كرسى الاعتـــــــــــــــراف ... مين ناوى يقعد ع الكرسى ولو مره قبل مايموت

ودلوقتى جه وقت اجابه مقدمه البرنامج والمسئوله عن الحوار جننننننننننننننه
بنسبة كم الصفات دي موجودة في شخصيتك
العصبية – الهدوء – المرونة – العناد – المسامحة – النظام – الغموض - الكسل – القيادية – تحمل المسؤولية ؟؟
بصى انا مش عصبى وهادى جدا بس للامانه لما حد يخلينى اغضب وبرضه ده صعب محدش يقف قدامى
وزى ما يقال اتقى شر الحليم اذا غضب وبالنسبه انا مرن فى تعاملاتى مع كل الناس ومن ناحيه المسامحه انا مش بشيل من حد وصحابى اللى معايا هما اللى يردوا ومن جهه العناد ممكن اعناد بس على حق مش لفرض راى
انا مش منظم اوى وكمان فيه حبه كسل وانا غامض شويه ويعتمد عليه فى تحمل المسئوليه وانا ممكن اكون قيادى وابسط دليل ان انا بقدر اجمع الرجاله فى اى ظرف
* موقف لا تنساه
هى مواقف كتييييييييير
بس خلينا فى الموسم اللى خد الزمالك فيه ست بطولات وكما ن صاحبى اللى انا كنت انا وهو قافلين مع بعضنا واللى اتكلمت عنه قبل كده فى الاسئله اللى فاتت كنا قافلنا من بعض يوم الخميس ففى صلاه الجمعه صاحبى كان قال للشيخ انه يتكلم عن الصداقه وكمان انا رحت وطلبت منه انه يتكلم عن الصلح بين الاصدقاء وانا ما كنتش اعرف انه طلب من الشيخ كده وهو كمان ميعرفش ان انا كمان طلبت منه الموضوع ده واتصلحنا ساعتها
اوصف حياتك في سطر واحد ؟؟
السؤال ده مش سهل اصل الواحد حياته حصل فيها مواضيع ومواقف كتيييييييييييييييير
ايه اقرب سورة في القران لقلبك ؟؟
السؤال ده صعب التحديد فيه لان الواحد بيحب السور كلها بس ممكن نقول سوره الكهف وسوره محمد وسوره يس وسوره الرعد وسوره التوبه وسوره مريم وسوره الرحمن وبرضه باكد انه التحديد صعب لان انا بيعجبنى القصص وذكر اوجه النعيم فى الجنه
ايه اكتر كلمه بتحبها وتحب تسمعها ؟؟ واوحش كلمه متحبش تسمعها؟؟
بحب اسمع كلمه ازيك بمعنى ان صحابى يبقوا فاكرنى ويطمنوا عليا
وانا مش بحب الغدر والفراق بكل اشكاله
السعاده من وجهه نظرك بتتمثل فى ايه ؟؟ يعنى امتى تحس انك سعيد؟؟
السعاده من وجهه نظرى لما الناس اللى حواليا بيحبونى وما يكنش فيه زعل بينى وبين اى حد حتى لو هو اللى عمل المشكله انا اللى بصالحه واكلمه

يه اكــــتر امنية بتتمنى انها تحصلك ؟؟؟؟
انى اكون الاول وما تزعلش يا عم حسام
ورضى الوالدين وانى اواظب على صلاه الفجر
ومعلش يا جماعه هناخد استراحه لحد ما اخد شفطه من الكابتشينو احسن يبرد

السلام عليكم

بجد اجابات جميله .. والموقف بتاع صاحبك ده رووووووووعه ودى حاجه من عند ربنا
ويارب يكون الكابتشينو طعمه حلو ...

