عدد الرسائل : 1240 العمر : 35 المزاج : wow !! اسم الكلية : mansoura faculty of science تاريخ التسجيل : 03/08/2008
موضوع: امتحان عربي لكل مواطن ... لو شاطر تعديه بنص درجة الإثنين 18 أغسطس 2008 - 20:44
السؤال الأول: التعبير
اكتب ما لايقلعن 650 سطر فى أحد الموضوعات التالية لم يجد الطفل غير الشارع ملجأ نظرا لحالة البلد الهباب..فاتجه إلى السرقة والقتل والحشيش.. حتى نال جزاءه وقبض عليه متلبسا بباكتة بانجو.. اكتب قصته مع تسليم الحِرز للباشا مراقب اللجنة
شهدت بلدنا الحبيبة نهضة فى مجال التشييد والبناء وخصوصا بعد وصول سعر الحديد إلى 6500 جنيه للطن.. اكتب ما يمليه عليك ضميرك على أن يبدأ موضوعك بعبارة أنا باشتغل فى حديد عز [center]بعد انتشار ظاهرة أكل لحم الكلاب والحمير..من وجهة نظرك كـ(حم..) تكلم عن هذه الظاهرة ومن المتسبب فيها بدون غلط..الورق متراقب ــــــــــــــــــــــــــــــــــــــــــــــــــ ـــــــ
السؤال الثانى:
القصةمن قصة ' وعهد الله ما انت داخل الانتخابات' .. اقرأ القطعة وأجب عن الآتى ثم أتى إليه وضربه بالجزمة وقال: انت عايز تترشح فى الانتخابات يا(معف..)؟؟دانت عايز معجزة..مش كفاية بتاكلوا لحمة ومستورين.. عايزين إيه تانى؟
ما هى اللحمة؟ أو على الأقل حدد أقرب معنى خيالى لها
مرادف معجزة فى اللغة ( تغيير وزارى – زيادة المرتبات – رغيف العيش) اختر يا مقلول البخت
لماذ ضربه الرجل بالجزمة وليس بالعصى مثلا؟؟
*أهو كسل .. لسة هيرفع العصاية؟
*عشان العصاية قلة قيمة برضه واحنا فى عصر الديمقراطية– عشان العصاية شغالة مع واحد تانى.. افهم انت بقىاختر
حلل بمزيد من التفصيل جملة ضربه بالجزمة ومدى توافقها مع جملة مصربتتقدم بينا
ــــــــــــــــــــــــــــــــــــــــــــــــــ ــــــــــ السؤال الثالث
القراءة من موضوع ( الزعيم..والفنان.. والقدوة) اقرأ القطعة وأجب وقد نفى الزعيم عادل إمام الإشاعات التى أكدت أنه مرشح لوزارة الثقافة.. وأكد أنه فنان فقط وليس سياسيا
الخبر حقيقىكما أنه يرحب بالتوريث ومقتنع بكل سياسات الحكومة
فى رأيك هل يصلح عادل إمام لوزارة الثقافة أم لوزارة الصناعة باعتبار أنه صرح فى فيلم السفارة فى العمارة أنه بيحب (المَ..)؟؟
ذكرنا فى الدرس أن عادل إمام سيتقاضى فى فيلمه القادم 12 مليون جنيه.. فى رأيك ياعم المحروم ((باعتبار أن كل أفلامه أفلام لا أخلاقية ويسمح بعرضها)) تبقى البوسة بكام فى الفيلم؟؟
النصوص أجب عن أحد النصين الآتيين من نص ( ماشربتش من نيلها)..اقرأ ثم أجب ماشربتش من نيلها.. جربت تغنى لها.. جربت فى عز ماتحزن تمشى ف شوارعها وتشكى لها
بعد رغبة صاحبة النص فى أن تلد ابنتها فى أمريكا لتحصل على الجنسية الأمريكية..اختر..ما المقصود بنيلها فى النص؟
المسيسبى - الأمازون – يونج يانج
هذا النص من نصوص الحزب الوطنى والدليل وجود اسم مهم من قيادات الحزب((وللعلم محطوط تحته خط)) فى النص.استخرج الاسم..وبوسه من بُقـُّه ورجَّعُه مكانه
أكمل الأبيات إلى آخر كحكة فى الكليب
قوبل النص بانتقادات بسبب بعده عن الواقع...وضح من النص ما يتفق مع القول المأثور اطبخى ياجارية ..كلف يا سيدى
