رجاااااااااااااااااله بكالوريوس ......أجمع

بسم الله الرحمن الرحيم
واضح ان المنتدى فية عدد من الطلاب الجدد فى الكلية اللى واضح برضة انهم ميعرفوش كتير عن كلية العلوم
فانا شايف ان ياريت بما اننا بقينا بكالوريوس فى الكلية كل واحد فينا يقول نصائحه لهؤلاء الناشئين الجدد
أية رايكم
وعلى العموم انا هبداء بنفسى

أول نصيحة
اهم اسبوع فى الترم هو الاسبوع الاول من المحاضرات
لان فى الاسبوع دة بتتعرف على المناهج كويس وبتعرف كل منهج بيدور حولين اية وبكدة بتبقى فاهم انت هتمشى ازى طول السنة
النصيحة الثانية
احضر المحاضرات بس متكتبش لان دة فية مكسبين
1- ان انت هتفهم الدكتور بيتكلم فى اية وهتبقى متابع معاه طول المحاضرة
2- ان اساسا فى نهاية الترم ورق الدروس بينزل وبيبقى بجد احسن من المحاضرات اللى اصحابك كتبنهااااااا
النصيحة الثالثة
متذكرشى جد من اول الترم
بمعنى
خد الموضوع ببساطة وذاكر اللى تفهمه واللى متفهموش ولا تبصله واحدة واحدة هتلاقية بيوضح مع الدخول فى الترم
وكفاية كدة دلوقتى وهكمل بعدين لما نشوف الناس التانية هتقول اية
سلاااااااااااااااااااااااااااااااااااااااااام

النصيحة الأولى
أنا أنصح أي طالب في كلية علوم إنه يكون عنده هدف إنه يكون الأول ويحاول على قد ما يقدر إنه يرتب علشان يتعين في الكليه وبجد مش صعب إنك ترتب ولو حطيت الموضوع في دماغك بجد هتعمله .

النصيحه التانيه
مع إحترامي الشديد لكلام الشهاوي بس أنا بنصح أي طالب عايز يتفوق إنه يكتب المحاضرات من ورا الدكتور وخاصة إن كان الدكتور ما بيشرحش بالكومبيوتر . ليه لأنك لما بتكتب المعلومة بنفسك وبعدين بتذاكرها بعد كده من اللي إنت كاتبها بتكون مذاكرتها أسهل بكتير جدا من ورق الكورسات دي حاجه وساعات كمان ورق الكورسات بيشذ عن اللي الدكتور قاله وده شيء معتاد وبيحصل كتير وكمان الواحد لما بيكتب المحاضرة بإيده بيتميز عن كل زمايله اللي بيذاكروا من الورق بمعلومات صغيرة ما أتكتبتش في الورق بتحسس الدكتور إنك حضرت المحاضرة وأخيرا ساعات الدكتور بنحس من كلامه إن في جزئيات مهمه الواحد بيحددها في محاضرته وبيبقى عارف إنها مهمه والكلام ده عن تجربه شخصيه بجد.

النصيحه التالته
فعلا لازم تقرأ المحاضرات من أول ترم وصدقني جايز تحس إنك ماأستفدتش حلجه من مذاكرتها بدري ولكن ده بيسهل عليك جدا حفظها في أخر الترم وعلى فكرة مش لازم تحفظ المحاضرات قوي من أول الترم . حاول تحفظها وتذاكرها من أول الترم بس لو حفظت وما قدرتش تتذكر منها أي حاجه مش مشكلة عادي جدا بس ده بيسهل حفظها جدا قبل الإمتحان.

فين بقية النص يا رجالة عيب كدة

انا انصحهم نصيحه واااااااااااااااااااااااااااااااااااااااااااااااااااااااااااااااااااااااحده بس

اهربوووووووووووووووووووووووووووووووووووووووووووووووووووووووا

انفدوا بجلدكوا يابنى انت وهو

افهم من كده انى لازم احضر اول اسبوع
لااااااااااااااااااااااااااااا والف لااااااااااااااااااااااااا
مفيش كليه فى رمضان
وكمان الكام يوم قبل العيد
مفيش كليه

ومفيش مذاكره من اول الترم
اآخرى بكتب محاضرات وكفايه كده اوى

لسه ايه تانى
كفايه
وشكرا على الموضوع والنصايح

ــــــــــــــــــــــــــــــ