عدد الرسائل : 783 المزاج : عال العال اسم الكلية : العلوم تاريخ التسجيل : 24/03/2008
موضوع: المنتدى المهجور الخميس 1 أكتوبر 2009 - 15:50
اكتب هذه الكلمات و انا مدرك تماما انها لن تقرا فمن ذا الذى يقرأها فى هذا المنتدى المهجور
رغم أنى أعلم أنى لن أجد أحد هنا دخلت المنتدى فقط الحنين هو من أتى بى الى هنا و لكن الصورة موحشة أكثر مما كنت أتخيل خيوط العنكبوت فى كل مكان و التراب يغطى كل المواضيع لم أسمع أى صوت الا صوت تلك الخفافيش و هى تهرب من المكان منزعجة من ذلك الضيف الثقيل عليها و كأن صوتها يقول من هذا ؟؟ و لماذا جاء الى هنا ؟؟؟
نظرت حواليا فاذا أسماء أعرفها لم أنساها أسماء شكلت فى وجدانى بكلمات أصحابها هنا فارماسى و جنة و اسلام و جوهرة القصر و بنكش و غيرهم كثير لم أجدهم ... فقط أسماء و هؤلاء اصدقائى البعض أراه و لكن ليس كما تعودت فى المنتدى
أتى بى الحنين هنا و تذكرت رمضان مر على رمضانين واحد كان المنتدى فيه شعلة نشاط شعلة دعوة هذه جنة تكتب لنا موضوع اسلامى و هذه بنكش و قصة فيها عبرة و هارى بوتر يتحفنا بقصيدة و مشمشة تكتب لنا من حديث رسول الله صلى الله عليه و سلم و ايمن مولع بعربيات موديل 2008 و اسلام يشرح لنا تاريخ الاندلس و العبد الفقير يكتب فى رحاب آية
و رمضان آخر لم أجد فيه أحداً كل واحد فى حتة ..كل واحد فى طريق توهنا و تاهت الايام الحلوة و وجدت نفسى وحيدا فبحثت عن منتدى آخر
تذكرت ايضا موضوعا كان بيتكلم عننا بعد 50 سنة باين او 100 سنة افتكرته و قلت معرفناش نحافظ عليه سنة
جابنى الحنين هنا فى المنتدى المهجور و خلانى اكتب كده و انا على المنتدى مقهور و باسال نفسى يا هل ترى ممكن منتدانا يرجع يشوف النور ؟؟؟؟؟؟؟؟
كتبتها للذكرى يمكن حد فى يوم يجيبه الحنين هنا
أحمد على
i.m.i
عدد الرسائل : 154 العمر : 30 تاريخ التسجيل : 09/09/2008
موضوع: رد: المنتدى المهجور الجمعة 2 أكتوبر 2009 - 10:35
السلام عليكم
اولا شكرا جدا يابرنس على الموضوع ده ومحاولتك للرجوع بالمنتدى زى ماكان
وزى منتا قلت مفيش حد هيقرأ الكلام ده لأن ببساطه محدش بيدخل ع المنتدى
طيب تعالى نشوف ايه السبب فى كده
هنلاقى ان كل واحد يدخل و يحط مواضيع ويلاقى مافيش اهتمام ومافيش ردود ومافيش ناس
مش بيخش تانى. وده طبعا خطأ بنشترك فيه كلنا ده طبعا غير المشاغل الشخصيه والحياة عامة
طيب تعالى نشوف الطريقه اللى نرجع بيها المنتدى زى ماكان
انا عن نفسى مش لاقى طريقه مناسبة
بس اعتقد اننا لو جددنا من شكل المنتدى واتحط مواضيع جديده واتغيرت الطريقه الروتينيه دى
اكيد المنتدى هيرجع شيئا ف شيئا
وكل واحد يعرف حد على المنتدى يقوله يرجع ونروح كلنا نشيل خيوط العنكبوت ونزيل التراب من على المواضيع
ولازم ناخد حل عملى دلوقتى حالا بأننا نبدأ فى وضع المواضيع بصرف النظر عن المشاهدات او الردود
Admin Admin