انا لسه عندى اسئله ممكن ؟؟

لو خيرت في عصر من العصور أن تحياه . فأي العصور تحب ولماذا ؟

ماذا تعني الكلمات التاليه عندك :
( مصر ـ فلسطين ـ السماء ـ البحر ـ الحلم ـ العلم ـ الصحه ـ المال ـ الضمير ـ الصدق ـ الليل ـ الصديق ـ الأخ ـ الأبن ـ الزوجه

ايه اول حاجه هتطلبها من ربنا لما تدخل الجنه ان شاء الله..؟؟

هل ندمت يوماً على شىء ؟

ومتى تبكى ؟ وامام من ؟؟

كبف ترى بلدك مصر الان فى القرن الواحد والعشرين ؟

ورجعنا تانى معاكم
ونجاوب على سؤال احمد عاطف
ايه اكتر حاجه ممكن تخليك متضايق و غاضب بمعني الكلمه ف البيت- ف الشارع-في اي مكان
بص يا باشا مفيش حاجات معينه هى بتبقى مواقف مثلا اليومين دول النت فاصل وكمان لما تبقى ماشى فى الشارع
سعيد ومبتسم للحياه وتلاقى دش ميه نازل عليك زى القضاء المستعجل يخليك تكره نفسك واللى زعلنى بجد النهارده ماتش الزمالك لانه بصراحه لعب ماتش جامد و ماكانش يستحق الخساره
واشطه يابرنس على السؤال العسل ده

ونرد على اسئله نواره المنتدى بنكش
و فى البدايه الف شكر ليكى وعقبال ما تقعدى على الكرسى
ولو عينك فى الكابتشينو قولى وانا اجيبلك واحد Laughing

انته كان فى تصورك او نفسك يعنى تدخل كلية العلوم ولو لا ايه الكلية اللى كان نفسك تدخلها وليه؟
بصى انا ما كانش فى دماغى كليه العلوم وكان نفسى اخش كليه الطب وكمان اتخصص جراحه وبصراحه كان املى ان لو ما جتش طب تبقى اى كليه تبع مجال الطب زى صيدله بس هقولك على حاجه انا قبل التنسيق بفتره مش عارف ايه
اللى خلانى افكر فى علوم وللحظ هى اللى جت
وانا كان نفسى فى طب لان انا بحب الاحياء وعاشق لتفاصيل ومكونات الجسم البشرى
ثانيا:
ايه الحاجة اللى نفسك تعملها فى حياتك؟
حا جات كتير منها انى اتخصص فى مجال واستفيد منه مش لما اجى اشتغل اروح لمجال تانى
وهقولك على معلومه ليكى افتكرى اسمى لان ان اشاء الله فى المستبقل هكون من اشهر واعظم العلماء
وافتكرى الكلمه دى كويس اوى وعلى فكره ده مش غرور لان ده هدفى وباذن الله انا ناوى احققه
ثالثا:
ايه انواع الكتب اللى تحب تقرأها؟وليه؟
السؤال ده اتسال للشهاوى وهو جاوب القران وده اكيد
وانا بحب الكتب العلميه وكتب الخيال العلمى وكمان كتب الرعب وكمان انا عاشق لسلسه هارى بوتر
رابعا(سؤال من أسألة جنة)
لو خيروك بين انك تقضى أسبوعين فى مكان تختار ايه
معسكر مع أصحابك ولا على البحر ولا فى الجبال ولا فى بلد سياحى؟

أمامك 5 دقايق عشان تجاوب
ونبدأ العد التنازلى
5
4
3
2
1
0
الحق واقول معسكر مع اصحابى
والف شكر كمان مره يا بنكش على الاسئله اللذيذه دى

هههههههههههههههههههه
ماشى ماشى ماشى

بس بجد ردودك جميلة اوى
واحلى حاجة انك اخترت المعسكر فعلا

ولا كتب الرعب أهو هو ده الكلام المفيد

وان شاء الله نشوفك عالم اد الدنيا واحنا بردوا فى الخدمة اى حاجة اطلبها عادى ما تتكسفش Laughing

