علطول بنلف والدنيا بتلف هي غساله؟؟؟؟؟

بسم الله الرحمن الرحيم

احمد

تلميذ في الصف الثالث الابتدائي
يقوم من النوم
علي الشنطة جريعلي المدرسة
يقعد علي التخته بتاعتة وسط صحابة الاربعين في الفصل
الجو حر او برد
مش فاهم حاجة
كل دماغة في الكورة
يخرج جري علي البيت
ياكل و جري علي الدرس
يتضرب لانة مش مذاكر
يرجع البيت جري عشان يلحق ينام
عشان بكرة عندة مدرسة

و تلف الايام و تدور
و بكرة يجي علية الدور

احمد
طالب جامعي
يقوم من النوم براحتةمهو سهران طول الليل قدام النت
يلبس و يتشيك مهو رايح الجامعة
و ما ادراك ما الجامعة
ينزل جري يدور علي التاكسي
اصلة اتاخر علي ميعاد ..... المحاضرة
يرجع علي الغدا
رنة علي التلفون
الشلة علي الكافية
ينزل جري عشان يلحقهم قبل ما .... يقوموا
يرجع البيت طالع عينة من كتر ... المذاكرة
ينام
لا طبعا لسة عندة مذاكرة .... علي النت

و تلف الايام و تدور
و بكرة يجي علية الدور

احمد
موظف في الحكومة
يصحي يدوب جري يخطف اي حاجة ياكلها
ينزل جري عشان يلحق الاتوبيس
و دايما بيوصل متاخر
و يجري ورا الاتوبيس حوالي نص كيلو
رغم كدة عندة كرش ... ازاي معرفش
يجري علي سلالم المصلحة
اصلة اتاخر علي .... شغلة
بين شرب الشاي و الجرايد و فوت علينا بكرة
بسرعة خلص شغلة
جري علي بتاع البطيخمهو اي موظف مينفعش يدخل بيتة الا ببطيخة
جواز مرور للبيت
ضمان يسكت بيه جهاز الستيريو اللي في البيت
جري علي الغدا
قبل ما يخلص
جري علي السرير
قبل ما يحتل
جري علي القهوة
قبل ما حد غيرة يحجز الكرسي الموقر بتاعة
جري علي البيت قبل ما الشبشب يجهز

و تلف الايام و تدور
و بكرة يجي علية الدور

جري احمد الابتدائي حصل احمد اللي في الجامعة

جري احمد اللي في الجامعة حصل احمد الموظف
جري احمد الموظف حصل كل اللي سبقوة
في مكان معدتش فية جري؟؟؟؟

و الغريب انو مفيش ولا احمد وقف و قال انا بجري لية؟؟
مين اللي بيجري ورايا؟؟؟
دايرة مقفولة
ساقية و بنلف فيها

تصور وسط الجري دة
يوم الصبح كالعادة
طلعت الشمس من الغرب بدل الشرق
تفتكر اى احمد من دول هياخد بالة منها؟؟؟؟
ازاي
دة عمرة اساسا ما بص ليها

مش فارقة معاها الدنيا شتا ولا حر
دفا ولا برد
نهار و لا ليل
طوبة ولا امشير
مهو علي الجري متعود
حتي لو قطعوله رجليه

كل يوم تسمع احنا في زمن السرعةيخرب بيت السرعة اللي بالشكل دة
يخرب بيت السرعة اللي بتاخد عمرنا من غير ما نحس بية
و لا من غير ما نعمل حاجة فية
مش عاوزها السرعة دي
عاوزه ابقي في عصر الديناصورات
بس استفيد من حياتي
اعمل حاجة لاخرتي
بدل ما اقعد اجري
مش عارف بجري من اية ولا ورا اية

ااقف انت
و سيب اللي يجري يجري
فكركويس
جهز نفسك
بص حوليك
و بعدين ابدا امشي
صدقني هتحصل اللي بيجري و تسبقة كمان
وفي الاخر بدل ما تقول
بنلف في دواير .. و الدنيا تلف بينا
هتقول

الله
قد اية حلوة الحياة

الله عليييييييييييك يا كبير
والله يا بنى انت كنز
والله انا مش لاقى كلااااااام اقوله
بجد شكرررررا يا كبيرنااااااااااا

تســــــــلم يا محمود عالكلام الجميل ده ..

انا كمان بجد لو عندى كلام اقوله ... هقول ..

بجد موضوع جميل جدااااااااااا ويخلى الواحد يقف وقفه مع نفسه

ويشوف هوه رايح فين وايه اللى هيقدر يقدمه لدينه ويقابل بيه الرسول صلى الله عليه وسلم...

كفايه تضييع وقت !!!!!!!!!!

بجد موضوع يشد جدا
فعلا باشا جدا يا حسينى
تسلم إيدك يا معلم