عدد الرسائل : 750 العمر : 36 المزاج : دماغ عالية اسم الكلية : كلية العلوم تاريخ التسجيل : 18/03/2008
موضوع: رد: المنتدى المهجور السبت 3 أكتوبر 2009 - 16:05
أنا بجد مش عااااااارف اقول اية بس اكيد انا اكتر واحد مقصر فى المنتدى بجد كلامك يا أحمد اثر فيا جداااااا انا بجد مكنتش اتوقع ان منتدانا يوصل للمستوى دى بس انا موجود فى المنتدى كل يوم
جوهرة القصر
عدد الرسائل : 1240 العمر : 35 المزاج : wow !! اسم الكلية : mansoura faculty of science تاريخ التسجيل : 03/08/2008
موضوع: رد: المنتدى المهجور الأحد 4 أكتوبر 2009 - 12:55
لاااااااااااااااا كده يا برنس تنسى صورى بتاعة جوهرة القصر ده أنا ياما حطيت صور اخص عليك لأ لأ .............. طيب هناك فى البيت التانى مش هاحط صور و مش هاردلك على مواضيع هه
ههههههههههههههههههههههههههههه
أنا بهزر طبعا بس فعلا كلامك مؤثر أنا و الله بدخل هنا من حين لاخر حتى تلاقينى فى أخر المتواجدون بس مش برد غالبا أو بكتب لأنه داخلة بيت مهجور فعلا و مش معقول هاكلم نفسى !!!
لكن لو كلنا هانرجع أو حتى يسكن معانا ناس جداد أنا مستعدة أجى أنضف التراب اللى على استوديو الصور و نرجع كيف ماكنا و ان شاء الله أحسن
دمتم بايجابية و ود
Brave Heart
عدد الرسائل : 1111 العمر : 37 المزاج : Games & Films تاريخ التسجيل : 08/05/2008
موضوع: رد: المنتدى المهجور الثلاثاء 6 أكتوبر 2009 - 17:11
والله أحنا بنشجع أي نشاط للمنتدى وبيسعدنا ونتمنى المنتدى يرجع زي زمان وعامة أوعدكم لما أقوم بالسلامة إن شاء الله هحاول ننشّط المنتدى شوية بس زي ما جوهرة قالت الواحد ما ينفعش يكلم نفسه
للأسف يا أحمد فاكر الأكل اللي جبناه أحنا والأصدقاء يوم الخميس اللي كان بعد العيد وأنا مكنتش مبسوط بالذات من الشاورما ومكملتش الساندوتش أهو للأسف جالي فيروس A منه وبقالي أكتر من أسبوع مش بقدر أخرج للكلية أو لأي مكان إلا للدكتور أو للتحاليل وكمان المفروض هقدم سيمينار التسجيل للماجيستير يوم الأتنين الجاي مش عارف بقى هقدر ولا هكون لسه تعبان عامة أنا بطمنكوا أنا بقيت أحسن بكتير من الأول والله والحمد لله أدعولي ربنا يشفيني وأقوم بالسلامة الدكتور بيقولي أرتاح شهر بس أنا هرتاح أسبوع وإن شاء الله هبقى كويس وهرجع الكلية من الأسبوع التالت في الدراسة بإذن الله وأوعدكم أطمنكم لما أقوم بالسلامة إن شاء الله
pharmacy_150
عدد الرسائل : 1306 العمر : 31 اسم الكلية : Mansoura Faculty Of Pharmacy تاريخ التسجيل : 21/08/2008
موضوع: رد: المنتدى المهجور الثلاثاء 6 أكتوبر 2009 - 23:39
والله فعلا مش عارف اقولك ايه ... من الاخر انت رااجل محتــــــــــــــــــــرم .. وانا كماان موجود اهوو .. وان شااء الله نشارك كلنا تااني والمنتدى يرجع زي زمان واحين .. وربنا يوفق كل الاعضاء في الدراسه .. والامتحانات .. والمرض وادعولنا انتوا كمااان .. ثاانويه عاامه بقه عشان نشوفكوا على خير كده في الجاامعه ...
