محدث بالصور .. حسن يقود اندرلخت للفوز بكأس بلجيكا

طب ما بدام الأهلى هو الكرة الحلوة و كمان الكورة المصرية و هو بابا و هو ماما وهو أنور وجدى

ما نلغى الدورى و الكاس و السوبر و نيجى فى شهر 6 و نعمل أحتفالية كبيرة و نسلم فيها الأهلى درع الدورى و كاس مصر و السوبر

و نسلم أبو تريكة أحسن أخلاق رياضية و متعب أحسن هجوم و فتحى احسن دفاع و عصام أحسن حارس مرمى , لا أستنى ده عصام طفش منكم....مش مهم

و ملهاش لازمة وجع الدماغ بتاع كل سنة و بعدين نحول كل الأندية لفروع للأهلى يبقى : الأهلى فرع الزمالك , الأهلى فرع الأسماعيلى , الأهلى فرع أنبى , الأهلى فرع طلائع الجيش و .........ألخ

و يبقى له منتخب أسمه منتخب الأهلى القومى , و يبقى النادى الوحيد اللى له منتخب مخصوص و مين عارف جايز مصر تشترك فى كاس العالم بمنخبين منتخب مصر ( اللى كل لاعبته من الأهلى) و منتخب الأهلى ( اللى - وياللعجب - برضه كل لاعبته من الأهلى ) و جايز يتقبلوا فى النهائى كمان

مش ده الأهلى برضه , دا الأهلى يا جدع

لعلمك بقى يا حسام البطولة اللى بتوصل لكأس العالم و هى دورى أبطال أفريقيا و لو دورت هتلاقى الزمالك واخدها 5 مرات زيه زى الأهلى

فلو كانت حكاية كأس أفريقيا بتوصل لكأس العالم دى من زمان كنت هتلاق الزمالك طلعها برضه زيه زى الأهلى , بس المشكلة أن البطولة دى معمولة حديثا فبكده الأهلى طلعها بس تلاقى الناس تقولك الأهلى الأهلى الأهلى و كأن فى مصر كلها مفيش غير الأهلى

و الزمالك رافع رأس مصر على طول و فى كل حتة و فى كل مكان و ان شاء الله هنطلع كأس العالم

و حتى لو الزمالك نزل درجة عاشرة - لو فيه درجة عاشرة - هفضل اشجعه برضه

أولا : الزمالك واخد كأس افريقيا زيه زى الأهلى كل واحد فيهم 5 مرات , و لو كان كاس العالم دى من زمان كان زمان الزمالك طلعها و خد كاس العالم كمان

ثانيا : شيكابالا لما هرب هو اللى باس أيد الزمالك علشان يرجع , و كفاية أننا وقفنا معاه فى قضيته يعنى احنا ما بنتخلاش عن اى حد من لاعيبتنا

ثالثا : حازم يعتزل ما يعتزلش دى حاجة ترجعله , و تقولى انه مش فى المنتخب علشان الزمالك أنا أول مرة أسمع من واحد الكلام ده , ما هو المنتخب واخد أتنين من الزمالك

رابعا : الزمالك نادى عريق على الرغم من كل الظروف .

خامسا : الزمالك رافع رأس مصر فى كل حتة , و كفاية ان المنتخب فيه اتنين من الزمالك عملوا احلى شغل عمرو زكى اللى جاب 4 أجوان - مش زى ناس تانية ما جبتش ولا جون - من أحلى الأجوان , و الرائع محمود فتح الله

اولا
مش معنى ان الزمالك
خد كاس انديه في افريقيا انه هيدخل وهيرتب في كاس العالم ماهو عندك السنة الي فاتت
الترجى تقريبا ولا الرجاء مش فاكر
صعد ومرتبش
والزمالك لو كان صعد هيطلع من اول ماتش

انى حاجة مش زنبنا ان لعيبه الاهلى كلهم ف المنتخب
دا بالعكس حاجة جامدة جدا
وحاجة شرف لينا
وبالعكس دي نقطة ضعف فيكوا انتوا مش فينا

أولا : حازم أمام فى الموسم ده مكنش فى الفورما , فطبعا مكنش ينفع يلعب فى المنتخب , بس أنا شاء الله مستواه هيتحسن و يبقى زى الأول و أحسن .

ثانيا : أما بالنسبة لكاس أفريقيا أن شاء الله مستوى الزمالك يتحسن , و اهو أحنا غيرنا المدرب فأن شاء الله مستوى الفريق هيتحسن و ناخد كاس افريقيا .

ثالثا : حتى لو المنتخب ما فوش ولا لاعيب من الزمالك , كفاية ان المدرب اللى واخد كاس أفريقيا مرتين ورا بعض - و دى حاجة ماعملهش أى مدرب فى مصر - من الزمالك.

رابعا : بالنسبة لحوار شيكابالا , فى أى نادى فى العالم ممكن اللاعيب يسيب النادى و يروح نادى تانى و يرجع للنادى الأولانى إلا فى الاهلى ليه مش عارف , الأهلوية متصورين أن لما لاعيب يسيبهم يبقى كده كأنه كفر

أزاى يسيب الأهلى - نادى القيم و المبادئ - دا الأهلى جنه الله على الأرض , و ابسط مثال على كده الحضرى اللى كانوا طالعين بيه السما لما مشى - مع ان ده غلط - شتموا و هزئوه و طلعوا البلا على جتته

مع أن الحضرى اعتذر و عرف غلطته لكن الأهلى ماسمحهوش , و ربنا اللى احسن من الكل بيقبل التوبة من أى حد

و اظن ان ده غرور و تكبر من الأهلى و ده حاجة متلاقيهاش فى الزمالك

خامسا : بالنسبة لأبراهيم سعيد ان ما كنتش فرحان اوى لما راح الزمالك , و اهو اتسبب فى مشاكل و الزمالك عمره مهيرجعه تانى , على الرغم من ان مستواه فى اللعب رائع و الدليل على كده انه فى منتخب مصر

سادسا : الأهلى بيبوظ اللاعيبة بطريقة خارقة , وكفاية نادر السيد اللى كان احسن حارس مرمى فى مصر و أحسن من الحضرى راح الأهلى , أتركن على الدكة , مستواه باض و أهو هيعتزل أهو و غير نادر السيد كتير سماكة , أحمد بلال , أكوتى , .......................................................................................إلخ

لكن نادر لما تلاقى الحكاية دى فى الزمالك

سابعا : الأهلى النادى العريق اللى بتقول عليه - هو عريق صحيح فى كرة القدم لكن أى لعبة تانية أنسى - بدليل اللى حصل فى السلة , مرة جمهور الأهلى يولع فى مشجعين الزمالك , و مرة فى ماتش الجزيرة يعمل مشاكل لدرجة أن لجنة كرة السلة تقرر نقل مباريات الأهلى كلها خارج ارضه , و حولت لاعب و المدير الفنى بتاع السلة للتحقيق , و وقفت لاعب سلة باقى الموسم

فعلا نادى عريق و نادى مبادئ

ثامنا : الزمالك نادى عريق غصب عن الجميع , و إذا كان مستوى فريق الكرة مش اوى فده فريق واحد , بص على الزمالك فى السلة و فى الطايرة و السباحة و التجديف و غيره و غيره و غيره و غيره

فا مش معنى ان مستوى فريق الكرة وحش ان النادى راحت عليه خلاص , أه صحيح أن الكرة هى اللعبة الشعبية الأولى فى مصر و هى اللى عليها الأهتمام فده ما ينسحش أنجازات الزمالك الى فى كل الألعاب