ــــــــــــــــــــــــــــــــــــــــــــــــــ ـــــــ من نص (حين ميسرة)..أجب عن الآتى
اذكر اسم مصيبة واحدة محصلتش فى النص الأسود ده
وضح: * عبقرية أحمد بدير الإرهابى فى النص وهو يكتب رسالة على الكمبيوتر باستخدام أزرار الأرقام فقط ومفيش حروف.. ويعطى أمر التنفيذ بزرار قايمة ستارت مش بإنتر.كمبيوتر إرهابى بقى
سبب وجود الشرطة كل خمس دقائق فى النص :-
(موسم ترقيات عقبال أملتك ولازم شغل – أخو خالد يوسف ظابط ولازم يخدم أخوه – عشان الشرطة بتراقب قسم البوليس اللى جنب أحداث النص) اختر
مع كل الأماني بالرسوب ... قصدي بالتفوق ... ملحوظة :عينك مش هتشوفه في بلدنا[/center]
the_prince
عدد الرسائل : 783 المزاج : عال العال اسم الكلية : العلوم تاريخ التسجيل : 24/03/2008
موضوع: رد: امتحان عربي لكل مواطن ... لو شاطر تعديه بنص درجة الثلاثاء 19 أغسطس 2008 - 12:13
مع انى قريته قبل كده ( كان مبعوت على ايميلى ) . لكن حسيت بحاجة غريبة .. و انا فى عز قراءتى للموضوع حسيت ب جمال و روعة الفكرة و علاء و سمو التفكير و اقولها من كل قلبى مبارك لكل من دخل الامتحان و تحيا م ص ر .
[size=18]و لى بعض الملاحظات : 1-650 سطر مش كتير لكى نتعرف على موهبة الطالب و التفريق بين الكويس و الوحش 2-القصة الاولى واقع 3-الحديد غلى مش علشان جشع او سرقة و لكن علشان الاقبال الشدشد عليه ( انتوا مش شايفين ناطحات السحاب اللى اتشرت فى م ص ر "نهضة معمارية " ) ...... و مش هاتكلم على القصة التالتة 4- مين ميعرفش اللحمة ( الشعب المصرى بياكل اللحمة فى ال3 وجبات ) 5-اعتقد اكبر معجزة هى رغيف العيش. 6- اما موضوع الجزمة ده كبير ( اسالو طلعت السادات و مرتضى و .......) 7- اعتقد انه اعلن عن المبلغ ( البوسة بخمسة جنيه و الحسابة بتحسب ) انا لو عليا امسكه رئيس وزارة اصل الوزارة مليانة زبالة . 8- المقصود بالنيل هو النيل بتاعنا بس بعد ما نقلوه امريكا ( انتوا معندكوش خلفية ) 9- اعتقد ان النص اسمه حين مسخرة 10- مع انى مليش فى النحو بس الرئيس لا يثنى و الناصب لا ينصب و الضرائب دايما مرفوعة ( خدناها كده فى كى جى تو )[/size]
جوهرة القصر
عدد الرسائل : 1240 العمر : 35 المزاج : wow !! اسم الكلية : mansoura faculty of science تاريخ التسجيل : 03/08/2008
موضوع: رد: امتحان عربي لكل مواطن ... لو شاطر تعديه بنص درجة الأربعاء 20 أغسطس 2008 - 9:48
the_prince
أنا قولت من الأول لازم الأصدقاء يكونو مع بعض حتى فى أبو زعبل .......
شكرا على تفاعلك مع الموضوع ...
دمتم بود ..
the_prince
عدد الرسائل : 783 المزاج : عال العال اسم الكلية : العلوم تاريخ التسجيل : 24/03/2008
موضوع: رد: امتحان عربي لكل مواطن ... لو شاطر تعديه بنص درجة الأربعاء 20 أغسطس 2008 - 14:58
جمعااااااااااااااااااااااااااااااء
pharmacy_150
عدد الرسائل : 1306 العمر : 31 اسم الكلية : Mansoura Faculty Of Pharmacy تاريخ التسجيل : 21/08/2008
موضوع: رد: امتحان عربي لكل مواطن ... لو شاطر تعديه بنص درجة الخميس 28 أغسطس 2008 - 22:46
موضوع جمييييييييل والله بجد تسلمي
بس اعتقد ان الاسئله تعجيزيه وخارجه عن كتاب المدرسه وفوق مستوي الطالب المتوسط