مصر بتتقدم بينا (اعلان هاام )

محافظه القاهره

10_4_2008

اعلان عن وظائف شاغره

اتحاد ملاك رئاسة حزب العاطلين (محدش يسئل الكلمه ديه معناها ايه)

نظرا لكثرة العاطلين ونظرا لتجاوز النسبه 10 مليون عاطل تقرر فتح باب التعيين فى اتحاد ملاك رئاسة حزب العاطلين (اللى هيسئل بالج.....) عن فتح باب التعيين لشغل الوظائف التاليه من يرى فى نفسه توافر الشروط التى ستبين ادناه يتفضل الى مقر الحزب (طبعا فى سؤال غبى هيتطلع هيقولك فين مقر الحزب ده هنقوله ياعم الحج اسطبر اكمل كلامى )

1_ (الوظيفه الاولى ) امين صندوق الحزب وان لا يتجاوز سنه 53 (هتقولى طبعا كل ده سن ولسه عاطل هقولك اه واكبر من كده ربنا يتولاه !!!!)

2_ (الوظيفه الثانيه ) مراقب حسابات

ملحوظه هاامه جدا : يجب ان تتوافر الشروط الاتيه لشغل الوظيفه الثانيه لمراقب الحسابات :_

1_يجب ان يكون على درايه كامله بجميع حسابات العاب القهوه التى تتشمل على ( الطاوله والدمنيو وجميع حسابات العاب الكوتشينه وفروعها) (مش بقولك مصر بتتقدم بينا)
2__يجب الا يكون من محب قراءة الصحف القوميه (علشان مش بحب كلمه الحياه حلوه بس نفهمها انا عايز ابقا غبى ياعم بس افهمها انت !!!)
3_يجب ان يكون مواظب على حل الكلمات المتقاطعه لتوسيع الادراك والفهم!!! (ياعم انا قولتلك قبل كده مصر بتتقدم بينا وياريت بقا ترددها وانت بتقرء الاعلان)
4_يجب ان لا يكون المتقدم يحمل الاسماء التاليه (امل _ حياه) (علشان كل شويه يقولك نظرة تفائل لغاية لما اتعمينا ) (مصر بتقد..... )

وبهذه الشروط من يرى نفسه مناسب فى شغل احدى الوظائف الموجوده اعلاه ان يتقدم الى مقر الحزب (نفس السؤال الغبى هيتكرر) ويوجد للحزب اكثر من مقر (يعنى من الاخر اى قهوه هتلاقينا واخدين حته صغيره فى القهوه وبنباشر اعمال الحزب من حسابات الطاوله ولعب الدومينو وخلافه ساعات عمل الحزب على حسب القهوه لو 24 ساعه احنا معاها لو بتشطب بدرى روح اى قهوه هتلاقينا فروعنا منتشره فى جميع انحاء مصر ( مصر ..... بينا )

*ملحوظه هامه : عدم دخول الكافيهات ليس لنا فروع فيها ولكن يوجد بها مقر الاحزاب المنافسه لنا كا (حزب اتحاد ملاك رغيف العيش ) (وحزب اتحاد ملاك الواسطه)

مصوغات العمل (عارف انا السؤال هيقول يعنى ايه مصوغات العمل يعنى الورق المطلوب)

صوره شخصيه , وورقه تدل على انك عاطل عن العمل مده لا تقل عن 3 سنوات (مصر بتتقدم بينا)

اذا لم تتمكن من الحضور (مع انك وراك ايه ) تفضل بزيارة موقعنا www.3atleen.mafesh.masrbett2dem bena.com
او الاتصال على الارقام التاليه :
ام نبيل : 0189999999999
بودابون : 0109999999999
انفصالات : 0119999999999
الشبكه الرابعه : الله اعلم (ماهم فاضيين يعملوا شبكات موبايلات وبس ويقولك نوفر فرص عمل هههه ) (مصر بتتقدم بينا )

سيتم قفل باب التعيين بعد 15 سنه من تاريخ صدور الاعلان ( مصر بتتقدم ب....)

تقبلوا منا فائق الاحترام والتقدير

رئاسه
حى
حزب العاطلين

مصر بتتقدم بينا