""جمعة يوم الثلاثاء""...

جمعة يوم الثلاثاء
كان يوم الثلاثاء مشرقاً وجميلاً لا أعرف ما الذي جعلني أعتقد أنة يشبة يوم الجمعة مما جعلني أعتقد أن هذا هو اليوم المناسب لكي أذهب إلي جدتي لأني أحب الأرز باللبن الذي تتقنة لبست أنظف ماعندي لأن جدتي تحب النظافة وأنا لا أريد أن أسمع نصائحها كثيراً ونزلت من البيت بعد أن قررت أن أذهب سيراً علي الأقدام . في منتصف الطريق وجدت عربة من عربات الأمن المركزي وكعادة كل مصري أصابني الفضول ذهبت إلي هناك وإذا بجندي من الجنود يقول لي :
- إتفضل معانا ""جمعة يوم الثلاثاء""... Slap

نظرت له في تشكك :
- أنا عملت حاجة
- ماتخافش من حاجة إحنا واخدينك علشان تصلي
وقبل أن أهم بقول شئ آخر وجدت نفسي داخل العربة نظرت إلي وجوة الناس الحائرة ولكنى لم أكن خائف بل كنت سعيد جدا ( الحكومة بتجمعنا علشان نصلي ) ...
توقفت العربة وصعد إليها ضابط (واحد رتبتة عالية نقول ضابط ) ونظر إلينا ثم قال :
- الكلام اللي هاقولة ده مهم واللي مش هايسمع الكلام ممكن حياتة تبقي هي الثمن ده لو ماكانش حياة علتة كلها الرئيس جوة الجامع هو وشخصيات مهمة وإحنا بنصورهم إنتم هاتصلو معاهم اللي هايتحرك من مكانة هايموت اللي هايروح الحمام هايموت وممنوع تتحرك بعد الصلاة غير لما الرئيس يخرج مفهوم .
نظر إلية الناس في رعب وقالو مفهوم
نظرت إلي الظابط وقلت له :
- أيوة بس أنا عايز أتوضاء
نظر لي من فوق إلي تحت ثم قال :
- أنا قولت اللي هايتحرك من مكانة هاينضرب بالنار
كنت مستعجب مما يحدث ثم قلت له :
- إحنا هانصلي إية
-الجمعة
-أيوة بس النهار دة الثلاثاء
خلع الضابط نظارتة الشمسية من علي وجهة وكانت عينة تخرج منها الشرار ثم قال :
- إحنا بقي خليناها الجمعة عندك مانع
لم أستطيع أن أنطق نصف كلمة دخلنا جميعاً وجلست بعيداً عن الرئيس ومضي الوقت في بطئ ثم خرج الرئيس من الجامع وخرجنا بعدة وذهبت إلي جدتي وأكلت الأرز باللبن بعد أن صليت جمعة يوم الثلاثاء .

هههههههههههههه

ودى اخره اللى ياكل رز باللبن

وما دامت الحكومه قالت ان النهارده الجمعه

يبقى الجمعه

تسلمى يا بنكش

يوم الجمعة اللى فاتت و انا رايح الجامعة بعد صلاة الثلاثاء .. قابلت واحد مشوفتوش من شهر اكتوبر اللى جاى ... سلم عليا و قاللى انت رايح فين امبارح ... قولتله عندى محضرة فاتت و عايز الحقها قبل ما تخلص ...

ايه اللى انا باقوله ده ... منك لله يا بنكش ... لخبطى الايام كلها عندى ... بس العيب مش عليكى ... العيب على اللى بيصلوا الجمعة يوم الثلاثاء ... و من غير وضوء كمان ..!!!!!!!!!!!

الموضوع جميل يا بنكش
بصراحه الواحد ما عتش يستبعد أي حاجه في الزمن ده
ممكن تحصل بجد
واللي بيحصل في الواقع أفظع من القصه على فكرة

ههههههههههههههههههههههههههههه

والله ردودكم دى زى العسل والله