the_prince
عدد الرسائل : 783 المزاج : عال العال اسم الكلية : العلوم تاريخ التسجيل : 24/03/2008
موضوع: رد: المنتدى المهجور السبت 10 أكتوبر 2009 - 4:49
كنت كاتب الموضوع ده و متخيل انى لن اجد عليه رد ابدا .. فاذا بى اجد 5 ردود .. ربما اكتر من ردود لى على مواضيع اخرى كنت اظن حين اكتبها انها ستجد اقبالا كبيرا منكم ...
يبدو انكم حدث معكم ما حدث معى .. ذلك الحنين اتى بكم الى هنا .. و لكن هذه المرة وجدتم على جدران المنتدى كلمات من صديق لكم .. فرددتم عليها ..
يمكن الموضوع ده يبقى بداية جديدة للمنتدى .. و اشوفه بيرجع تانى زى زمان و احسن كمان
اسلام ده واجب علينا .. و انا كنت حابب اوى المنتدى و كل الناس اللى فيه .. و زعلت اوى من شكله .. انا مش عايز اخسرك و لا اخسر اى حد كسبته من المنتدى .. و نفسى نفضل على طول فى المكان ده .. ممكن نعمل وضوع اسمه ازاى نرجع المنتدى .. و نكتب فيه مقتراحاتنا .. و الادمن يساعدنا فى تنفيذها .. ممكن كمان نراجع المشرفين .. ممكن كمان الادمن لانه معاه الايميلات بتاعة الاعضاء يقولهم ان المنتدى راجع بشكل تانى .. و نجدد المنتدى
الادمن انا كنت مفكر ان المنتدى انتهى .. لكن لقيت ناس بترد على موضوعى .. صحيح المنتدى عيان اوى بس لسه مماتش .. ساعدنا و نساعدك يمكن نلحقه .. بدا من لا شىء .. و دلوقتى عايزينه يبدا من شىء
جوهرة القصر اسمك مذكور فى الموضوع لانك مهمة .. رغم انى مذكرتش كل اسماء المهمين .. بس متكلمتش على الصور لان كان عليها تراب كتير اوى .. مشوفتهاش .. لومى التراب مش تلومينى انا ... و اوعى تقولى انك مش هتردى عليا و مش هتحطى صور هنا و فى البيت التانى .. ده انتى اللى مصبرانى .. حاجة من ريحة الحبايب ههههههههههه اما حكاية التنظيف دى .. شكلنا كلنا هنجيب مقشات و نيجى ننضف .. بس لو الادمن قرر ان يعود المنتدى كما كان .. و الاعضاء كمان .. و الا هنفضل نكلم نفسنا على طووووول .. هههههههه
براف هارت الف مليون سلامة .. و الله لسه عارف دلوقتى .. ربنا يقومك بالسلامة .. و ان شاء الله ترجع زى الاول و احسن .. و نطمن عليك
ايمن انت اللى راجل محترم و ستين محترم كمان .. و ربنا يوفقك و تدخل الكلية اللى بتحبها .. و تفضل معانا على طول
شكرنا ليكم كلكم .. و يا رب المنتدى يرجع زى الاول .. بس ده محتاج شغل كتير ..
