منتدى الاصدقاء (منتدى طلاب جامعة المنصورة)
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتدى الاصدقاء (منتدى طلاب جامعة المنصورة)

منتدى كونة مجموعة من الاصدقاء واهميتة التعارف وتكوين الصداقات وزيادة الترابط بين الاصدقاء.
 
الرئيسيةالبوابةأحدث الصورالتسجيلدخولشات المنتدى
مواضيع مماثلة

     

     مــن أجلِهــــا

    اذهب الى الأسفل 
    5 مشترك
    كاتب الموضوعرسالة
    Brave Heart

    Brave Heart


    عدد الرسائل : 1111
    العمر : 37
    المزاج : Games & Films
    تاريخ التسجيل : 08/05/2008

    مــن أجلِهــــا Empty
    مُساهمةموضوع: مــن أجلِهــــا   مــن أجلِهــــا Emptyالخميس 2 أكتوبر 2008 - 9:00


    مــن أجلِهــــا

    نظرتُ اليها من بعيد حيث تقترب.. انها تقترب.. حتى وقفت أمامى.. كم كنت أعشقها وكأن بينا حبا قديما.. انها الحافلة التى استقلها الى بيتى بعد انتهاء عملى.. صعدت اليها وكعادة كل يوم اضطررت الى الوقوف
    *******
    بدأت الحافلة تتحرك ويهتز جسدى معها.. وكم تغمرنى تلك السعادة حين أرى ذلك المزيج من الركاب بصورة يومية وما يدور من مناقشات ملتهبة
    هناك من يحدث من بجواره ويعلو صوته: الدنيا نار.. كل حاجة نار.. هنعمل أيه.. نبيع ولادنا عشان نكمل الشهر
    ويضرب بكفيه, والأخر يسمعه فى حزن.. ولايرد سوى بجملة واحدة: احنا لنا ربنا.. وتستمر المناقشة
    أقلب بعيونى.. وأنظر الى أخر يجلس بجوار نافذة الحافلة.. انه شاب وسيم ينظر الى النافذة ولايحرك ساكنا.. يبدو أن همومه أحمالا هو الآخر
    تتحرك عينى الى تلك الفتاة بجوارى التى تهمس فى هاتفها مبتسمة: مش هقولك الا لما تحول لى رصيد.. ثم تواصل حديثها
    أدركت وكأننى أقلب قنوات التلفاز حين وجدت من يقرأ الصحيفة.. وهناك من يجادله: الاهلى أقوى.. والثانى: لأ.. الزمالك أقوى
    *******
    لم يثر فضولى أي من تلك المناقشات.. فأنها صورة تتكرر أمام عينى يوميا, ولا أجد فيها الجديد.. حتى خرجت من ابتسامة حين وجدت ما هو مختلف.. انهما اثنان.. شاب وفتاة.. يجلسان متجاورين.. كم كانا فى انسجام عجبت له
    ظللت أرقبهما وأتابع تلك البسمات المتبادلة.. وللعجب لا يحدثان بعضهما.. انهما يشيران بأيديهما.. أدركت أنهما لا يمتلكان القدرة على الكلام.. انهما أبكمان
    من ينظر اليهما ويرى تلك الابتسامة التى تعلو شفتيهما يدرك أنهما فى عالم آخر.. لا يهتمان بما يشعر به باقى الركاب
    كم كانت ابتسامته جميلة وابتسامتها أجمل حتى جذبا انتباه باقى الركاب.. وكأنهم شعروا بالغيرة من تلك السعادة التى تغمرهما
    *******
    بعدها وجدت من كان يتحدث عن الغلاء قد سكت.. وبدأ يرقبهما فى هدوء وعلت وجهه ابتسامة.. ومن كان يتحدثان عن كرة القدم صمتا.. وظلا يتابعان حركات أيديهما المتناسقة.. حتى ساد الحافلة صمت غريب.. واكتفى الركاب بمشاهدتهما.. ومع هذا لم يهتما بأى شئ من حولهما وواصلا مناقشتهما التى لا يفهمها غيرهما
    تعجبت كثيرا لهذا.. كيف استطاعا أن يجعلا من هؤلاء الناس أشخاص أخرى تنسى همومها ولو للحظات.. وكانت اجابتى لنفسى.. اننا نادرا ما نجد لحظات جميلة
    *******
    حتى وقفت الحافلة وهمت الفتاة لتغادرها.. وكم كانت لحظة وداع رائعة.. تشير بأيديها باشارات أدركت بها كم تحب هذا الشاب.. لا تأبه بما يحيطها من نظرات الناس.. وهو الأخر أدركت من عينيه كم يحبها
    نزلت الفتاة.. ووجدت مكانها خاليا فاتجهت اليه وجلست بجوار الشاب.. ولكننى لسوء حظه أننى لن استطيع أن أضيع ملل طريقه.. ولا استطيع أن أتحدث معه
    حتى فوجئت به يسألنى: لو سمحت الساعة كام؟
    نظرت اليه فى مفاجاة: انت بتتكلم؟!!
    هز رأسه: ايوة
    شعرت بالاحراج: أنا افتكرتك
    قاطعنى الشاب فى ابتسامة: أخرس؟
    مازلت فى دهشتى: أيوة.. والناس دى كلها فكرتك كدة
    صمت الشاب مجددا ولم ينطق بعدها.. حتى وقفت الحافلة مرة أخرى واستعد لمغادرتها.. ثم نظر الىّ فى ابتسامة: أنا اتعلمت لغة الاشارة عشانها
    ..ثم غادر الحافلة
    *******