اه اه كنت هنسى

انا عايزة كابتشينوا بس معلقة واحدة سكر لو سمحت
ومتقلقش الحساب عليه انا
Laughing

عدد الرسائل : 109 تاريخ التسجيل : 25/03/2008

احب في الاول امسي علي جميع اعضاء المنتدي
وتحيه خاصه للكبير الشهاوي بيه وتحيه لصاحب الفكرة في كرسي الاعتراف
وبحب اسال الحسيني باشا سؤالين علي الريحه كده
الاول حاجيه كان نفسك تعملها ومعرفتش
حاجه تانيه ندمت انك عملتها وكانت في الاخر لصالحك
وحاجه زعلت انك معملتهاشي وكان ده برده في صالحك
واخيرا ايه ايه رايك في كليه علو م واللي استفدته منها
جاااااااااااااااااااوب القرموطي

ورجعنا معاكو تانى ونرد على اسئله جنننننننه

لو خيرت في عصر من العصور أن تحياه . فأي العصور تحب ولماذا ؟
عندك عصر عمر بن الخطاب او عصر عمر بن عبد العزيز وذلك للاتى
كانوا نموذجًا فريدًا للحاكم الذي يستشعر مسئوليته أمام الله وأمام الأمة، فقد كانوا مثالا نادرًا للزهد والورع، والتواضع والإحساس بثقل التبعة وخطورة مسئولية الحكم، حتى إنهم كانوا يخرجوا ليلا يتفقدوا أحوال المسلمين، ويلتمسوا حاجات رعيتهم التي استودعهم الله أمانتها
ماذا تعني الكلمات التاليه عندك :
( مصر ـ فلسطين ـ السماء ـ البحر ـ الحلم ـ العلم ـ الصحه ـ المال ـ الضمير ـ الصدق ـ الليل ـ الصديق ـ الأخ ـ الأبن ـ الزوجه
مصر: عمرى وحياتى
فلسطين: حلم غالى
السماء: الحريه
البحر: انطلاق
الحلم: وسيله تشجيع وحق لكل شخص فلا يستطيع أحد أن يمنعنا بأن نوسع مدارك احلامنا ولكن العبره فيما نحلمه ...
العلم: هدف
الصحه: نعمه واجبه الشكر
المال:وسيله
الضمير: عمله نادره
الصدق: شعار من كان يخشى ربه
الليل: الهدوء
الصديق: هو سرى بمعنى اخر هو مشهقدر اعوضه واستغنى عنه
الاخ: من الجا اليه وقت الشده
الابن: حلم الاب
الزوجه: حب حياتى وملهمتى
ايه اول حاجه هتطلبها من ربنا لما تدخل الجنه ان شاء الله..؟؟
تصدقى ما فكرتش فى الموضوع ده قبل كده واكيد هطلب النظر اليه بس هو سؤال انا مش متوقعه فمش عارف ارد بايه
هل ندمت يوماً على شىء ؟
اه كان موضوع معين نفسى اعمله بس الحمد الله تجاوزته
ومتى تبكى ؟ وامام من ؟؟
مش من شيم الراجل انه يبكى بس انا حصلى مواقف بكيت فيها ومعلش مش هقولها دلوقتى انا ممكن اكون قولت لصحابى عليها ولما ببكى بحاول انى اكون لوحدى
كبف ترى بلدك مصر الان فى القرن الواحد والعشرين ؟
اعتقد ان السؤال ده مش محتاج اجابه وخلينا فى حالنا احسن يحصلنا حاجه

وبالحق يا بنكش انا جيبتلك الكابتشينو بس بقى وانتى جايه تشربيه هاتى معاكى اكل اصل جنه شكلها هتخلينا نقضيها
كابتشينو و عصير النهارده
drunken

