السلام عليكم
من كام يوم فى ربنامج البيت بيتك -اللذى يبث على القنوات الارضيه و الفضائيه- طلع علينا اخت فاضله مش عارف هيا مخرجه ولا ايه , وعامله فيلم تسجيلى عن حجاب البنات الصغيره -من10ل20 سنه- وازاى ده تخلف واجبار للبنت على الالتزام وكبت للطفوله-اللى هيا 20سنه- وازاى ده بيسبب للبنت مشاكل نفسيه وخلافه , والغريب ان كان موجود داعية اسلامية مشهورة- مش فاكر اسمها - وكانت موافقة على كل الكلام اللى بيتقال , وكان موجود كمان دكتور نفسى بيشرح الازمات اللى بتتعرضلها البنت - بسبب الحجاب- والاغرب انهم اعتبروا ده نوع من انواع التطرف , و الاخت المخرجه كانت بتقول انها نزلت للبنات عشان تسألهم قالولها ان البنت المحجبة بتتجوز اسرع من المتبرجه فهى ردت عليهم انها متبرجه واتجوزت بسرعه- وكأن التبرج شرف- وبعد كده اتحولوا لنقطة النقاب وازاى هو حاجه متخلفه , واتكلموا عن الحوادث اللى بتحصل بسسب النقاب , الست اللى بتلبس النقاب وتسرق و الراجل اللى يلبس نقاب ويخطف العيال, و كأن العيب فى النقاب.
سبحان الله , هو ايه اللى جرى للناس سايبين الناس المتبرجين وبيهاجموا الحجاب و النقاب
محدش قال ان النقاب فرض لكنه فضل ويثاب فاعله ولا يعاقب تاركه , طب ليه بقه , مش يسيبوا الناس ف حالها
وهو مش فيه حريه دينيه , عايزين كمان البنات تقلع الحجاب .
كانت حجتهم ان البنات لسه صغيرين , ومش فاهمين اللى هما بيعملوه
طيب مش زمان قالوا من شبّ على شئ شاب عليه
ليه هما عايزين يجردونا من كل قيمنا الدينية تحت اسم الانفتاح واللى بيعمل كده يبقى ده تطرف
وده عمره مايكون انفتاح انما ده انحلال وتقليد اعمى للغرب.
كنت عايز اعرف آرائكم فى الموضوع ده
جايز رأيي يكون غلط