يلا بقي يمعلمين نبدا الدرس

يلا بقي يمعلمين نبدا الدرس معظم بنات مصر

انا بقول معظم

((مش كلهم))

اما تيجي الاجازه تلاقيهم

ماسكين التليفون وهات يا رغي

ود ود ود ود ود

ويك ويك ويك ويك

شفتي الواد حمص كان لابس ايه النهارده

التيشرت كان جميل بس الشوز كان مقطوع

بيقولوا البت حماره اتقدملها عريس كويس

اه فعلا ..بس رفسته ؟؟

شفتي فستان اليسا الجديد

هيا صحيح البت زعبله اتخطبت

لا.. اصل عريسها مكنش شبه تامر حسني

اما شفت حته واد النهارده

زي القمر وقعد يبصلي كتيــر

وهو تلقيه معبرهاش اساسا

وبعد اما تقفل التليفون مع صحبتها او بعد ما تسبها

تقول البت دي كدابه كدب ؟؟

دي اكيد بتفشر عليا في اللي قالتله

وهيا في وشها ازيك يا قمر .. ازيك يا روحي .. .ازيك يا حبيبتي

ويا دوبك تديها ضهرها

البت دي انا مبقبلهاش بس هيا اللي مصممه تكلمني

ويقولوا لك علاقه البنات ببعض اقوي من علاقه الشباب مع بعض

والواحده من دول اما تتعارك مع صحبتها

يادهووووووووووووووووووووو وي

تلاقي الملايه اتفرشت واللسان الجميل تحول اللي بندقيهak 47

علي راي عادل امام
فجاه لقيت النسر طار يا خال

والنور اللي في وشه انطفي

وقالي ملكـش فلـوش عنـدي

تخلص مع اصحابها تخش علي الام الغلبانه

ومفيش غير كلمه ((لا)) علي لسانها

و((اشمعني انا..))

متخلي فوزيه اختي هيا اللي تعمل

وياليله سودا لو اخوها قالها اعمليلي حاجه

يا الليله السودا اللي هيشوفها

واما تكون عايزه حاجه منه

اخويا حبيبي ..

فاكر لما قلتلي اعملك شاي من سنتين وعملتهولك

ويا سلام لو ماسكه عليه حاجه

اول ما يزعقلها ..تقوله مش فاكر لما خلتني

روحت كلمتلك البت اياها

هتنفز الامر ولا اقول لبابا ولماما اخليهم يطينوا عيشتك

ونظرا للضغط الرهيب من الاخت يرضخ الاخ البري

.. الوديع..الحالم.. المطيع..الركيك.

.لطلبات الاخت المفتريه

خلاص خلصت علي ماما واخوها واصحابها

تخش علي بابا عشان تنكد عليه

عايزه اجيب شنطه جديده

عايزه اغير الموبايل

عايزه واحد كشري بالكبده

المهم انها تقرفه وتقوله هات فلوس بأي طريقه

ويقولك البنات حنينين علي اباهتهم

ومن المطبخ للنت للسرير لmelody

واما تلاقي نفسها اتخنقت من اللي عملته

تخش علي المطبخ وهات يا .....؟

كأنه اسد بيفترس وليمه

وهيا تلاقيها قدامك في الجامعه

منتهي الركه والطيبه والحلم

وتقولها متاكلي تقولك انا ساندويتش واحد يشبعني

اكل اكل اكل :

مش مهم تاكل ايه

وتقولك انا بطلع زهقي في الاكل

حتي تلاقي الواحده من دول في سنك

وقدك 9 مرات

في الاخر عايز اقلكم معرفش انا لية مركز مع مواضيع البنات دي كدة..بس يلا كلة يهون..الضرب والحاجات دي..علشان نوعيكم ونفطمكم

نسيت اقلكم ان الكلام دة هزار..والبنات دول من احلي الحاجات في الدنيا..هما النص التاني..ادم وحوااا

صحيح سمعت ان حواا هي اللي خرجت ادم من الجنة بس يلا ربنا ان شاءالله يكرمنا وندخلها تاني ان شاءالله

اشوف رايكم بقي

lkr,g

حرام عليك يا عمر
ده البنات دول ملايكه

أحب أوضح إن حكاية إن حوا هي اللي خرجت أدم من الجنة دي كذبه ومش حقيقه وأنا سمعتها كذا مرة من أكتر من شيخ اللي غوا أدم هو الشيطان مش حوا