عدد الرسائل : 433 تاريخ التسجيل : 25/03/2008

الصراحه الواحد انشغل في الاسئله الجميله والاجابات الروعه التي تقريبا غطت معظم الافكار لدرجه اني عايز اسأل ومش عارف اسال في ايه المهم هجرب وعلي الله تكون الاسئله ما حدش قالها قبل كده
مين مثلك الاعلي وبنسبه قد ايه انت ماشي علي خطاه؟
بعد اربع سنين جامعه ايه الي الجامعه اضافته لشخصيتك ؟
هل شايف ان فيه استفاده من الاربع سنين التي درستها في كليه العلوم ولا هي شهاده هتخرج تدور بعدها علي شغل واللي فات مات ؟
ايه اجمل بيت شعر بتحبه وجه في دماغك دلوقتي وانت بتقرأ السؤال؟
انا كان نفسي اكون اول واحد يسأل علشان اسأل اكتر لكن باقي الاعضاء عملوا الواجب وظبطوك اسئله.

ههههههههههههههههه

ماشى ياعم بس قولى بس تحب تاكل ايه
وعلى حسابى كمان

فلى البدايه احب ارحب بعاااااااااااااااادل باشا
اللى منورنا ومنور المنتدى وكمان زينه شباب علوووووم
واحب اسمع احلو صدي صوووووووووووووووووووت
دولاااااااااااااااااااااااااااااااااااااااااااااااااااااااااااااااااااا
نجاوب بقى
الاول حاجيه كان نفسك تعملها ومعرفتش
انا جاوبت عليه قبل كده بس يا زعيم ولا يهمك انى ادخل كليه الطب

حاجه تانيه ندمت انك عملتها وكانت في الاخر لصالحك
وحاجه زعلت انك معملتهاشي وكان ده برده في صالحك
هو سؤال حلو يا عادل بس بصراحه مش متذكر حاجه دلوقتى ولو افتكرت هرد عليك اكيد

واخيرا ايه ايه رايك في كليه علو م واللي استفدته منها
كليه العلوم كليه دماغ وليها احترامها بس مع بعض التعديلات وهى تغير المناهج القديمه و تطوير عقليه الدكاتره علشان نخلصهم من ان الطلبه بتذاكر من ورق الدروس لا اما بتوع الدروس يدوهم نسبه علشان الطلبه تستريح
وكمان المعامل تتطور وكمان ياريت المناهج تناسب احتياجتنا واهتمامتنا بمعنى اخر الكلام اللى قولته معناه ان احنا نهد الكليه وندخل نظام الاحتراف ونستورد كليات للعلوم
و بصراحه فى الكليه شويه داكاتره محترمين جدا وفادونى بمعلومات ودرسوا مناهج تستحق الدراسه والواحد هيستفيد منها بعد التخرج
وسلاااااااااااااااااااااااااااااام يا دولااااااااااااااااااااااااااااااااااااااا

الله يخليكى يا بنكش كل اللى تجبيه حلو بس المهم انى الاقى الاكل
ده حتى شكل جنه زوغت وراحت تاكل لوحدهاااااااااااااااااااااااااااااا
Smile

و نرجع للاجابات على اسئله حبيب قلبى احمد حلمى وياراجل ده انا كنت متوقع انك اول واحد هتسالنى بس
خييييييييييييررررررررررررررررررررررررررررررررررررر انتا برضه حبيب قلبى يا حلمى