    -د.عمرو عبد الحميد-


    ToO_CoOl6


    إن كل ما ستفعله بحياتك سيترك أثراً فاجتهد لأن تكون واعيا لكل أفعالك
    باولو كويلو
    الرجوع الى أعلى الصفحة اذهب الى الأسفل
    pharmacy_150

    pharmacy_150


    عدد الرسائل : 1306
    العمر : 31
    اسم الكلية : Mansoura Faculty Of Pharmacy
    تاريخ التسجيل : 21/08/2008

    مــن أجلِهــــا Empty
    مُساهمةموضوع: رد: مــن أجلِهــــا   مــن أجلِهــــا Emptyالخميس 2 أكتوبر 2008 - 11:58

    ههههههههههههههههههههههه

    بجد راااااااااااااااااااااااااااااااااااااااااااااااائعه

    سبحان الله

    تسلم ايدك

    عيــــــــــــــــــــــــــــــــــد سعـــــــــــــــــــــــــــيد
    الرجوع الى أعلى الصفحة اذهب الى الأسفل
    ايناس هلال




    عدد الرسائل : 254
    العمر : 39
    المزاج : عادى
    تاريخ التسجيل : 26/04/2008

    مــن أجلِهــــا Empty
    مُساهمةموضوع: رد: مــن أجلِهــــا   مــن أجلِهــــا Emptyالثلاثاء 7 أكتوبر 2008 - 6:33

    بجد موقف جمييييييييييييييييل جدا جدا
    و نفسى الناس كلها تضحى علشان خاطر بعض الحياه كلها هتتغير
    الرجوع الى أعلى الصفحة اذهب الى الأسفل
    جوهرة القصر

    جوهرة القصر


    عدد الرسائل : 1240
    العمر : 34
    المزاج : wow !!
    اسم الكلية : mansoura faculty of science
    تاريخ التسجيل : 03/08/2008

    مــن أجلِهــــا Empty
    مُساهمةموضوع: رد: مــن أجلِهــــا   مــن أجلِهــــا Emptyالثلاثاء 7 أكتوبر 2008 - 15:19

    بس أعتقد دول فى الحافلة بتاعتك بس .......... مين اللى بيضحى اليومين دول
    الرجوع الى أعلى الصفحة اذهب الى الأسفل
    the_prince

    the_prince


    عدد الرسائل : 783
    المزاج : عال العال
    اسم الكلية : العلوم
    تاريخ التسجيل : 24/03/2008

    مــن أجلِهــــا Empty
    مُساهمةموضوع: رد: مــن أجلِهــــا   مــن أجلِهــــا Emptyالثلاثاء 7 أكتوبر 2008 - 17:17

    القصة جميلة جدا و يها معانى كتير بس عايز اتكلم على حاجتين فيها ..... اول حاجة هى ان الحاجة الحلوة لازم تشد انتباهك حتى لو انت مشغول او مهموم او مهما كانت حالتك زى الجنينة اللى مليانة ورد و زرع تلاقى الحزين لما يروح هناك يخف حزنه و المهموم ينسى همه و زى ما اى واحد مننا بيروح يقعد قدام منظر الغروب و كمان فى حاجة ان اى حد لما بيلاقى حاجة تفرح بيروح عليها بكل مشاعره لان الفرحة بقت نادرة فى حياتنا ففى وسط المشاكل دى لما نلاقى منتخب بيكسب نفرح .. و لما نلاقى حد بيتجوز نهيص .. و لما نلاقى اتنين بيحبوا بعض قلبنا يزقطط و نلاقى لسانا لوحده بيقول يا رب خليهم لبعض ..... الحاجة التانية هى حكاية التضحية و الحب و ازاى ان الواحد لما يحب بجد ممكن يعمل حاجة عمره ما فكر يعملها ابدا او حاجة كان مفكر انها مستحيلة عليه و هى فعلا كده الحب من غير تضحية يبقى مش حب .. اذا حبيت حد بجد و فى حاجة محتاجة التضحية بجد علشانه اعرف انها الاختبار الحقيقى لحبك ده .. لو ضحيت تبقى بتحب و ان قلت يالا نفسى يبقى اى حاجة فى الدنيا الا الحب
    الرجوع الى أعلى الصفحة اذهب الى الأسفل
    Brave Heart

    Brave Heart


    عدد الرسائل : 1111
    العمر : 37
    المزاج : Games & Films
    تاريخ التسجيل : 08/05/2008

    مــن أجلِهــــا Empty
    مُساهمةموضوع: رد: مــن أجلِهــــا   مــن أجلِهــــا Emptyالأربعاء 8 أكتوبر 2008 - 12:03

    أهو أحمد على رد عليكي يا جوهرة القصر

    لأ يا جوهرة القصر الحب موجود فعلا. هو يمكن الحب الطاهر قل الأيام دي بس صدقيني والله موجود وأصحابه ممكن يضحوا بكل ما هو غالي في سبيل إتمام حبهم للنهاية الأكيدة وهي الزواج على سنة الله ورسوله.

    أيمن
    إيناس هلال
    جوهرة القصر
    أحمد على

    بجد نورتوا الموضوع وتشرفت بتعليقاتكم الكريمة
    الرجوع الى أعلى الصفحة اذهب الى الأسفل
     
    مــن أجلِهــــا
    الرجوع الى أعلى الصفحة 
    صفحة 1 من اصل 1
     مواضيع مماثلة
    -

    صلاحيات هذا المنتدى:لاتستطيع الرد على المواضيع في هذا المنتدى
    منتدى الاصدقاء (منتدى طلاب جامعة المنصورة) :: القسم العام :: المنتدى العام-
    انتقل الى: