هام جدا

قبل ما ابدا فى الكتابة ارجو انك تقرا للاخر من عير ما تقاطعنى

شوفتوا الاهلى ؟؟! عمل حتة فترة اعداد فى المانيا انما ايه .. تجنن . استعدادات . معسكر . اهتمام بالناحية الفنية و البدنية . تحفيظ كل لاعب دوره . احمال . تدريبات . استقرار . لعيبة جديدة . استشفاء .
و شوفتوا الزمالك ؟؟! فترة اعداد فى 6 اكتوبر و اسكندرية . و لعيبة جديدة . و مدرب جديد . مشاكل شوية . تدريب شوية . احمال . مشكلة هانى . تدريبات قوية . نقل معسكر . متشات ودية معظمها ضعيف .

النتيجة مقابلتين لصالح الاهلى و اول بطولة للاهلى فى الموسم و بداية قوية و تالق

واحد يقولى ايه الهبل اللى بتقوله ده ارميه فى الرياضة . ده مش مكانه . انت عبيط و لا اهبل و لا بستهبل . و لا غصب عنك مخدتش بالك . ........ ربنا يسامحكم

معلش اصلى كاتب ده بمناسبة اقتراب شهر رمضان

كل اللى فات ده علشان اقول كلمة واحدة تيجوا نستعد لرمضان . انت عايز تبقى فى رمضان زى الاهلى و لا الزمالك . عايز تكسب فى رمضان و لا تخسر . كلنا عايزين نكسب فى رمضان يبقى لازم نستعد كويس . زى ما هما عندهم استعداد احنا كمان عندنا استعداد .

نستعد بايه
1- قراءة قرآن ( اقرا و عود نفسك على القراءة الصح -- و زود -- عايزين كلنا نختم فى رمضان -- ختمة و اتنين و تلاتة و .......كل واحد حسب استعداده )
2- نحط جدول لزيارة اقاربنا فى رمضان ( ايوة صلة رحم و خصوصا الناس اللى مدخلتش بيتهم من سنين )
3- نعود جسمنا بقى على النوم القليل و السهر ( ايوة علشان التهجد و القرآن قبل الفجر و بعده و علشان مش عايزين نضيع وقت فى رمضان علشان نوم . يدوب كام ساعة نرتاح و نقوم نكمل عبادات )
4- الصلاة ( على قد ما تقدر صلى .. اى وقت تلاقيه صلى .. مامتك لسه بتحضر الغدا صلى لحد ما تجهز بدل الوقفة فى المطبخ ..عود نفسك جايلك صلاة كتير " فروض و سنن و تهجد و تراويح و ...."
5- الصوم ( صوم الشهر ده على قد ما تقدر .. عود نفسك خصوصا ان الشهر اللى احنا فيه بترفع اعمالنا .. نصوم احسن و ترفع اعمالنا و احنا صايمين كما كان حبيبنا المصطفى صلى الله عليه و سلم يفعل )
6- جدول تمشى عليه فى رمضان ( ايوة جدول علشان ما تكسلش . كل حاجة يبقى معمول حسابها و تزود عليها بس متقللش عنها .. معدش الا 20 يوم هتعمله امتى ؟؟؟؟!!!!)
7- الصدقة ( محفظتك يا باشا .. محفظتك يا هانم .. ننسى بقى ايام التحويش و ايام ب10 جنيه حاجة حلوة و ايام الخروجة اصرف فيها 20 جنيه و 30 جنية ... من النهاردة محفظتك مش ليك )
8- الدعاء ( ادعى .. ادعى .. ادعى و بطل بخل الدعاء مش بفلوس .. ادعى ربنا يصلح حالك .. ادعى لاهلك و للمرضى و لاخوانا فى الاراضى المحتلة .. ادعى للمسلمين . ادعى لنفسك كتير . ادعى )

ده كان الجزء الاول و هنكمل مع بعض فى الاستعداد لرمضان
-- شوفتوا لياقة بدنية و ذهنية و اعداد و احمال و مصاريف و استعدادات على اعلى مستوى و معسكرات و شرايط و خطب و مواقع اسلامية و احاديث و قرآن و صوم و صلاة و جلسات ذكر و دعاء .. عود نفسك من دلوقتى .. مينفعش تدخل رمضان و انت كده . تخسر رمضان على طول . و لازم ان شاء الله نكسب رمضان السنة دى .

عدد الرسائل : 433 تاريخ التسجيل : 25/03/2008

جزاك الله خيرا

موضوع جميل
والمقدمه اللى مهدت بيها روووووعه
وتسلم على الموضوع الحلو ده
وجزاك الله خيرا

بارك اله فيك وجزاك كل الخير

موضوع جميل

موضوع مهم جدا و فعلا المقدمه روعه
جزاك الله كل خير
و انشاء الله هيكون فى ميزان حسناتك

انتنا مين يلاااااااااااا؟
احمد علي ؟؟؟؟

ربنا يهديييييييييييييييييييك

السلام عليكم

موضوع اكثر من راااااااااااااااااااااااااااااائع
والله يعجز اللسان عن وصفه باى حاجه..
ومستنين المزيد والابداعات...

يارب اللهم بلغنا رمضان..

جزاك ربى الجنه

ايه جهزتوا و لا لسه نايمين

معاكم ان شاء الله و ربنا يجعلنا من عتقاءه .........

اامين يا رب