حرام عليكوا بقى حتى الدين بتظلموا فيه البنات
يا ساتر عليك يا عمر
هههههههههه

يابنى انت ماتعرفش حاجة

انا مش عارف ايه يا مشالى اخره دفاعك عن البنات

ياعم اقف جنبنا ده احنا صحابك

ومعاك حق فى الموضوع يا عم عمر

فعلا تلاقى البنت من دول تتكلم بالساعات وبرضه

مثلا صوتهم ما بيوجعهمش ولايتعبوا

مش عارف ايه الجباروت ده اللى هما فيه

بس فى الاخر هما النص الحلووووووووو Crying or Very sad

مش عارف انتوا بتخافوا من ايه
انا عايز كل واح يقول الحقيقة وما يخافش
والحمد لله ما فيش حد ماسك علينا حاجة والا انا غلطان

نخاف مين ياعم

ما تخافش وراك رجاله

حبيبى يا حسينى
اظاهر ان مشالى حد ماسك عليه حاجة والله اعلم

ممكن اشارك معاكو
لو سمحتو متظلمناش انا سايباكو تردوا عل بعض ومش راضيه ادخل من الصبح
بس احنا بجد مش وحشين اوي كده
بعدين خدها قاعده عااااااااااااااااااامه مش كل الناس زي بعض ابدااااااااا
زي مفي بنات بترغي وتلك وتعجن في كمان بنات كويسه ومحترمه ومؤدبه
وزي مالبنات احيانا بيطلع منها حجات غلط كمان الولاد احيانا كده برضه
مفيش حد علي حق ابداااااا وكل ابن ادم خطاء
يعني بلاش ظلم وافتر ده الي الافتري مش حلو خالص وخلاص بقي احنا صايمين بلاش بندور علي اخطاء بعض
واللهي ياجماعه لو كل واحد شاف اخطاءه هو وحاول يصلحها بنفسه هنبقي احسن وهنبقي ناس كويسه بجد
بس عيب الانسان انو دايم يشوف اخطاء غيره وعيوبه وينسه يصلح نفسه
اسفه عالتطويل كلمتين كان نفسي اقولهم
والسلام مش اخر الكلام

إيه يا عم عمر بتقول إظاهر إن مشالي حد ماسك عليه حاجه

نفسي أعرف بقى هيكونوا ماسكين عليا إيه مثلا

أنا يا بني كتبت اللي أملاه عليا ضميري لما قرأت الموضوع لأني حسيت فعلا أنك بتفتري عليهم

وأخيرا أنا عارف إن في بنات زي ما وصفتهم أنت وأكتر و في بنات محترمه جدا

بس مهما كان البنت هي البنت في نظري

البنت كائن رقيق جدا وحساس جدا بس ممكن بتتحكم فيها الأهواء والتسرع أحيانا ولكن ربنا خلقهم كده وهما حلوين كده .وبجد هما النص الحلو في حياتنا كلها هي الأم والأخت والإبنه والزوجه وكل حاجه جميله في حياتك.

جايز علشان كان نفسي يبقى ليا أخوات بنات بقول كده ...... الله أعلم

هنعديهالك يا عم مشالى المره دى

بسم الله الرحمن الرحيم

new artist
انا شايف انك خدتي الموضوع بجد اوي
وبعدين عمر كان بيهزر
عموما انتي ممكن ترفعي موضوع زي ده بس علي الاولا د لو حابه يعني
وهو قال في الاول ان بعض البنات مش كلهم وانا شايف ان معاه حق في كل اللي قاله

تقبلوا رايي

وكل عام وانتم بالف خير رمضان كريم

مع احترامي الشديد ليك
انا ماخدتش الموضوع جد ولا حاجه
انا فاهمه وجهه نظره كويس جدا ومش بعادي ولا حاجه
واكيد معاه ان في بنات كدا
انا بس حبيت اقول رايي وبس
وربنا ميجيب سوء تفاهم بيني وبين اي حد في المنتدي يارب لاني بقول رايي ومبكنش قاصده حد بالتحديد
وصلت الفكره

وصلت

رمضان كريم

على فكرة ده مش رايى ده كلام بيتقال وبنسمعه
انا ماقلتش ان ده رايى
على فكرة حبيت اعرف الكلام ده حقيقى والا لا
بس اظاهر من الردود وخصوصا من البنات ان الكلام ده موجود

فعلا يا عمر الكلام ده موجود
بس طبعا زى منتا قلت ف الاول
مش كل البنات كده
اقوللك بتفرق ف ايه
ف البيئه ولاخلاق
التصرفات دى كلها موجوده لكن موجوده بنسب وباشكال مختلفه
وكل بنت ليها طريقتها

بس موضوعك جميل وكلامك حلو
ومتزعلش لو فى اعتراض على حاجه منو
لان ف الاخر دى وجهات نظر

مشمشهــــــــــ