بعد النجاح الباهر الذي حققه مسلسل ' غرق عبارة السلام 98 ' وصدور حكم البراءة لجميع المدانيين
تتشرف شركة السلام تحت ادارة السيد/ممدوح اسماعيل أن تقدم عروضها لهذا الموسم الصيفي
'التعويض اللي هاتخدوه ... أحسن من الشقى اللي بتشقوه'
اركب عبارتنا واغرق واربح 300,000 جنيه (أصدي أهلك يربحوا 300,000 جنيه للراس )
احجز مقعدك فالمقاعد محدودة
عبارتنا مجهزة بكافة وسائل الغرق ... رماصات بايظة ...بلاعات تصريف مسدودة ... سطح يستوعب عدد لانهائي .... كله تمام
وبنوعد المصريين اننا مش حنحاول نتدخل لإنقاذ أحد ... عشان الكل يغرق وياخد تعويض
- هذا العرض ساري للمصريين فقط (لأن محدش هايسأل فيهم ) واخواننا العرب والخليجيين أفضلهم يركبوا طيارة احنا مش قد تعويضاتهم-
العرض التاني: ركب عيالك معانا تاخد انت التعويض
الزوجة + طفل = 600.000 جنيه
ولو زوجتك معاها طفلين تاخد تعويض شخص ثالث مجاناً ... يابلاش
احنا مش عندنا عبارات بس .. داحنا عندنا طيارات وقطارات وباصات ومترو .. كمان عندنا عمارات واخده قرارات تنكيس من 20و25 سنة
اختار موتتك بإيدك .. مفيش شعب عنده الميزة دي الا المصريين
حسبي الله ونعم الوكيل ..... ليس لنا الا الله ... وتحية للقضاء النزيه
