أسر الكلية و اتحاد الطلاب

السلام عليكم و رحمة الله و بركاته

بصو يا جماعة أنا هنا حابة نناقش الاتحاد دوره و لزمته و كمان احنا استفدنا منه و لا لأ و الأسر اللى فى الكلية حد فينا سمع هنا و اشتغل معاهم و لا كل واحد عامل أسرة بالاسم بس

أنا عن نفسى فى الاتحاد بقالى سنتين و زى ما ليا انتقادات عليه و على شغله شايفه له مميزات

و برده باشتغل فى كام أسرة .......... مش دا المهم

أنا أعرف أسرة أصدقاء البيئة بتاعة الدكتور متولى عبد الرازق بتاع الفيزياء و اللى ماسك المقرر فيها طالبة

و أسرة اشراقة النور بتاعة الدكتور عبد الدايم شريف اللى ماسك المقرر فيها برده بنت

و أسرة كى جى تو اللى غيروها باين للاكس فاكتور بس مش عارفة مين ماسكها

و أسرة الرسالة بتاعة الكتورة أمورة و اللى ماسكها بنت برده

و فى أسرة شباب النيل باين و لا مش فاكرة الاسو قوى اللى ماسكها ابراهيم

و طبعا ماننساش أسرة النور بتاعة الاخوان المسلمين بس دى مش عارفة مين ماسكها

عاوزة أعرف منكم سمعتم عن ايه فى دول و ايه اللى موجود و أنا ماسمعتش عنه و كمان انتو حاسين بوجودهم و هل فعلا استفدتم من الأسر و الاتحاد؟؟

اسمحيلى : الاتحاد ليس اتحادا و انما شكل و منظر .. انا كنت فيه و عارف النظام فيه ماشى ازاى

الاسر ... نشاط ضعيف ... انشطها اسرة النور لكنها موجهة
... عشوائية ... لا متابعات ... هناك كل يوم اسر تولد و اسر تموت
... هناك اسر تتوجد لمجرد ان صديق عمل اسرة .. فانا كمان هاعمل اسرة
للاسف النظام غائب و العشوائية سائدة فى هذه المجالات

the_prince

وجهة نظر برده لكن و الله الناس اللى عاوزة تشتغل فى الاتحاد بتشتغل ......... سيبك من نظام الوقفة عند الكابينة و القعاد على المصاطب ليل و نهار

بس و الله فى شغل ...... ماشى مش كتير بس و الله أنا شايفة فى تقدم

بالنسبة للأسر اللى أقدر أتكلم عنهم اشراقة النور و اصدقاء البيئة

دول عاملين شغل مش كتير بس عاملين ...... عملو معارض و بينزلو مطويات و بيعملو مزكرات للطلبة خصوصى بتوع أولى

و بيعملو لوحات على طول و مواضيعها بتبقى حلوة......... بسس للأسف بتتقطع على طول

و طلعو رحلات كمان يعنى نشاط متعدد ........... و منتظرة رأى الباقيين
و ياريت تعرفنى كنت فى لجنة ايه فى الاتحاد اللى ماسكها دكتور مين و وضح انتقادك للاتحاد و دخلته تعيين و لا انتخاب ؟

انا عمرى ما اشتركت ف اى اسره
لكن اسمع عن بعض الاسر
اولا اسره النور
اشهر اسره واعتقد الاكثر فعاليه
ثانيا اسره اشراقه النور
انا معرفهاش الا السنه اللى فاتت من خلال مذكرات كانو عاملينها لكورس الفطريات بتاع الدكتور عبد الدايم وانا وكل الدفعه ماذاكرناش منها
بس دى الاسر اللى انا بسمع عنها
واكيد اى اسره محدش بيحس بيها غير المشتركين فيها بس
والرحلات طبعا اللى بتعملها الاسر دى بتكون مش مختلطه
يعنى اللى عاوزين يطلعو الرحله وغاويين رحلات بيطلعوها جروبات يعنى ولاد وبنات
انا عن نفسى عمرى ما طلعت رحله ف الجامعه
اعتقد مفيش حد غريب بيطلع الرحلات دى كل اللى بيطلعها من داخل الاسره
دا رئيى ياريت تقبلوه

نسيت اتكلم شويه عن اتحاد الطلاب
بالظبط بيفكرنى بالحزب الوطنى بس على صغير شويه
مميزات الاتحاد بتعم على المشتركين فقط طبعا
واعتقد اللى بيشتركو فيه بيكون السبب الوجاهه الاجتماعيه والبريستيج
وكل شويه يستئذنو من المحاضره ويقولو عندنا اجتماع
انا عن نفسى ما حسيتش باى فايده للاتحاد
ويا ريت يا جوهره
تقنعينى ان الاتحاد له لزمه غير الوجاهه والبريستيج
مشمشهـــــــــ

