الكل يدخـــــــــــــــــــــــــــــــــــــــــــــــل عايزة مشاركات

مارايك فى شباب اليوم؟
انى اسال كل الشباب هل منكم احد راض على حياتة؟ وعن افعالة؟ وعن مايفعلة؟
هل منكم احد فخور بشىء فعلة؟
كل هذة تساؤلات اريد الاجابة عليها من الشباب انفسهم فشباب اليوم لايوجد فى حياتة مايفتخر بة ويقول انا عملت حاجة بجد
ولكننا لا ننكر ان شباب اليوم الى حد ما مفروض علية هذا الوضع لانة هذا هو الواقع ولكنة لا يحاول جادا حتى ان يرفض هذا الواقع ويحاول بجدية ان يغيرة من حولة بل مستسلم لة ويتماشى مع رياح التغير مهما وصلت
ولازم انة يتماشى مع العصر ويلبس على الموضة ويمسك موبيل على الموضة وعلى فكرة انا لاارفض ذلك ولكنة يكون باعتدال وعشان هو عايز كدة وليس عشان الموضة كدة وصحابة كدة
ياريت ياشباب اليوم تفكرو شوية فى حياتكو وتحبوها اكتر من كدة وانا معاكو طبعا
لاوالجديد انة لازم يجارى صحابة فى اى حاجة عشان مايبقاش بيسمع كلام ماما وعشان يبقا راجل (اظن فاهمين ياشباب)
بليز ياشباب فكرو بجدية شوية فى حياتكوا ومتستسلموش للاوقع زى ماهو وحاولو ان تغيروا فية وبلاش التقليد الاعمى لاى حاجة نشوفها ياريت تفكرو فى كلامى وشكرا
الكلام ده طبعا لينا كلنا
يلا بقي عايزة ردود كتيرة

اسمحيلى انا ليا وجهة نظر فى الموضوع ده :
انا متفق معاكى فى جزء كبير من اللى فات بس مش كله ...انا شايف ان العيب مش اننا وحشين اوى ( مش ضايعين اوى ) بالعكس لان لو ده حقيقى مكانش زمانك بتكتبى الموضوع الرائع ده ... اللى انا اقصده اننا جوانا طاقات و مش بس كده .. دى ظاقات اجاية .. طاقات تبنى .. طاقات تعلى .. عندنا حاجات نفتخر بيها بجد .. مش كلام .. ....... و لكن

المشكلة بجد اننا كلنا زى ما عندنا حاجات كتير نفتخر بيها عندنا كمان حاجات نخجل منها .... يعنى مش قادرين نثبت على الحاجة الكويسة ... دايما مع الهوجة ... الصحبة السيئة موجودة جوه مجتمعنا .. و عاملة شغل ... و متغلغلة جوانا ... عايزين نخرج بر الدايرة دى ... عايزين زى ما انتى قلتى نفكر فى الكلام .. و نفهم صح و نركز فى اهدافنا ... و نبص على حياتنا بصة جديدة .. و نقيمها .. و نشوف احنا رايحين على فين ... لان احنا جوانا جميل ... جوانا فطرة اتخلقنا بيها ... عايزين نبقى احسن
جزاكى الله خيرا على الموضوع
و اتمنى ان يتسع صدرك ليتقبل اختلافى

انا معاك والله يا برنس
بس هو ده فعلا حالنا وحال معظم الشباب
بس العيب مش علينا العيب علي الحكومة النعسانة
اللي المفروض تديلنا كل حاجة علشان تستنى مننا النجاح لينا وللبلد
ان شاء الله ربنا هيعيننا طول محنا مش ناسيينه وفاكرينه وبنحمده
وبعدين يا برنس مفيش حياة من غير اختلافات

الحمد لله انا عملت حاجة كويسة فى حياتى
كفاية انى عملت المنتدى المحترم دة
ههههههههههههههههههههه
يا سارة انا شايف ان الموضوع كبيرررررررر
ياترى العيب فينا ولا فى الحكومة ولا فى اهالينا اللى عودونا على كدة
ولا فى الاعلام الفاسسسسسسسسسسسسسسد
ولا فى المؤاسسة التعليمية
ولا فى اية بالضبط
كل دول عليهم واجبات لو كل واحد قام بوجبه
هينصلح حالنا اكيييييييييد
وشكرا على الموضوع