مين مثلك الاعلي وبنسبه قد ايه انت ماشي علي خطاه؟
قولت قبل كده يا زعيم انهم والدى والدتى بس من ناحيه هدفى العلمى اتمنى انى اكون زى اسحق نيوتن لانه با نجازاته غير مجرى العلم والعالم
بعد اربع سنين جامعه ايه الي الجامعه اضافته لشخصيتك ؟
اضافت يا باشا ان انا زودت من خبراتى عن طريق تعاملى من ناس مختلفه وفهمت كل واحد ازاى ممكن اتعامل معاه
وكمان انها زودت من تحملى للمسئوليه وكمان شغل المعمل كا بيخلق التعاون ومش هنسى يوم امتحان الكيمياء الحركيه كان جنبى العدوى وانتا عارف ان المواد فى المعمل ده بالذات بتخلص بسرعه فانا وهو جمعنا ادواتنا وعملنلنا مخزون احتياطى وبجد نفعنا لما المواد خلصت
هل شايف ان فيه استفاده من الاربع سنين التي درستها في كليه العلوم ولا هي شهاده هتخرج تدور بعدها علي شغل واللي فات مات ؟
لا انا شايف ان فيه استفاده واتمنى ان الشغل يكون مرتبط باللى دراسته ولسه انا وناس من علو م متكلمين فى الموضوع ده النهارده وان الواحد بجد هيزعل لو ما استفدش باللى اتعلمه فحقيقى اتمنى انى اشتغل فى مجال دراستى
ايه اجمل بيت شعر بتحبه وجه في دماغك دلوقتي وانت بتقرأ السؤال؟

جسَّ الطبيبُ خافقـي

وقـالَ لي :

هلْ ها هُنـا الألَـمْ ؟

قُلتُ له: نعَـمْ

فَشـقَّ بالمِشـرَطِ جيبَ معطَفـي

وأخـرَجَ القَلَــمْ!

**

هَـزَّ الطّبيبُ رأسَـهُ .. ومالَ وابتَسـمْ

وَقالَ لـي :

ليسَ سـوى قَلَـمْ

فقُلتُ : لا يا سَيّـدي

هـذا يَـدٌ .. وَفَـمْ

رَصـاصــةٌ .. وَدَمْ

وَتُهمـةٌ سـافِرةٌ .. تَمشي بِلا قَـدَمْ !

وهو عاجبنىوانا حافظه بالذات من ترديد حمدى قنديل له فى برنامج قلم رصاص
وكمان فيه

قلت للحاكم: هل أنت الذي انجبتنا؟
قال : لا.. لست أنا.
قلت: هل صيرك الله إلها فوقنا.
قال: حاشا ربنا.
قلت: هل نحن طلبنا منك أن تحكمنا؟
قال : كلا.
قلت: هل كانت لنا عشرة أوطان
وفيها وطن مستعمل زاد عن حاجتنا
فوهبنا لك هذا الوطن ؟
قال: لم يحدث... ولا احسب هذا ممكنا.
قلت: هل اقرضتنا شيئا
علي ان تخسف الأرض بنا
إن لم نسدد ديننا؟
قال: كلا.
قلت: ما دمت ، إذن ، لست إلها
أو أبا
أو حاكما منتخبا
أومالكا
أو دائنا
فلاذا لم تزل يا ابن الكذا ، تركبنا ؟
...... وأنتهي الحلم هنا.
أيقظتني طرقات فوق بابي:
إ فتح الباب لنا يا أبن الزني.
إ فتح الباب لنا.
إن في بيتك حلما خا ئنا
وفيه ابيات كتيرررررررره
بس انا اخترت دول لاننا شايفهم لذاذ

وانا بشكرك على الحوار والموضوع الجميل ده
وبصراحه الموضوع خلى الواحد يتكلم وبجد الف شكر لكل اللى سالوا واتمنى ان الاجابات تكون رضتكم
والف شكر كمان مره يا جنه ونردلك الواجب ده يوم ما تقعدى على الكرسى

كرسى الاعتـــــــــــــــراف ... مين ناوى يقعد ع الكرسى ولو مره قبل مايموت - صفحة 3 395029210

كرسى الاعتـــــــــــــــراف ... مين ناوى يقعد ع الكرسى ولو مره قبل مايموت - صفحة 3 395029210

السلام عليكم

بجد انا اللى بشكرك جدااااااااااااااااا على تشريفك لينا
وجلوسك على كرسى المتواضع ...وبشكرك على اجاباتك الصريحه الجميله
احلى ما فى الموضوع ان الواحد بيسترجع اجمل ذكرياته فى الموضوع ده
حتى وانتوا بتجاوبوا معظم مواقفكو بتحصلنا ..