انا كنت فى الاتحاد من سنتين .. فى اللجنة الرياضية .. و كان عندى حماس فى الاول للشغل .. و كان عندى استعداد مش بس اشارك فى الرياضة .. لا فى كل المجالات .. و صدمت .. مفيش ميزانية للاتحاد ... الميزانية دى على الورق بس ... بالرغم من انها كبيرة .. و كل واحد فى المسالة دى بيرمى المسئولية على التانى ... اى نشاط هتعمله يبقى على حسابك ... يعنى مثلا كنا هنعمل دورة شاملة كل الالعاب فى استاد لجامعة ... قدم - سلة - يد ........... و فى منافسات للبنات و منافسات للشباب .. جو تنافسى .. نسال على الفلوس مفيش .. يا جماعة احنا مش عايزنها نسرقها .. ده نشاط طلابى .. فى حجز ملاعب و جوايز و ....... هنا و هنا لما دوخنا ... و فى الاخر واحد منهم قاللى جمع فلوس من الطلبة .. كنت هاتجنن .. لولا انه اكبر منى سنا كنت فقدت اعصابى ... ده موقف صغير ... عملنا لوحات و مطويات على حسابنا ... رئيس اللجنة شوفناه 3 مرات فى السنة كلها ... الرحلات جم على يوم فيه صيام و قالوا رحلة للقاهرة و نفطر هناك و نحضر ماتش مش عارف الاهلى و مين ... يعنى تحسى انها وكالة ... زيطة ... مش اتحاد طلبة محترم ... حتى الناس المحترمة اللى جواه .. غصب عنهم مش قادرين يعملوا حاجة .........

الشىء الوحيد الكويس هو مجلة الكلية .. سواء المجلة او قطوف بتاعة الشعر

الاسر فى اسر نفسها تعمل حاجة .. بس العشوائية الموجودة كفيلة بان الحلو مايبانش .. زائد عدم احترام الحاجات دى .. اللوحات بتتقطع .. و يتشخبط عليها و .........................

ايييييييييييه ..... اقول كمان ... للاسف ده الواقع علشان كده السنة اللى بعدها رفضت انى اكون معاهم لا بالترشيح و لا بالتعيين و لا بالجن الازرق

مشمشه

بصى أنا أول سنة دخلت الاتحاد كنت داخلة من باب لما نشوف الناس دول بيعملو ايه بصراحة الترم الأول كله كان باستكشف بس لكن الترم التانى بدأت أفوق و أشوف الناس دى بتعمل ايه و الميزانية فين و ايه الاجتماعات و بيقولو ايه

السنة التانية جيت قلتلهم لازم ياجماعة نشتغل هو الاتحاد مسرحية بنصرف عليها الميزانية و بس المهم أقولك أنا شايفة ايه اللى فى أمل فى الاتحاد

عندك فى دفعتى بيحصل مشاكل ساعات مع الطلبة خصوصا بتوع المدن الجامعية كنت باروح أنا و بعض الأعضاء و بازن الله المشكلة بتتحل هاتقوليلى أى حد مش لازم بتوع الاتحاد هاقولك فى ناس مايعرفوش حد فى الكلية و الله احنا بالأخص دفعتى اللى من الاتحاد كنا بندور بين زميلتنا البنات طبعا و نشوف فى مشكلة نقدر نساعد

سيبك عندك الطلبة اللى مش بيقدرو يدفعو المصاريف و كتير مايعرفوش انه فى حاجة اسمها مساعدة و تخفيض وكلام من دا .... و اللى يعرف بيكسف احنا كنا بنقوم ساعات بدور الوسيط

طبعا دى حاجات قليلة بالنسبة للمطلوب من بتوع الاتحاد ...... لكن فى أمل

و عملنا لوح من ميزانية الاتحاد كاتبيين عليها انت فى الدور الكام وكمان هنا قسم ايه و حاجات ارشادية يعنى

عندك كمان الملابس اللى بأسعار مخفضة للطلبة ....... كتير مايسمعش عن الموضوع دا دور طلبة الاتحاد انهم يقولو للطلبة بأسلوب مايحرجهمش

