جمل بنسمعها

جمل بنسمعها

امشى جاتك مشش فى ركبك .

[size=12]* جتها نيلة الى عايزة خلف تيجى تتفرج .

*ذاكر ياموكوس مش فالح غير فى الهيافه والكلام الفاضى.

* ربنا يرزقك بعيل يوريك اللي ورتهوني.

* هات كيس عيش وانت راجع.

* ومن اشهر الجمل الى بتتقال كل يوم بعد الاكل :
انا مش الخدامه اللي اشترهاكوا ابوكوا اللي ياكل في طبق او يشرب في كباية يغسلها ما يركنهاش في الحوض.

* هو ده اللي انت فالح فيه طول اليل والنهار قاعد علي الزفت الكمبيوتر بتاعك لحد مهيجلك تخلف عقلي منه .
هتذااااااااكر هتاخد عنية مش هتذااااااااااكر هتاخد بالجزمة (هو فى غيرة طبعا الحاج).

*أوعا حد يضحك عليك ويقولك جرب السيجارة دي.

*ابقى ورينى مين حينفعك فى الاخر من شوية الصيع الى انت مشيلى وراهم .

* قوم اقرا لك كلمتين ينفعوك .

* وطي المدعوق ده شويه .

* انت فاكرنا نايمين على ودانا ؟

*لما ما ترضاش تاكل في البيت:طبعا مانت اتعودت علي اكل بره .

*ياريتك تحفظ دروسك زى مانت حافظ الاغانى.

* عيـــب ... لازم تحترم اللي أكبر منك .

* لو شفت خناقه ما لكش دعوة بيها .

* كريم دا عيل بايظ وماتمشيش معاه تاني .

* مين منى دي انتى كل يوم تصاحبي واحدة جديدة ؟.

* انته مبتكلش جزر ليه .. اجيبلك برتقانه. طب كل سلطه .

* يبني بأسلوبك ده مش هتعيش معاك واحده .

* قومي ساعدي امك ده اللي هيتجوزك أمه داعية عليه.

* اوعى حد غريب يديلك حاجه تاكلها و تشربها و تاخدها منه .

* يا ابني حرام عليك الى بتعمله فينا ده.

* انا سايبالكوا البيت وماشية ومش حتشوفوا وشي تاني .

* لمى هدومك انتى مش عايشة فى زريبة بكرة اشوف بيتك هيبقى ازاى خرابة طبعا.

* وانت فاكر احنا مستنيين منك حاجه .

* المسلسل مش هينفعك ...قوم .

*ماتقعد يابنى تكمل أكلك , انت كلت حاجة!!!
(طيب ماهو انا لو جعان أو الأكل عاجبنى إيه اللى هيخلينى أقوم يعنى , هو انا غاوى جوع مثلا )
.

* كفايه رغي في التليفونات .

* كل على مهلك .. وامضغ كويس ... وما تكلش وانت واقف .. وكل من قدامك ما تحفش .

* اطفي التلفزيون وقوم ذاكر ولا و خش اوضتك .

* بلاش تمشى حافى البس شبشب وانته داخل الحمام .

* ما فيش مذاكرة على المزيكا .. وازاى بتذاكر و البتاع ده شغال جنبك .

* افرد ظهرك .

* لم شراباتك.

* ماتكلش فى ضوفرك.

* كنت فين لحد دلوقتى يا صايع.

* ماتتأخرش علشان عندك كلية بكرة بدرى.

* انا مش عارف انته طالع لمين.

* انا : ياماما بقه ايه ده ؟؟؟
ماما:مووو لمـا يــــــخدك .

* ادلعى ياهبة فى ايامك المهببة .

* ده منظر اودة بني آدم ، انت عايش فيها ازاي؟.

* هو انا الخدامه الى ابوكم جبهلكم .

* الى يطلع من الاوضه يطفى النور وراه .

*أبوك عندك أهو اتصرف معاه .

* اللي بيشيل قربه مخرومة بتخر عليه لوحده ..

* لو مش فاهم حاجه ارفع ايدك و قول للأستاذ مش فاهم .. متتكسفش .

* البس فنله قطن تحت ودفي سدرك ودخل التيشرت في بنطلون البيجامه وانته نايم .

* يأبنى المذاكره مابتخلص .... نفسى اشوفك مره ماسك كتاب.

* اعمل حسابك مش حندخلك جامعه خاصه.

* قالب ليلك نهارك طول الليل صاحى وطول النهار نايم
طبعاً ما حضرتش ولا محاضرة ولا سكشن , وطول اليوم صايع بره البيت

ها صح ولا إيه ؟؟؟؟؟

منقووووووووول[/b][/size]

هههههههههههههههههههههههههههه

يا عينى عليك
كل ده كان بيتقالك

وانت ساكت Sad

ههههههههههههههههههه
موضوع جااااااامد
تسلم إيديك Very Happy

لااااااااااااا محدش يقدر يقولى حرف منه

ده فيه جمل انا مسحتها

santa

أيوه يا عمر ما أنت بقى مسحت الجمل اللي ما أتقالتلكش من الموضوع . صح ولا إيه؟

بجد موضوع جميل زي ما أتعودنا منك

ايوااااااااا

هههههههههههههههههه بس حلو اوي بجد
ياه ده الواحد سعات بياخد كلام
دول بقوا بيدعو علي خط النت انو يفصل الوقتي كمان
يلا احنا الكبار برضه Laughing

ههههههههههههههههههه

ماتزعلش يا عمر

وانا بقول انتا مقهور ليه

بس مواضيعك زى العسل

ههههههههههه ... جامدة ... يا عينى عليك يا عمر

شكر يا عمر علي الموضوع الرائع ده

بجد تسلم ايدك

ورمضان كريم

عدد الرسائل : 8 تاريخ التسجيل : 01/09/2008

ههههههههههههههههههههههههههههه

والله موضوع حلو اوى واحنا يااااااااااااااما اخدنا اكتر من الكلام ده Wink

ومحدش يقدر ينكر انه متقلوش الكلام ده Laughing

يعنى مش كله لان اغلبه كلام مصاطب
لاحسن فيه ناس بيقولوا ان الكلام ده اتقالى
يلا ربنا يسامحهم

اغلب الكلام ده انا عرفاه
لكن كتير اوى اول مره اسمعواو بمعنى اصح ماتقالليش قبل كده وعجبنى اوى
بس والله فعلا ياما بيتقال
ماما بتقوللنا
قومو من ع الزفت ده
لاحسن اجى ادغدغو
<<<< هيكون مين غير الكمبيوتر
ههههههههههههه
اهالينا كرهت النت والله لاننا فعلا لازقين ادامو وبياخد وقتنا
مش عارفه كنا عايشين ازاى قبل النت ؟