يا عم رووح شوفلك دنيا تانيه تعيش فيها !!

بسم الله الرحمن الرحيم

السلام عليكم ورحمة الله وبركاته

مساكم // صباحكم خير وهنا وسرور ..

كم هو غريب أمر دنيانا !!!

* فعلا الواحد مستغرب جدا من حالنا .. كل ده بيحصل واحنا ما زلنا أحياء نرزق !!

* ايه يا عم مالك ؟؟ مالها الدنيا ؟؟ ايه اللي بيحصل ؟؟

* التلفزيون بقى فيه 45863245896 قناه للأغاني والوناسه .. مغنين لا يعدوا ولا يحصوا .. الواحد معادش عارف يحفظ أساميهم ولا هو بيحب مين حتى ؟؟

يعني كل الناس بقت بتغني !! أمال مين اللي هيسمع ؟؟

* يا عم سيبك مش لازم يعني تسمع أغاني .. دي حتى حرام !! غير الاغاني دي خالص ..

* غير قنوات الاغاني تلاقي 45216598745 قناه دينيه .. ومشايخ كتير جداا .. وكلوا بيفتي وكلوا صاحب علم ودين .. بردوا الواحد معادش عارف يعدهم !!

يعني كل الناس بقت بتفتي !! امال مين اللي هيعصى ربنا ويسأل ؟؟

* يا سيدي اقفل التلفزيون اللي مزعلك ده خاالص .. وشوفلك حاجه تانيه تعملها ..

* طيب نزلنا الشارع تلاقي زحمه رهيــــــبه .. والسيارات واقفه بدون سبب .. كل الناس زهقانه وخارجه ..

يعني لما كل الناس دي في الشارع !! امال مين اللي في بيوتهم ؟؟

طب مش مهم الناس .. شوف كل السيارات نفسها تلاقيهم كلهم متعلق عليهم ملصق كده .. المفروض ده بتاع أعضاء مجلس الشعب .. بحيث تكون سياراتهم مميزه ..

يعني لما كل دول من مجلس الشعب !! امال فين الشعب ؟؟

حتى الناس اللي ماشيين .. تلاقي كل واحد منهم نافخ نفسه والتيشيرت هيتقطع من العضلات .. مستني حد بس يقوله كلمه عشان يمسك في خناقه ..

لما كل الناس فتواات !! امال مين اللي هيضرب ؟؟

* يعني انت ولا عاجبك التلفزيون ولا عاجبك الشارع ولا عاجبك الناس .. يا عم روح شوفلك دنيا تانيه تعيش فيها ..

.... .... ....

يمكن الموضوع مفيش فيه حاجه للنقاش ..

بس هي شويه فضفضه بقلمي !!!!

تــحــيـــاتـــــي ..

هههههههههههههههههههههههههههههههه

والله موضوع جميل وفعلا احسن حاجه تشوفلك دنيا تانية تعيش فيها

السلام عليكم

ايه يا عم اليأس ده

الظاهر الاحياء مأثره عليك جامد

ياعم طول ماحنا عايشين ياما هنشوف ملل و يأس

المهم تفضل متفأئل وتحس ان فيه حاجات كتير حلوه

واهم حاجه يكون عندك ثقه بالله

وازاى يجيلنا تشاؤم ف بلد

رئيسها مبارك
رئيس حكومتها نظيف
رئيس بارلمانها شريف
وزير داخليتها حبيب
وزير ماليتها غالى
ومستقبلها كله جمال

مااشي يا بنكش .. أي خدمه !! يا عم رووح شوفلك دنيا تانيه تعيش فيها !! Icon_wink

ماااشي يا سمسم .. شكراا على مرورك يا حبي ..

وداايما تذكر مقووله العبقري الشهير اللي بيطلع في المناام ..

ThE IMpOrTaNt ThInG iS ThAt nOtHiNg Is IMpOrTaNt

فناااااااااااااااااااان .. !!!