وفعلا لازم كلنا نهتم ان شغلنا لازم تكون منطبقه على اللى درسناها
لان كده ولا كاننا استفدنا حاجه...

وبالنسبه للاكل ... ياسلام ده انا عندى اكل كتييييييييييير وحلويات كتير اووى اوى
تحب تبتدى بايه ..

كرسى الاعتـــــــــــــــراف ... مين ناوى يقعد ع الكرسى ولو مره قبل مايموت - صفحة 3 200602191502511

كرسى الاعتـــــــــــــــراف ... مين ناوى يقعد ع الكرسى ولو مره قبل مايموت - صفحة 3 200602191502511

كرسى الاعتـــــــــــــــراف ... مين ناوى يقعد ع الكرسى ولو مره قبل مايموت - صفحة 3 F496359c1c

كرسى الاعتـــــــــــــــراف ... مين ناوى يقعد ع الكرسى ولو مره قبل مايموت - صفحة 3 Manar-1067161817

بس دى بقى انا اكلت منها قطعه صغنتوته .. بعد اذنك يعنى ..هههههههه

وكمان علشان الاعضاء مش يبصولك فيها .. وانا اولهم هههههه

دى تورته لكووووووووووووووووول الاعضاء
هجووووووووووووووووووووم
كرسى الاعتـــــــــــــــراف ... مين ناوى يقعد ع الكرسى ولو مره قبل مايموت - صفحة 3 200602191502513

كرسى الاعتـــــــــــــــراف ... مين ناوى يقعد ع الكرسى ولو مره قبل مايموت - صفحة 3 200602191502513

ايه رايك فى حلوياتى ؟؟؟
دى مجرد حلويات امال بقى الطبيخ هيبقى عامل ازاااى ؟؟ هههههههههه

وبجد بشكرك جدا وشرفتنا ...

انتظروووووووووووووووونا مع العضو المتميز الجديييييييييييييييييد

flower

الاكل على فكره شاكله حلووووووووووووووو
بس مش هيكفى كل الاعضاء فلفى التورته
علشان اخدها معايا وانا ماشى والحاجات دى فين من بدرى

هههههههههههههه
كويس يا جنه
علشان محمود ميزعلش

ما انتى بالمناسبه يا بنكش
زوغتى بالاكل انتى كمان

ايه يا بنى انته مرحتش المطعم ولا ايه ده أنا حاجزالك ودافعة الحساب كمان Smile

بجد معلش بقى
تبقى تعزمينى فى يوم تانى

أوكى

وأنا موافقة

السلام عليكم

نيجى بقى كلنا مع العضو المتميز الجديد والمشرف الجامد

7
7
7
7
7
7
7
7
7
7
7
7
7
7
7
7

الاول عما اشوقكو

شويه زهور كده

كرسى الاعتـــــــــــــــراف ... مين ناوى يقعد ع الكرسى ولو مره قبل مايموت - صفحة 3 Khaled28

كرسى الاعتـــــــــــــــراف ... مين ناوى يقعد ع الكرسى ولو مره قبل مايموت - صفحة 3 Khaled28

اللى هيقعد على كرسى المتواضع النهارده

المشرف احمد حلمى .

كرسى الاعتـــــــــــــــراف ... مين ناوى يقعد ع الكرسى ولو مره قبل مايموت - صفحة 3 Anyaflower187

كرسى الاعتـــــــــــــــراف ... مين ناوى يقعد ع الكرسى ولو مره قبل مايموت - صفحة 3 Anyaflower187

كرسى الاعتـــــــــــــــراف ... مين ناوى يقعد ع الكرسى ولو مره قبل مايموت - صفحة 3 9oo6_net-36

كل اللى عاوز يسال يتفضل ..هجوووووووووووووووووم

الكابتشينو والنسكافيه وكل حاجه جاهزه حتى الاكل جاهز

لعضونا ومشرفنا
احمد حلمى

lol!