dr_chem_hoba
عدد الرسائل : 17 العمر : 37 المزاج : عنبه اسم الكلية : كلية العلوم تاريخ التسجيل : 08/10/2009
موضوع: رد: المنتدى المهجور الأحد 11 أكتوبر 2009 - 2:28
[color=olive]أنا زعلان جدااااااااااااامن الكلام ده اول ما اتنازل وأشارك فى المنتدى ألاقى كل الكلام ده فين المنتدى الجامد اللى كنت بأسمع عنه وكان كل كلامك فيه حد يسيب ابنه اللى رباه ويرمى تعبه فى البحر اكترعقاب لأى انسان ضياع ثمرة مجهوده فما بالك لو كان ضياع مجهوده كله انا عارف ان الكل مشغول فى الشغل بس مش للدرجه دى 90% من المواضيع بقالها سنه عايزكو ترجعو تانى زى الأول وأكترررررررررررررالمنتدى بقى حلقة الوصل الوحيده بينا وعموما أنا سعيد جداااااااااااااابالمنتدىcolor][b]
pinkish*white
عدد الرسائل : 1182 العمر : 30 المزاج : حسب المزاج تاريخ التسجيل : 01/07/2008
موضوع: رد: المنتدى المهجور الخميس 15 أكتوبر 2009 - 6:22
والله موضوع فعلا اكتر من رائع ده عيطت يا شيخ والله هههههههههههههههههه
بس بجد فعلا كلكم وحشتوووووووونى اوووووووى ونفسى نرجع تانى زى زمان زمان اما الواحد كان يفتح المنتدى يحس انكم موجودين فيه ويحس انه كان ف مشوار ورجع تانى لبيته وياسلام اما كنا ندخل ف رمضان بعد الفطار فعلا رمضان ال قضيتوا معاكوا كان ممكن تقولوا احلى رمضان عدى عليا لانى فعلا كنت حاسه انى بين ناس واصحاب بيحبونى والأهم انى كنت بحبهم
البرنس هارى جودزيلا أيمن مشالى جوهرة جنه نيو ارتست كيكو وسمسم وسمسمه وياسو شهاوى باشا طبعا اسلام ومشمشه سندريلا i.m.i
وكــــــــــــــــــــــــــــــــــــــــــــــــل دول وطبعا ناسيه ناس كتييييييييييييييييير بس كلم وحشتونى والله ونفسى فعلا نرجع تانى
pharmacy_150
عدد الرسائل : 1306 العمر : 31 اسم الكلية : Mansoura Faculty Of Pharmacy تاريخ التسجيل : 21/08/2008
موضوع: رد: المنتدى المهجور الخميس 15 أكتوبر 2009 - 7:32
والله الشعب المصري ده مبيبطلش بؤ أبداااااا .. ههههههههههههه مع احترامي ليكوا طبعا وانتوا عارفين .. انما كل واحد دخل وقعد يشعر ساعتين وكأن شيئ لم يكن مفيش حد بيشاارك ليه يا جدعاان ؟؟؟!!!!
pinkish*white
عدد الرسائل : 1182 العمر : 30 المزاج : حسب المزاج تاريخ التسجيل : 01/07/2008
موضوع: رد: المنتدى المهجور الخميس 15 أكتوبر 2009 - 10:47
انا لسه رده النهارده يا أيمن ادينا فرصة يا عم وبعدين ورينا شغلك انته كمان
وانته يا أدمن ووووويرك يا راجل وهارى فين هو كمان؟؟؟؟؟؟؟؟
Admin Admin
عدد الرسائل : 750 العمر : 36 المزاج : دماغ عالية اسم الكلية : كلية العلوم تاريخ التسجيل : 18/03/2008
موضوع: رد: المنتدى المهجور الإثنين 19 أكتوبر 2009 - 18:15
يا جماعة والله النت كان فاااااااااصل عندى من كاااااام يوم وانتوا شايفينى كاتب الرد دة الساعة كااااااام يادوب الحق انام دلوقتى علشاااااان هصحى بدرى وبكرة ان شاء الله هكون موجود معاكم ونورتنا يا هوباااااا فى منتداك وكلامك فكرنى بكل الشغل اللى عملته فى المنتدى وان شاء الله كل دة مش هيروح هدررر طول ما انتو موجودين وسلااااااامى للجميع
جنـــــــــــــــــــــه
عدد الرسائل : 839 العمر : 34 المزاج : تماااام اسم الكلية : احسن كليه ف الدنيا.. كليه علوم تاريخ التسجيل : 11/06/2008
موضوع: رد: المنتدى المهجور الأحد 25 أكتوبر 2009 - 7:09
السلام عليكم ورحمه الله وبركاته أنا كمان يا احمد حزينه جدا ع الوضع اللى منتدانا وصل ليه ..
