حكاية رمضاااان :) .......... متجدد

السلام عليكم ورحمة الله وبركاته

كلنا عارفين ان فيه حدث رااااائع وجميل جدااا هيحدث لعالمنا الإسلامى قريبا جداااااا

هذا الحدث هو رمضان

وحدث زى ده .. مش معقول هنعديه بالبساطة دى ..

ان شااء الله الموضوع ده هيكون فيه كل حاجة عن رمضان ...
هنتكلم عن كل اللى نفسنا فيه ..

وهنرحب كمان ترحيب جامد اوووى لرمضان .. والترحيب ده هيكون
بالاستعدادات الجامدة اللى من دلوقتى عمالين نكتبها فى اوراقنا ..

نتوكل على الله الفتاح

بسم الله

بداية الموضوع

فكرة
الفكرة دى من أفكارى الرهيبة

كنت بفكر يا ترى ايه الحاجات الكتير اللى ممكن أعملها فى رمضان
وفى وسط ما أنا بفكر ... جات الفكرة دى ..

فقلت اكيد انتوا اول ناس اقولكم عليها ..عل وعسى ان حد فيكم
يحبها ويشارك معايا فيها ..
أدوات الفكرة :
قلم _ ورقة _ حصالة !!

الفكرة :
هنجمع أكبر عدد ممكن من الأعمال الصالحة فى الحصالة دى

تنفيذ الفكرة :
اللى عنده حصالة يبقى ربنا بيحبه واللى مش عنده يااريت ياخد من فلوسه
حاجات بسيطة ويشترى حصالة


هنيجى فى أول يوم من رمضان ونكتب فى ورقة
الورقة دى مساحتها بسيطة جدااا يعنى ورقة صغيرة
نكتب على الورقة من فوق (1 ) رمضان
وجوه الورقة نكتب العمل الصالح اللى عملناه فى 1 رمضان ..
واكيد مش هيبقى عمل واحد ..كل واحد وع قد همته ..
وكل ما تعمل عمل صالح تكتبه فى الورقة وتطبقه وتعينه فى الحصالة

وتفضل على كده لغاية اخر يوم فى رمضان يوم 30
هيكون بكره العيد صح ؟؟تيجى بقى فى اخر يوم فى رمضان الساعة 2 بليل وربنا بيتنزل تنزيلا يليق بجلاله
تقوم فاتح الحصالة وتفرغ كل الورق الكتيييير اللى كان فيها
وتقعد مع نفسك بقى وتقرأ كل ورقة

وتلاقى ورقة كانت فى 4 رمضان مكتوب فيها (( استغفرت ربنا 1000 مرة ))
وتقول لنفس معقولة انا عملت كده
وتلاقى ورقة تانية مكتوب فيها (( دعيت ربنا كتير وبكيت من الدعاء ))
وانت فرحان ان ربنا أعانك على الاعمال دى .. ع فكرة الاعمال دى مش منك ده
من الكريم اللى سمح لينا نطيعه ..

تيجى بقى بعد ما تكون خلصت قراءة الورق الكتييير اللى عملته كل واحد
وعلى قد حماسه
تروح تسجد سجدة شكر
تقوله أحمدك يا ربى على انك سمحتلى انى اطيعك .. أحمدك ياربى على انك مخلتنيش تايه فى رمضان ..
تقوله انا كنت عايش باسمك الفتاح .. فاللهم لك الحمد
وتقوله كمان علشانك يااارب ...كل ده علشان ياارب ..ليك وبس
فيارب بالحاجات البسيطة اوى اللى عملتها دى ادام نعمك الكتير
خلى العمل البسيط ده يشهد لى يوم القيامة ويقول لربنا :ده كان فى رمضان 2010
بيحاول يعمل حاجة تفرحك يااارب ..فاعفو عنه