ماشى يا جنه جيباله الاكل من اول الاسئله وتجوعينى براحتك
على العموم احب ارحب بالباشا والزعيم والغالى عليا احمد حلمى وابقى اعمل حسابى فى موضوع الاكل
ويا زعيم انتا منور على الكرسى وهبتدى اسالك واعمل حسابك انى هسالك اكتر من مره
1- إذا استعرضنا معـــــًا أجمل محطاتك في :الطفولة ،الحارة، الدراسة

فماذا سنجد في جعبتك من مواقف لم تزل قائمة في الذاكرة ؟؟؟
2-متى تقول لا وبدون تفكير ,, ومتى تقول نعم وبدون تفكير ,,

بمعنى " لا " و" نعم " قطعياً ...
3-ماذا تعني لك :

دمعه الطفل

دمعه المرأة

دمعه الرجل
4-منصب تتمنى أن تصل إليه ماهو ؟

5-من هو الصديق المخلص الوفي برأيك؟

6-من هم الأعضاء الذين يحتلون مكانة في قلبك في المنتدى ؟؟؟

7- ماهو شعورك وانت تعتلى كرسى الاعتراف؟؟؟؟؟؟؟؟؟؟؟؟

جاوب على دووووووووول وليه معاك تكمله

ألف ألف مبروك على الكرسى

عدد الرسائل : 433 تاريخ التسجيل : 25/03/2008

الف شكر يا جنه علي الاستضافه وعلي الكابتشينو والنسكافيه والاكل كمان ويا حبيبي يا حسيني الاكل وكل حاجه تحت امرك اطلب انت بس وربنا يبارك فيكي يا بنكش وعقبال ما تقعدي علي الكرسي انت كمان .
نيجي بقي لاسئله والحسيني بادئ باسئله جميله ربنا يوفقنا في الرد عليها.
اول سؤال ذكريات الطفوله والحاره والدراسه ؟
جميل قوي انا لو قعدت احكي بقي يبقي مساحه المنتدي هتخلص علي الاجابه لانك كده بتسأل عن حياتي كلها طبعا الطفوله عندي هي افضل مرحله في حياتي لاني كنت فيها لسه برئ لا فيه مشاكل ولا قلق ولا مسؤليه تخاف انك قدها ولا لأ.
الحاره (الشارع ) انا علاقتي بالشارع بدأت متاخره وانا في تانيه اعدادي لان قبل كده يدوب اروح المدرسه واقعد في البيت ما كنتش غاوي لعب في التراب ولا لعب كوره ولا الحاجات دي لحد لما اتعرفت في المدرسه علي واحد بقي صاحبي وحبيبي لحد دلوقتي اسمه برضه احمد حلمي طلع بالصدفه معايا في نفس الشارع ومن هنا بدأت رحلتي في شارعنا العزيز.
الدراسه دي بقي رحله الكفاح الاساسيه ولغايه دلوقتي اكتر من نصف عمري قضيته في الدراسه لكن اهم حاجه كنت بشوفها في الدراسه انها السبيل الوحيد اني اختلط بناس واتعرف بناس جداد وانتهت رحلتي في الدراسه في الجامعه اني اتعرفت علي ناس ربنا وفقني ان اتعرف عليهم وقضيت معاهم سنين الجامعه في حب كنت انت منهم يا حسيني.
السؤال التاني:امتي بقول لا بدون تفكير وامتي بقول نعم بدون تفكير؟
ااعتقد ان علشان اقول نعم او لا لازم افكر الاول لكن لو الحاجه فيها معصيه او ذنب يبقي مرفوضه طبعا وغير كده طالما ما فيش فيه ضرر لحد يبقي هقول نعم اظن دي الاجابه الي عندي لو انا كنت فهمت قصدك من السؤال اما لو كان قصدك حاجه تانيه ابقي عرفني.