انا كنت ببذل فيه قصارى جهدى علشان ارجع المنتدى من تانى .. شوف اخر مواضيع ليا وشوف الردود عليه ده اذا لقيت ردود ... استحملت وقلت خلاص ردى على مواضيع الاعضاء ..علشان ارجع التفاعل من تانى .. وبرضه مفيش اى رد فعل .. مفيش مشاركات اساسا
انا واحشنى المنتدى وواحشنى كلامكم جدااا .. بس مينفعش تكون لوحدك فى ظل منتدى مهجور ..
انا معاك يا احمد فى اننا نعمل موضوع نقول فيه ازاى نرجع المنتدى من تانى ..ياريت تعمله وكل واحد يقول مقترحاته وافكاره ..
وبعدين النيه يا جماعه .. لو كل حد فينا اخد نيه قبل ما يدخل المنتدى صدقونى المنتددى هيبقى غير
مش هنسى ابدا اللحظات الجميله اللى كنت بعيشها معاكم .. وبياخدنى الحنين لمواضيعكم ومواضيعى .. وانا ياما بدات علشان ارجع المنتدى من تانى ومكنش فيه ردود .. هضطر انى استنى الناس ترجع من تانى والمواضيع الحلوه والهادفه تبتدى تظهر وساعتها هبتدى اتحمس واشارك
سامحونى دى مش سلبيه منى .. لانى زهقت كتابه مشاركات ومواضيع وملاقيش حد هنا ..
اشكرك يا احمد على انى اكون من ضمن الناس اللى تركت اثر طيب فيك .. واتمنى انى فعلا كلماتى يكون ليها اى اثر او طابع خاص فى حياتك وفى حياه كل شخص هنا فى المنتدى ..
ولو المنتدى معرفش يرجع لمستواه تانى ... فبجد اتمنى من ربنا انى اكون سبت اثر طيب فيكم وانى اكون اثرت فى اى حد ولو بايه او بحديث او بكلمه او حتى باغنيه دينيه ..
سلام عليكم ... القاكم قريبا
the_prince
عدد الرسائل : 783 المزاج : عال العال اسم الكلية : العلوم تاريخ التسجيل : 24/03/2008
موضوع: رد: المنتدى المهجور الثلاثاء 17 نوفمبر 2009 - 13:45
ايهاب جيت متاخر شوية .. بس ادينا بنحاول المنتدى يرجع زى الاول .. بس الظاهر هنتعب اوى لغاية ما ده يحصل المنتدى محتاج حاجات كتير علشان يرجع زى الاول يلا ايدك بايدينا كده .. و ان شاء الله يرجع
بنكش لا متعيطيش كلنا زعلانين كلنا وحشنا جو المنتدى .. بس مش هيرجع الا بالدخول و المشاركة ناس تحط مواضيع و ناس ترد يبقى فى مشرفين جداد بدل اللى مش موجدين موضوعات جديدة الادمن كمان يتحرك شوية
ايمن عندك حق محتاجين افعال شوية الكلام مش كفاية انا باحاول و ربنا اعلم نحاول تانى و امرنا لله
ادمن انا عارف و الله مشغولياتك ربنا يعينك بس المنتدى محتاج شغل لو عايزه يرجع تانى زى الاول
جنة طبعا انتى من الناس اللى اثرت فينا فى المنتدى و عندك حق .. شىء ممل جدا انك تحس انك بتكلم نفسك منتدى مهجور فعلا و تراب فى كل مكان و ادينا بنحاول بس لازم يبقى فى شغل اكتر من كده كتير
شكرا لتفاعلكم .. بس الكلام مش كفاية
dr_chem_hoba
عدد الرسائل : 17 العمر : 37 المزاج : عنبه اسم الكلية : كلية العلوم تاريخ التسجيل : 08/10/2009
موضوع: رد: المنتدى المهجور الأربعاء 18 نوفمبر 2009 - 1:27
فعلاً يا برنسسسسسسسسسسسسسسسسسس العضو مش بس بكلمته العضو بمواضيعة ومساهمته