بصى أنا عارفة ان فى حاجات ممكن تسميها سياسة .... بس ان شاء الله برده فى أمل

أنا مش راضية عن الاتحاد بس الحاجة الوحيدة اللى عارفاها انه جايزأعمل حاجة تغير فساد أو حاجة غلط تجى و تشفعلى يوم القيامة و الله دا هدفى ........ الله المستعان

the_prince

بص الدكتور المتولى عبد الرازق كان ماسك اللجنة الرياضية العام الماضى و كان عامل فيها شغل على ما أسمع ....... يعنى كل لما أسأل عنه يقولو طالع مسابق مع اللجنة

و بالنسبة للأسر عندك حق بس لازم نصلح........ و عادى يقطعولنا اللوح و نعمل غيرها

انا معاكى فعلا فى امل و لازم نكمل ... و جزاكى الله خيرا عن نيتك .. و لكن .. هل يعقل ان تكون ميزانية اتحاد الطلبة اللى هى للطلبة و مساعدتهم و انشطتهم تروح كلها على مسرحية ( مرة ناخد بيها اول و مرة عاشر و .. ) و الباقى على الاكل بتاع الناس اللى بتمثل ... و اسالى الناس اللى كانت بتقعد لحد وقت متاخر فى الكلية ...

الاتحاد اكبر من واحد حل مشكلة فى مدينة جامعية .. او تخفيض مصاريف كام واحد

*المفروض حل كل ازمات المدينة الجامعية عن طريق الاتحاد .. مش فرد و لا اتنين ... و المشاكل هناك لا تعد و لا تحصى .
*كل الطلبة تملا استمارات حالة اجتمعية .. لانك زى ما قلتى فى ناس بتتحرج ... يبقى الكل يملا .. و اللى محتاج يتصرفله من غير ما يحس انه بياخد حاجة او ده عطف
*النشاطات ....حدثى و لا حرج
** لو قعدت اتكلم فى اللى مفروض يعمله الاتحاد مش هيكفينى الف صفحة .. بس انا رضيت على الامثلة اللى انتى اديتيها .. يكفى انى اقولك ان رئيس اتحاد الطلبة ( اللى هو طالب مننا ) كان بيبقى عضو فى مجلس الشعب .. علشان يعرض مشاكل الطلاب و مشاكل الناس اللى شايفها من خلال مجتمع الجامعة ... تخيلى من ايه لايه ..

مش معنى كلامى انى مش متفائل او ان مفيش امل بالعكس و الله .. بس انا بقوله لان مينفعش نشوف الغلط و نفضل ساكتين .. و الكلام ده و اكتر انا قلته فى رعاية الشباب لاستاذ عاطف و استاذ نبيل و غيرهم ...

اعانك الله و جعلك بداية امل فى الاتحاد ... و يا رب الامور تمشى للاحسن

جزاكى الله خيرا ... و شكرا انك استحملتينى ... كان مجرد راى ... دمتى بنجاح و مثابرة

the_prince

ربنا يكرمك و يعزك و ان شاء الله اتحاد السنة دى سواء أنا فيه أو لأ يبقى أحسن لأن و الله حاسة بصحوة ان شاء الله تعم ........ دمتم بود

موضوع المسرحيات أنا متبعاه من الألف للياء و رغم ان النشاط الفنى جزء من أنشطة الاتحاد لكن هما فعلا عاطيينه نصيب الأسد ....... لنا الله

جزاكى الله خيرا ... و بجد انا باتمنى انه يكون السنة دى افضل ... و ان شاء الله يبقى كده باخلاص النوايا ..

دمتى بايجابية

طيب انتو داخل الاتحاد
علشان كده لائيين حاجه تتكلمو عنها
انا من بره الاتحاد
انا بسمع من بره بره
بسمع ان ميزانيه الاتحاد دى بتتوزع على اعضاء الاتحاد
مش كلهم طبعا
اصل الاتحاد ده بردو جواه طبقات
يعنى الاعضاء درجات وطبقات
وبيجيلهم سبوبه كويسه من ورا الاتحاد
واسمع كمان ان الموظفين بياخدو هما كمان من الميزانيه
الله اعلم
علشان كده انا جيت اقول رئيى

عوزه حد يصحح الفكره دى

مشمشهـــــــ

مشمشه

اللهم اغننا بفضلك عن حرامك .......... و الله أنا أعرف نص بتوع بتوع الرعاية و ماحدش فيهم بياخد حاجة بيتهيألى دول ناس محترمة ... بس أكيد الميزانية بتروح لحتت تانية لاشك

لو حد من بتوع الاتحاد الكبار يدخل يفيدنا ؟؟؟؟؟

يمكن بتروح لاتحاد الجامعه
؟؟؟؟؟؟؟؟؟؟؟؟؟؟؟؟؟؟؟
يعنى الراس الكبيره اوى اوى اوى