من امتى . قصيدة من تاليفى . عايز رايكم حتى لو فيه نقد

من امتى

1. جـــــــــاى بتتكلم عننا .............. جاى بتحكى على حبنا
   راجع تانى تقول الحب .................. الحـــــــــــب من حقنا
   
   من امتى كان الحب من حق كل النـــــاس
   من امتى كان الحب حبة دموع و خلاص
   
   بنتعب فيه و نتعـــــــــذب............. و نبــــــكى كتير و نتـــالم
   و تفوت علينا ايام و سنين ............ و نرجع من غير ما نتعلم
   
   و نقول احساس
   و نقول اخلاص
   من امتى كان الحب من حق كل النـــاس
   من امتى كان الحب حبة دموع و خلاص
   
   كانت الظروف قاسية علينا ............. و الدنيا ضاقت حوالينـــــا
   و كل الناس ضحكوا علينــا ............. لما لقونا بنحب ... و قالوا
   ملناش فى الحب
   
   ده الحب له ناسه ..... و الباقى يتناسوا
   فى برضه غيرنا كتير من الحب ده قاسوا
   فى برضه غيرنا كتير على قلبهم داسوا
   
   و يقولوا خلاص
   مات الاحساس
   من امتى كان الحب من حق كل الناس
   من امتى كان الحب حبة دموع و خلاص
   
   لازم نضحى مادام بنحب ................ لازم هنرضى بنار الحب
   فى ناس كتير عاشت و كان .............. ملهاش نصيب فى الحب
   
   هنعيش و خلاص
   من غير احساس
   
   هنعيش و خلاص
   و نتوه فى الناس
   من امتى كان الحب من حق كل الناس
   من امتى كان الحب حبة دموع و خلاص

[center][justify]


عايز رايكم بصراحة و من غير مجاملة . حتى لو فيه نقد . دى اول مشاركة ليا فى القسم ده . مستنى ردودكم

سورى معلش انا كنت راحة أعدل الرد بتاعى حذفتة غصب عنى





بس بجد جميلة اوى

وأنا موافقة انى أكون الملحنة بتاعتها يا عم

وأى خدمة تانية

بجد الكلمات جامده
وبجد هتبقى اغنيه مالهاش حل
وممكن ابقى المايسترو

بجد بجد جميله اووووووووووى

واضح ان احنا معانا شاعر جامد اوى..

ياريت تكتب شعر كمان علشان نشوفه ونقيمه

مستنيين اشعارك الجميله

كميله خالص خالص انتو كونتو الفرقه خلاص ولا لسه محتاجين عازف او اي حاجه
احنا في الخدمه ممكن حتي نعمل بوستر ونعلقه ...........
بس هيا حلوه فعلا اكتب تاني وانا هشجعك يلا يلا

شكرا يا جنة على الكلام الحلو. و يا رب اللى جاى يعجبكم . و ان شاء الله فى جديد بس مش هاكتب حاجة هنا الا بعد رمضان . علشان عايزين نستعد كويس لرمضان .

طبعا يا شهاوى محدش يقدر ييجى جنب الطبلة . دى بتاعتك . و كده قلتلهم على حكاية البت نانسى بنت المعلم عجرم . الحمد لله انك مقلتش حكاية الانسة هيفاء بنت الاسطى وهبى

و انت يا فنان . طبعا ليك مكان . الفرقة تساع من الحبايب الف