كرسى الاعتـــــــــــــــراف ... مين ناوى يقعد ع الكرسى ولو مره قبل مايموت

معلش يا جماعه على التاخير
بس زى ما قال حسام باشا النت كان فاصل
فى البدايه بشكر جنه على الاستضافه الجامده دى وهى عامله احلى شغل بصراحه
وهبتدى ارد على الاسئله بدايه بحبيب قلبى مشالى
السؤال الأول :
إيه هي المواصفات اللي تتمناها في شريكة حياتك ؟
فى بدايه الرد على السؤال هستعين بحديث المصطفى صلى الله عليه وسلم(تنكح المراة لاربع لمالها و لحسبها ولجمالها و لدينها.فاظفر بذات الدين تربت يداك)
وانا اللى اتمناه ان هى تكون روحها حلوه وتكون متفاهمه معايا وتستحملنى فى المستقبل لا قدر الله لو حصلى حاجه
وتكون رقيقه واكيد طبعا تكون على خلق مش ذى اللى الواحد بيشوفه دلوقتى
وعلى فكره يا جماعه معلومه للايضاح انا مش مرتبط ومحدش يصدق اى اشاعه تتقال
السؤال التاني :
إيه هو أصعب قرار أخدته في حياتك ؟
ان انا فى الثانويه العامه كنت محتار اكمل رياضه والا احياء
وموقف تانى ان انا وصديق غالى عاليا قعدنا فتره ما نكلمش بعض بس الحمد الله الامور بقت كويسه
السؤال التالت :
إيه هي أكتر هوايه بتحب تعملها ؟
بحب يا زعيم الكوره والشطرنج واكيد البلاى استشين
السؤال الرابع :
لو عايز تمسي على حد ومفيش إلا نص جنيه في رصيدك هتتصل بمين وتمسي عليه ؟ (مش عايزك تقولي إنت لأ أنا عايزك تقولي حد غيري).
انتا الخسران يا ميشو كنت هكلمك فى المصيف بس انتا اللى مش عايز
هو فى كتير عايز اكلمهم بس الحمد لله انا شفت معظمهم امبارح فهوفر الرصيد احسن
ويا عم فيه كلمنى شكرا استغلها وكمان فيه تليفون بيت مش هنغلب يعنى
السؤال الخامس :
كل واحد فينا في شخص أثر جامد في شخصيته مثلا بيكون والده أو ولدته أو صديقه أو أخوه أو قريبه المهم يعني مين أكتر شخص أثر في شخصيتك وهو أثر في شخصيتك إزاي ؟
بص يا زعيم والدى والدتى هما اكير ناس اثروا فيه وخصوصا والدى لانه فاهمنى وفاهم دماغى ماشيه ازاى
وعلى فكره صحابنا اللى فى الجامعه اثروا فيا برضه لان كل واحد فيهم كنت باخده مثال واخش معاه فى تحدى
وانا حكيتلك الموضوع ده قبل كده