السؤال الثالث : ماذا تعني لي ؟ دموع الطفل هي دموع بريئه وطاهره اما اذا كان واخد عاقه بالشبشب علشان ما بيذاكرش او ما بيسمعش الكلام فتبقي دموع الالام بعد الضرب.
دموع المرأه دموع عاطفيه جاهزه في كل مناسبه في الفرح والحزن وليها ثأثيرها الكبير عليا طبعا.
دموع الرجل دموع صادقه لانها صعبه قوي ونادر لما نشوفها .
السؤال الرابع:منصب تتمني ان تصل اليه ؟
هو منصب غير متاح دلوقتي لظروف خارجه عن ارادتنا وبعدين لما الاقي شغل الاول ابقي افكر بجد في حكايه المناصب دي.
السؤال الخامس :من هو الصديق المخلص الوفي ؟
الصديق المخلص الوفي هو الصديق المخلص الوفي الواقف جنبك باستمرار وبيشجعك انك تبقي احسن ويقومك لو شاف في سلوكك حاجه غلط ولو ما نبهكش لاخطائك يببقي لا صديق ولامخلص ولا وفي.
السؤال السادس:من هم الأعضاء الذين يحتلون مكانة في قلبك في المنتدى ؟
الاعضاء الذين يحتلون مكانه في قلبي في المنتدي هم الاعضاء الاكثر نشاطا في المنتدي فالاعضاء نوعين في المنتدي اما اعرفهم قبل المنتدي من الدراسه ودول مكانتهم بره المنتدي زي ماهي ووجودهم في المنتدي ما بيأثرش في علاقتي بهم خارج المنتدي اما داخل المنتدي فكل عضو مكانته بتزيد عندي كلما زادت مواضيعه من حيث العدد وجودة الموضوع لان هي دي الطريقه الوحيده الي ما تخلنيش اظلم حد هو انا اساسا هعرف العضو ازاي الا من مواضيعه.
السؤال السابع:ماهو شعورك وانت تعتلى كرسى الاعتراف؟
الصراحه شعور جميل لان وانت علي الكرسي بتعرف الناس بنفسك اكتر وتخليهم يفهموك اكتر واعتقد ان ده هو الغرض من الكرسي ولازم تخلي بالك ان الكرسي مش دايم لحد ولو كان فضلك ما كنش وصلني علشان كده الواحد لازم يكون صريح ويقول كلام كويس وما يشتغلش نفسه ويعرف انهم يومين وهيعدوا .

السلام عليكم

ليه بس .. انا كنت مسستمه امورى على كابتشينو ونسكافيه بس
انتوا اللى شكلكو عاوزين تخلصوا على فلوسى..
وبعدين هتاكل مرتين اهوه مره بتوعك ومره مع احمد...

وعلى فكره الاسئله اللى متوجه لاحمد اسئله بجد جميله.

نسال احنا كمان..
ما هو المكان الذى تفضل قضاء إجازة به,ولكنك لم تذهب إليه إلى الآن؟

؟؟ما هى الرياضة المفضلة التى تمارسها؟ والرياضة التى تفضل مشاهدتها

ما أكثر شىء تعلمته من تجارب الحياه وتحب ننصح غيرك به ؟ ولماذا هذه النصيحه بالأخص ؟

أحكى لنا عن أرزل موقف حصل لك وتتمنى ان لا يحدث مره أخرى ؟؟

أكثر كلمة سمعتها وأثرت فيك سواء بالسلب او بالأيجاب ؟؟

أكثر كتاب قرأته وأثر فيك بشكل ما ؟؟( غير القرأن الكريم طبعا

؟؟أحكى لنا عن لحظة يأس مررت بها وكيف خرجت منها

اين تجد راحتك ؟ ومع من ؟؟

معلش الاسئله كتيره شويه بس عشان يمكن مشفكوش النهارده تانى

راحه اتفسح ..... وانتوا لا.... lol!