نكت على الريس وربنا يسترها

اضحك بجد من الغيظ

الريس : عارف يا ابليس ياخويا, انا عاوز اعمل في الشعب المصري

حركه تطلع من نافوخهم
أبليس : طب هات ودنك وخد الفكره دي .....وش وش وش وش
الريس: لالا يا ابليس الفكره دي مش نافعه , عاوز حاجه أشد
أبليس : طب خد دي ...... وش وش وش وش
الريس : لالا , برضه مش نافعه , ايه يا ابليس انت بقيت خرع كده ليه , هات بقه ودنك وانا اقولك انا نويت اعمل فيهم ايه
وش وش وش وش وش
ابليس : لا يا راجل حرام عليك

------------------------------

واحد اتحشر في زحمة المرور فلقى واحد بيخبطله على شباك السيارة
فتح الشباك و سأله عايز ايه
قاله : الريس خطفوه و الفدية 5$مليون دولار
و لو الفدية ماتدفعتش .. الخاطفين هددوا يدلقوا
عليه بنزين و يولعوا فيه
و احنا بنجمع تبرعات .. تحب تشارك ؟
الرجل سأل: " و في المتوسط الناس بتتبرع بكام"
الرجل الثاني : " من 5 الى 10 لتر بنزين

---------------------------

مره الريس راح مدرسه ابتدائى فلما جت فتره الاسئله ولد رفع ايده
الريس ساله اسمك ايه فقاله رامى فقاله ايه سؤالك يا رامى ؟
رامى : انا عندى اربع اساله
1 - ليه انت رئيس بقالك 25 سنه ؟
2 - لسه معينتش نائب ؟
3 - ليه ولادك ماسكين كل حاجه فى البلد ؟
4 - ليه مصر حالتها الاقتصاديه زفت و انت مبتعملش حاجه ؟
ساعتها بالظبط رن جرس الراحه وبعد الراحه رجع الريس وقال احنا كنا فين بقى؟ مين عنده سؤال ؟
ولد صغير تانى رفع ايده فمبارك سأله اسمك ايه قاله تامر فقاله سؤالك ايه يا تامر ؟
تامر : انا عندى 6 اساله
1 - ليه انت رئيس بقالك 25 سنه ؟
2 - لسه معينتش نائب ؟
3 - ليه ولادك ماسكين
كل حاجه فى البلد ؟
4 - ليه مصر حالتها الاقتصاديه زفت و انت مبتعملش حاجه ؟
5 - ليه جرس الراحه رن ربع ساعه بدرى ؟
6- فين رامى ؟؟؟؟؟؟

--------------------------------------

*إخبرنى بصراحة يا نظيف ولا داعى للمجاملة أو النفاق .
نظيف : أمرك يا ريس
الريس : أنا الأفضل ولا عبدالناصر ؟
نظيف : انت طبعا يا ريس .. جمال مين اللى كان بيخاف من الروس !!
الريس : طيب أنا الأفضل ولا السادات ؟
نظيف : سادات مين ياريس اللى كان بيخاف من الأمريكان !!
الريس : طيب أنا الأفضل ولا عمر بن الخطاب ؟
نظيف : انت طبعا يا ريس .. عمر بن الخطاب كان بيخاف من ربنا .. انت لأ

----------------------------------------

*كان فى سرير المرض حينما أخذ يلقى بوصاياه الأخيرة لوزيره نظيف :
- وصيتك الحكم من بعدى يا احمد ..
- فى رقبتى يا ريس .. كله تمام والسلطة هياخدها جمال ..
(ثم راح فى غيبوبة .. أفاق منها بعد قليل )
- وصيتك الشعب من بعدى يا احمد .
- ما تخافش يا ريس .. الشعب ياكل الزلط ...
(ثم راح فى غيبوبة .. أفاق منها بعد قليل )
- احمد
- نعم يا ريس؟
- ماتنساش .. توكيل الزلط لعلاء