والله يا جماعه مع احترامي ليكوا كلكم
بس انا مع راي البرنس ان احنا جوانا كتييييييييير اوي وكله ايجابي بس مش ظاهر

واعتقد ان احنا لو الجو حولينا كان مهيئ للشيئ الايجابي ده كان هيظهر والمخفي هيبقي الاشياء السلبيه
الوحشه اللي هي ظاهره لينا كلنا دلوقتي
وشكرا علي الموضوع الجميل ده وتقبلوا رايي

ورمضان كريم

ميرسي اوى يا جماعة علي ردودكم
طيب ايه ايكم نبتدى نصلح اي حاجة مش كويسة فينا
ايه رايكم كل واحد يبدا بنفسه
صدقونى ان شاء الله هنكون احسن بعون الله

على فكرة الشباب نوعين :

1-النوع المتواكل العايش كده وخلاص ماشى ورا الموضة واحدث الموبايلات والتفاهات ولايهمه اى حاجة فى الدنيا دى والنوع ده للاسف منتشر قوى

2-نوع عارف هو عايز ايه علشات كده بيعمل كل اللى فى وسعه علشان يحقق هدفه لكن الاحباطات اللى بيلاقيها داخل البلد بتثبط عزيمته

لكن عموما الشباب جواه طاقة جبارة بس الحكومة مش عارفة تستغلها صح

بجد ... رائعة لغة الحوار اللى فى الموضوع ده ... و انا باتفق معاكى يا سارة ... مفروض نبدا نغير الحاجات السيئة جوانا ... و مفيش احسن من الوقت ده ... رمضان ... بنجاهد فيه نفسنا ... يبقى ممكن نتغير فيه و بيه ...

و نحاول بقى نبعد عن نغمة الحكومة و البلد و الاعلام ... لان دول علشان يتغيروا محتاجين سنين ... لازم نبدا بنفسنا

شكرا بجد على الرقى الرائع و الحوار الهادف
شكرا سارة
شكرا الشهاوى
شكرا للى ساهموا كمان فى الموضوع

انا بجد يا ساره مش راضى عن نفسى تماما بس هعمل ايه كلنا لها

ممكن اشارك
انا عندى رئي فى الموضوع ده
احنا لو بنعمل حاجات مش راضيين عنها
وزي مكلنا متفقين ان جوانا حاجات ايجابيه اكتر ونفسنا نعملها
عمرنا ما هنقدر نطلع الايجابيه اللى جوانا طول مافى شىء سلبى
يعنى من الاخر
لازم نستغنى عن اى جانب سلبى فى حياتنا
بعدين ندور على الاصلاح
يارب تكونو فهمتونى

مشمشهـــ
geek

انا رايى من راى امير

وان الشباب نوعين نوع معتمد على والده والواسطه مظبطاه

وضامن انه كده كده مش مضطر يتعب لان كل حاجه متوفره ليه

والنوع التانى اللى بيتعب ويشتغل خمسين شغلانه وعلشان الواسطه

مش عارف يحقق احلامه ومجهوده كله بيضيع

طب ما زويل كان عندنا فى مصر ومحدش اهتم بيه وسابوه

من غير ما حد يعرف اصلا هو عمل ايه

ولما خرج بره واكتشفوه دلوقتى الحكومه بتقول زويل ده ابننا

وكمان لو تفتكروا اوقات الحرب تلاقى المساجد عمرانه بالمصلين

والامه كلها بتخاف على بعض فالعيب على الحكومه اللى اهملت فى شعبها

لحد ما دمرته

شكرا ليكو كلكو ياللي ساهمتوا معايا

وبجد يا هاري بوتر كويس اوى انك فتحت موضوع الواسطة اللى مزهقانا كلنا

فعلا ان شاء الله ننتهز فرصة رمضان وكلنا نحاول نغير في نفسنا

ان شاء الله هنقدر

ربنا معانا

كل سنة وانتو طيبين

ورمضان كريم