قصه بنت الجيران كامله

بسم الله الرحمن الرحيم

السلام عليكم ورحمة الله وبركاته

قصه بنت الجيران كامله

اه يازمان على الانسان
فيه الديابه وفيه الغلبان
وفى يوم ياناس من الايام
شفت دموع بنت الجيران
سالتها مال القمر زعلان
قالت دنيتنا دى مالهاش امان
فيها الخيانه فى كل مكان
الغدر ليه طبع الانسان
انا هشتكى للرحمن
من كل قلب خاين جبان
وفى لحظه واحده لقيت دموع منهاره
وحاسس بعنيها بتقول كل البشر غداره
راح الاخلاص فى قلوب الناس ياخساره
راح الحب وراح الوفاء والناس بقيت غداره
وقالتها بكل مراره ياخساره على الناس ياخساره
قولتلها بس اهدى وقولى ايه الحكايه
قولتلها يالله احكى وبلاش دموع كفايه
انا ببكى ونبض قلبى حاسس بانه بيبكى معايا
فرحتها كل همى وسعادتها دى منايا
حبها ساكن فى دمى لكن قلبها مش معايا
انا ساكت وفى هدؤ بسمع منها الحكايه

اتريها وقعت ضحيه لقلب كان همه الخداع
شغلها بنظرته وراح وسبها فى الضياع
وبعد ماحبته ماقالها حتى الوادع
بالغالى هى اشتريته وبالرخيص هو اللى باع
قلبه كان قلب خاين قلب معندوش ضمير
قلب غدار وظالم كان ناكر للجميل
ولما كان بيغلط بتسامحه بدون تفكير
الناس ليه بتغدر بصاحب القلب الكبير
الدنيا ليه بتظلم كل قلب طيب اصيل
قولتلها بس برضه لسه الدنيا بخير
مش معنى انك اتظلمتى يبقى كل البشر ظالمين
ولامعنى انك اتخداعتى يبقى الكل خداعين
دا قدرك ومكتوبك ولازم تشوفو العين
انا برضه قلبى حبك وعاش محروم سنين
ضحيت لاجل سعادتك وفى خطوبتك كنت اول المعزومين
دانا كل ليله بحلم انى معاكى
ولو طلبتى روحى روحى وعمرى والله فداكى
وكفايه جرح وبكى صدقينى ببكى معاكى
قالتلى ياحبيبى انا ببكى علشانك
والله انا ظلمتك وكمان ظلمك زمانك
روحت وبعدت عنك وانت لسه واقف مكانك
قولتلها يالله ننسى ونبداء احنا من جديد
قالتلى والله قلبى اول مره يكون سعيد
ياحبيبى انا اوعدك كل ايامنا عيد

يارب تعجبكم اخوكم فى الله