-----------------------------------------

بيقولك مره شيخ اتمسك فى امن الدوله و سابوه
فامن الدوله مراقبينه . اول يوم لقوه ماشى فى شارع
الهرم راحوا مكلمين الريس و قالوله الشيخ تاب ياريس
تانى يوم لقوه فى كباريه قالوا الشيخ تاب و اناب ياريس
تالت يوم لقوه فى الاتوبيس بيسرق واحد قالوا الشيخ تاب
و اناب و بقى من الحزب الوطنى ياريس

--------------------------------------

ذهب نظيف عندما كان نائبا الى
نزهة فوجد تمثالا للجندي المجهول يققف ممسكاً
ببندقيته فاقترب منه وأخذ يتأمله، فقال له
التمثال: لقد تعبت من الوقوف فأحضر لي حصاناً
أركب عليه، فتعجب نظيف مما حدث ، وعندما عاد
أخبر مبارك بما جرى، فلم يصدقه ، وطلب
من نائبه أن يذهب سوياً للتحقق من الأمر
وعندما وصل نظيف و الريس واقتربا من التمثال قال
التمثال لنظيف: لقد طلبت منك حصاناً وليس حماراً

-------------------------------------

* بيقولك جمال مبارك بعد الخطوبة ..أبوه حب
يضمنله مستقبله ..جابله عقد عمل فى السعودية ..وشغلوه برضه ابن رئيس جمهورية بالساعة.
---------------------------------------

* بيقولك فى عيد ميلاد حفيد الريس ..كل وزير جابله هدية ..اللى جابله طيارة لعبة ..واللى جابله مسدس مية ..حبييب العادلى جابله تلات عربيات أمن مركزى وأربع مخبرين يلعب بيهم .
--------------------------------------

* اشتكى الريس لحبيب العادلى إن "حمو النيل "ما بيخلهوش ينام ..بعد تلات تيام اتصل بيه حبيب العادلى وقاله تمام يا فندم قبضنا على كل اللى اسمهم حمو وجارى ردم النيل سعادتك.
----------------------------------
* الريس ركب طياره هو وعيلته. طلع ورقه بمية جنيه من جيبه وقال انا حأرمى المية جنيه دى واللى حيأخدها حأسعده. سوزان قالت له طب ما تخليهم ورقتين بخمسين وتسعد إتنين. علاء قال طيب ماتخليهم خمس ورقات بعشرين وتسعد خمسه . جمال قال طيب ماتخليهم عشر ورقة بعشره جنيه وتسعد عشره. الطيار قال طيب ما ترمى نفسك وتسعد 75 مليون

-------------------------------

مرة واحد ركب تاكسي ولقي السواق معلق في العربية صور جمال عبد الناصر وانور السادات والريس
الراجل استغرب سال السواق مين اللي انت معلقهم صورهم عندك
قالة دا جمال عبد الناصر الزعيم المصري الراحل
ودا انور السادات قائد حركة السلام والامن في البلد
ودا الريس أبو علاء شريكي في التاكسي

-------------------------------------

الريس بيخطب في الشعب فا كل شويه واحد يقوم ويقول عاش الريس موحد الاديان ويقعد يروح حسني مكمل كلامه وشويه ويقوم الراجل ويقول عاش الريس ك موحد الاديان فا
اتمسك امن دوله وطااااااااخ ويقولوله ايه الي انت بتقوله دا ازاي موجد الاديان دي مصر فيها مسيحين ويهود ومسلمين وطااااااخ فردعاليهم يا باشا ماهوه الي مكفرنا كل

----------------------------------

فى عيد الأضحى طلب الريس من حبيب العادلى عشر خرفان عشان ينقى منهم خروف يضحى بيه فى العيد ..بعد تلات تيام جابله خروف متعور ومتبهدل خالص ..فقاله :إيه ده يا حبيب ..جايبلى خروف حالته بالبلا ..فقاله :ده اللى فضل صاحى بعد التحقيقات يا فندم ..قاله :طب وباقى الخرفان ..فرد حبيب :طلعوا إخوان مسلمين يا فندم

