فضفضه

تعالو هنا يا شباب نتكلم مع بعض
اللى عندو اى كلمه ممكن تفيدنا او تريحنا او اى كلمه هتريحك هنا
تعالى قولها
وطلع اللى فى قلبك
تقبلو موضوعى ده
وياريت تفهموه

مشمشهـــ

ايه اهتماماتك فى المنتدى

يعنى ايه اول حاجه بتفكر فيها
ياترى
زياده نسبه المشاركه

ولا زياده عدد المواضيع
ولا اهم حاجه انك تكتب موضوع ويحصل على اكبر نسبه من الردود
اكيد كلنا بنحب كده

انما ماذا لو موضوعك لم يرد عليه احد

او حصل على رد او ردين فقط ماذا تفعل
اكيد بنزعل

لكن اللى عاوزه اقوله ان اهم حاجه نسبه المشاهده

اكيد دى هتريحك شويه واكيد العدد اللى شاهد موضوعك استفاد من كلامك
يعنى ياريت تكتب الموضوع ويكون اول حاجه بتفكر فيها انك تفيد باقى الاعضاء او الزوار
تقبلو كلامى ده وياريت يوصل لقلوبكم

مشمشهـــ

عندك حق ... و ده حصل معايا فى موضوع فى رحاب آية ... لقيت الردود قليلة اوى عليه بس لقيت المشاهدة تخطت 100 و ده فرحنى و خلانى اكمل فيه لانى حسيت ان فى حد بيقراه و ان الناس تابعته بغض النظر انهم كتبوا رد او لا ...

جميلة اوى حكاية فضفضة دى

شكرا على تفاعلك يا برنس

وياريت كل الاعضاء يشاركو ويكتبو اى ملاحظه ممكن تفيدنا

مشمشهـــــ

على فكره يا برنس انا اول مره اعرف الموضوع بتاعك ده الا لما انتا كتبت
وبعدها شفت اختى بتقرئو
وبجد عجبنى اوى
والفكره دى كانت على بالى ان كل واحد يختار آيه ويكتبها ويفسرها وكلنا نستفيد منها
لكن بارك الله فيك بجد
واكيد طبعا اهم حاجه اللى يقرئوه ويستفيدو منو

جزاك الله خيرا

الله اولا
يا ترى انتا حاطط ربنا فى اولوياتك
ياترى بتحافظ على مواعيد ربنا زى ما بتحافظ على مواعيد الشغل والماتشات والمسلسلات
طيب ياترى بتحافظ على حقوق ربنا
زى الصلا والصوم والزكاة .................. الخ
طيب لما تكون آعد على النت
طبعا بتفرغلو كل وقتك ولو حد نادى عليك من البيت بتنفض
طيب ياترى بتحافظ على الصلاه بالشكل ده
ولا بتخلص الصلاه بسرررررررررعه علشان تشوف وراك ايه
اللى عاوزه اقوله
اننا لازم نضع حقوق ربنا فى اولوياتنا
ومواعيد ربنا

لان العمر مش بيستنى
ووقتنا هنتحاسب عليه

تقبلو نصيحتى

تخيل أنك واقف يوم القيامه وتحاسب ولست بضامن دخول الجنة!! .
وفجأة..
تأتيك جبال من الحسنات لا تدري من أين؟!
من الاستمرار بقول: سبحان الله وبحمده سبحان الله العظيم..
سبحان الله وبحمده ..سبحان الله العظييم
:::::::
:::::
::

ارجع بنفسك الى الحاضر
وسوف تعرف قيمه ذكر الله وحث الغير على ذكر الله لان الدال على الخير كفاعله
ماذا لو كلنا جعل توقيعه ينبض بذكر الله حتى نجعل عداد حسناتنا لا يتوقف ؟؟؟

او طبعنا الاذكار وزعناها على من نعرف فى المسجد او فى الجامعه ومثلا نجعلها صدقه جاريه على روح غاليه علينا نتمنى ان نهاديها ونرد ماقدمته لنا طوال حياتها

يارب كلنا نستفيد
ويجعله فى ميزان حسناتنا

جزاكى الله خيرا ......

اللهم ان لنا قلبا فاجعله خاشعا لك ... و ان لنا لسانا فاجعله عامرا بذكرك ... و ان لنا اذانا فمتعها بسماع قرآنك ... و ان لنا عيونا فاجعلها ترى آياتك ... و ان لنا ايادى فاجعلها تعمر فى ارضك ... و ان لنا اقداما فاجعلها تمشى فى سبيلك ... و ان لنا نفوسا فعيشها فلى طاعتك ... و ان لنا اعملا فاجعلها خالصة لك ........ ثم ان لنا حسابا فهو لك .. نسالك رحمتك ... نسالك رحمتك

اللهم ادخلنا الجنة برحمتك لا بعدلك

السلام عليكم

مشمشه ....بجد موضوع رائع جدا جدا جدا

وعجبنى اوى اوى اوى الكلام اللى كتبتيه ده سواء اكان منقول او منك انتى ..

بس بجد كلام حلو اوى...ياترى انت حاطط ربنا فى اولوياتك ؟؟؟

ربنا يكرمك يارب ع الابداعات دى ...

السلام عليكم

موضوع اكثر من رائع يا مشمشه و جزاكى الله خير عليه

انا عابز اتكلم فى حكاية احنا حطين ربنا فى اولويتنا ولا لاء

انا رأى ان احنا نفكر فى ربنا ده هو الاساس لكل حاجه فى الدنيا
وكل حاجه تانية دى وسائل لعبادة ربنا
يعنى مثلا
كلنا عايزين نشتغل احسن شغل

ليه من فكرش ان ده يئه وسيله لعبادة ربنا

وكلنا برده بنقعد ع النت ليه منفكرش ان احنا ناخد حسنات

وكل ده بيبئه بالنية طبعا

فالواحد لو نيته خالصه لله اكيد هيبقى وقته كله خير وربنا يباركله فيه

والدنيا كلها بكل ما فيها تساوى 2.5دقيقة من الآخرة

فلازم هدفنا الاساسى يبئه عبادة ربنا لأن ده هو الاساس لكل حاجه

بشكركم جدا على تفاعلكم ومشاركتكم ومروركم
برنس

بارك الله فيك يا برنس ونسئل الله ان يستجيب منك هذا الدعاء
جنه
الفكره بتاعتى واغلب الكلام من قلبى تعرفيه لما تلاقيه مش متصاغ كويس
لو لقيتى كلام مرتب ومنظم اعرفى انو منقول
i.m.i
جميل رئيك ده وفعلا لازم ربنا اولا وكل حاجه نعملها بعد كده تكون علشان ربنا

وافكاركم جميله
ولازم نشجع بعض
وبارك الله فيكم

مشمشهــ

موضوع حلو اوى يا مشمشة
تسلمى عليه