهموش نفسكو اننا خلاص معتش ينفع ضعنا .. احنا جيل فاشل ...

اابداوا بنفسكو يا شباب والفشل ده مش هيكون ف حياتنا نهائى

ده كان رايى ...

اعتقد ان كده خلص موضوعنا التانى موضوع هوه احنا جيل فاشل ؟؟؟
واللى عاوز يقول رايه اكيد كلنا مستنيينه
واان شاء الله يوم يومين وندخل كلنا فى مواضييع جديده

السلام عليكم

عدد الرسائل : 433 تاريخ التسجيل : 25/03/2008

السلام عليكم ورحمه الله وبركاته
احنا جيل فاشل ولا لأ
الصراحه انا مش عارف بالضبط
هو ايه الاول مقياس الفشل والنجاح ؟
علشان نقدر نتكلم من غير ما نعمم الكلام

أشكرك يا جنه على المواضيع المهمه دي وللأسف أنا لسه قاري الموضوع النهارده ولو كنت قريته قبل كده أكيد كنت هشارك من بدري
فأنا معلش هاقول رأييي بسرعه في الموضوع الأول وهو الصداقه بين الولد والبنت
أنا عن نفسي مؤمن بمبدأ الزماله بين الولد والبنت بس مش مؤمن بمبدأ الصداقه بين الولد والبنت. مبدأ الزماله يعني مثلا تبادل لورق الدروس ولو الولد وقف مع البنت يكون الكلام في حدود ويكون الوقوف لمده قصيره ماتزيدش عن ربع ساعه مثلا على أقصى تقدير وده مفيش منه مانع خالص.
في حاجه مهمه جدا هي المقياس لأي بنت أو ولد علشان تعرف هي علاقتها زادت عن الحد ولا لأ وهو إن اللي بتعملوا ده تتكسف إن باباها ومامتها وقرايبها يعرفوه ولا لأ .لو مش هتتكسف لأنه كلام عادي ومحترم يبقى ده في حدود الأحترام ولو هتتكسف أو هتخاف يبقى ده طبعا هو الغلط بعينه.
أما بالنسبه للموضوع التاني إحنا فعلا جيل مظلوم والظلم اللي وقع علينا ده هو اللي أدى للأننا نكون جيل فاشل .مثلا الشاب عارف إنه لما يتخرج بعد جهد وتعب وفلوس كتير إتصرفت عليه مش هيلاقى شغل ولو إشتغل هيكون في تخصص غير اللي درس فيه طول عمره وفي مكان عمرة ما هيقدره التقدير المادي والمعني اللي يستحقه ومن حواليه كل يوم الحاجات بتغلى ومفيش حد في قلبه رحمه . تلاقي الشاب بعد كده إنحرف هههههههه وبقى يعرف بنات وله إهتمامات تانيه غير اللي مطلوبه منه زي الفسح وماتشات الكوره وهكذا .
الكلام ده كله كلنا عارفينه مش غايب عن حد فينا بس اللي حبيت أقوله إننا فعلا جيل فاشل بس نتيجة الظلم اللي وقع علينا من الظروف اللي حوالينا