الريس ماشي في الصحرا شاف تمثال ، قال لحبيب العادلي شوفلي التمثال ده بتاع مين يا حبيب ، ربع ساعة رجعله حبيب العادلي و قاله : ده رمسيس التاني يا فندم ، مبارك قاله : عرفت منين ، العادلي رد : اعترف يا فندم

---------------------------

بيقولك واحد تانى لقى الفانوس السحرى ده دعكه طلعله العفريت وقاله:شبيك لبيك تطلب أيه؟ قاله الراجل: أنا عايز كوبرى بين القاهره وأسوان العفريت قاله: دى صعبه قوى نقى
حاجه تانيه الراجل قاله:خلاص خلى الريس يسيب الحكم؛العفريت قاله:أنت عايز الكوبرى رايح جاى ولا رايح بس

------------------------------هههههههههه

قرر الريس ان يعين سكرتيره , فلجا الي نظيف
الريس : اهم حاجه يا نظيف في اللي يشتغل معايا الامانه
نظيف : يا ريس احنا عملنا اختبار لتلات بنات , ادينا لكل واحده كيس وقلنالها ودي الالف جنيه دول البنك , كل واحده فتحت الكيس لقت فيه الفين جنيه , واحده حطت الف ورجعت بألف , التانيه حطيت الالفين وجابت الوصل , التالته رجعت بالفلوس كلها وبتسأل تتصرف ازاي , ها يا ريس هتعين مين ؟؟؟؟؟؟

الريس : اللي لابسه ميكرو جيب طبعا

يارب تعجبكم وربنا يسترها

ولو حد عايز يشفنى انا موجود فى مكان

انا مش عارف هو فين

بس لو ليك واسطه فى امن الدوله

ممكن تعرف انا فين

بص انت كنت طيب ............ فى أمان الله

ههههههههه

دمتم

والله جااااااااامدين يا محمود

بجد تسلم ايدك

والله هتوحشنا يا محمود ...بس اكيد هنحصلك .....اشتباه

ههههههههههههههههههههههه
والله نكت جامدة
بس ع فكرة احنا بنضحك من حسرتنا والله علي اللي البلد وصلتله
لنا الله

بس نكت جميلة والله

والله باشا من يومك يا محمود
نقول ايه بس
هتوحشنا مواضيعك دى والله

فدائى من يومك والله
ربنا معاك

ملحوظة هامة
رقبة التنظيم فى ايديك دلوقتى يا محمود
اوعى تفتن علينا حتى لو قتلوا الريس بنفسه ادامك

الفدائى طول عمره فى فدائى

والمصرى معروف بجبروته وبقوته

الـــــــــــــــوداعـــــــــــــــــــــــــــــــــــــ

ولا كأنك تعرفنى silent

ايه يا جوهره مش تقوليلى ههربك بره والا حاجه

وازيك يا يمن مشرفنى دايما

ويا امير ما تقلقش هيتقبض عليك اكيد ما دمت كتب رد

ويا رب دايما يا ساره تبقى مبسوطه

ما تقلقيش يا بنكش مش هقول انك مسؤله عن التنظيم فى غيابى

ولا انك الممول ليه ولا حاجه

واذا لقيتى باب بيتكم بيخبط دلوقتى والبوليس مستنيكى اعرفى انه مش انا

ومعلش بقى علشان البوكس مستنينى

ياجماعة انتوا فاهمين غلط

الحسينى يقصد بالريس (رئيس مجلس المدينة)

ياعسنى عليك يا فاهمنى

تسلم يا عمر

معلش ياريس شقاوة شعب
حبايبك بقى وبيهزروا معاكت

ياجماعة احنا دول عالم تالت لسببين
1- ان مافيش دول عالم رابع
2-ان عندنا ستات وهما دول السبب الرئيسى

يا جماعة موبايل الحسينى مغلق بقاله يومين مش عارف ليه؟
[center]يلا خير جايز الشحن خلص

[/center]

والله عسل يا هيما

وكويس انك بتسال عليا