| جمل بنسمعها | |
|
+5harry potter new artist Brave Heart pinkish*white عمر عمار 9 مشترك |
كاتب الموضوع | رسالة |
---|
عمر عمار
عدد الرسائل : 348 العمر : 36 اسم الكلية : كــلــيــــــــــــة الــعــلــــــــــــــوم تاريخ التسجيل : 08/08/2008
| موضوع: جمل بنسمعها الأربعاء 3 سبتمبر 2008 - 16:11 | |
| جمل بنسمعها
امشى جاتك مشش فى ركبك .
[size=12]* جتها نيلة الى عايزة خلف تيجى تتفرج .
*ذاكر ياموكوس مش فالح غير فى الهيافه والكلام الفاضى.
* ربنا يرزقك بعيل يوريك اللي ورتهوني.
* هات كيس عيش وانت راجع.
* ومن اشهر الجمل الى بتتقال كل يوم بعد الاكل : انا مش الخدامه اللي اشترهاكوا ابوكوا اللي ياكل في طبق او يشرب في كباية يغسلها ما يركنهاش في الحوض.
* هو ده اللي انت فالح فيه طول اليل والنهار قاعد علي الزفت الكمبيوتر بتاعك لحد مهيجلك تخلف عقلي منه . هتذااااااااكر هتاخد عنية مش هتذااااااااااكر هتاخد بالجزمة (هو فى غيرة طبعا الحاج).
*أوعا حد يضحك عليك ويقولك جرب السيجارة دي.
*ابقى ورينى مين حينفعك فى الاخر من شوية الصيع الى انت مشيلى وراهم .
* قوم اقرا لك كلمتين ينفعوك .
* وطي المدعوق ده شويه .
* انت فاكرنا نايمين على ودانا ؟
*لما ما ترضاش تاكل في البيت:طبعا مانت اتعودت علي اكل بره .
*ياريتك تحفظ دروسك زى مانت حافظ الاغانى.
* عيـــب ... لازم تحترم اللي أكبر منك .
* لو شفت خناقه ما لكش دعوة بيها .
* كريم دا عيل بايظ وماتمشيش معاه تاني .
* مين منى دي انتى كل يوم تصاحبي واحدة جديدة ؟.
* انته مبتكلش جزر ليه .. اجيبلك برتقانه. طب كل سلطه .
* يبني بأسلوبك ده مش هتعيش معاك واحده .
* قومي ساعدي امك ده اللي هيتجوزك أمه داعية عليه.
* اوعى حد غريب يديلك حاجه تاكلها و تشربها و تاخدها منه .
* يا ابني حرام عليك الى بتعمله فينا ده.
* انا سايبالكوا البيت وماشية ومش حتشوفوا وشي تاني .
* لمى هدومك انتى مش عايشة فى زريبة بكرة اشوف بيتك هيبقى ازاى خرابة طبعا.
* وانت فاكر احنا مستنيين منك حاجه .
* المسلسل مش هينفعك ...قوم .
*ماتقعد يابنى تكمل أكلك , انت كلت حاجة!!! (طيب ماهو انا لو جعان أو الأكل عاجبنى إيه اللى هيخلينى أقوم يعنى , هو انا غاوى جوع مثلا ) .
* كفايه رغي في التليفونات .
* كل على مهلك .. وامضغ كويس ... وما تكلش وانت واقف .. وكل من قدامك ما تحفش .
* اطفي التلفزيون وقوم ذاكر ولا و خش اوضتك .
* بلاش تمشى حافى البس شبشب وانته داخل الحمام .
* ما فيش مذاكرة على المزيكا .. وازاى بتذاكر و البتاع ده شغال جنبك .
* افرد ظهرك .
* لم شراباتك.
* ماتكلش فى ضوفرك.
* كنت فين لحد دلوقتى يا صايع.
* ماتتأخرش علشان عندك كلية بكرة بدرى.
* انا مش عارف انته طالع لمين.
* انا : ياماما بقه ايه ده ؟؟؟ ماما:مووو لمـا يــــــخدك .
* ادلعى ياهبة فى ايامك المهببة .
* ده منظر اودة بني آدم ، انت عايش فيها ازاي؟.
* هو انا الخدامه الى ابوكم جبهلكم .
* الى يطلع من الاوضه يطفى النور وراه .
*أبوك عندك أهو اتصرف معاه .
* اللي بيشيل قربه مخرومة بتخر عليه لوحده ..
* لو مش فاهم حاجه ارفع ايدك و قول للأستاذ مش فاهم .. متتكسفش .
* البس فنله قطن تحت ودفي سدرك ودخل التيشرت في بنطلون البيجامه وانته نايم .
* يأبنى المذاكره مابتخلص .... نفسى اشوفك مره ماسك كتاب.
* اعمل حسابك مش حندخلك جامعه خاصه.
* قالب ليلك نهارك طول الليل صاحى وطول النهار نايم طبعاً ما حضرتش ولا محاضرة ولا سكشن , وطول اليوم صايع بره البيت
ها صح ولا إيه ؟؟؟؟؟
منقووووووووول[/b][/size] | |
|
| |
pinkish*white
عدد الرسائل : 1182 العمر : 29 المزاج : حسب المزاج تاريخ التسجيل : 01/07/2008
| موضوع: رد: جمل بنسمعها الأربعاء 3 سبتمبر 2008 - 16:24 | |
| هههههههههههههههههههههههههههه يا عينى عليك كل ده كان بيتقالك وانت ساكت ههههههههههههههههههه موضوع جااااااامد تسلم إيديك | |
|
| |
عمر عمار
عدد الرسائل : 348 العمر : 36 اسم الكلية : كــلــيــــــــــــة الــعــلــــــــــــــوم تاريخ التسجيل : 08/08/2008
| |
| |
Brave Heart
عدد الرسائل : 1111 العمر : 37 المزاج : Games & Films تاريخ التسجيل : 08/05/2008
| موضوع: رد: جمل بنسمعها الأربعاء 3 سبتمبر 2008 - 17:02 | |
| أيوه يا عمر ما أنت بقى مسحت الجمل اللي ما أتقالتلكش من الموضوع . صح ولا إيه؟
بجد موضوع جميل زي ما أتعودنا منك | |
|
| |
عمر عمار
عدد الرسائل : 348 العمر : 36 اسم الكلية : كــلــيــــــــــــة الــعــلــــــــــــــوم تاريخ التسجيل : 08/08/2008
| موضوع: رد: جمل بنسمعها الأربعاء 3 سبتمبر 2008 - 17:25 | |
| | |
|
| |
new artist
عدد الرسائل : 375 العمر : 35 تاريخ التسجيل : 11/06/2008
| موضوع: رد: جمل بنسمعها الخميس 4 سبتمبر 2008 - 3:39 | |
| هههههههههههههههههه بس حلو اوي بجد ياه ده الواحد سعات بياخد كلام دول بقوا بيدعو علي خط النت انو يفصل الوقتي كمان يلا احنا الكبار برضه | |
|
| |
harry potter
عدد الرسائل : 2306 العمر : 36 المزاج : magic اسم الكلية : العلوم تاريخ التسجيل : 18/04/2008
| موضوع: رد: جمل بنسمعها الخميس 4 سبتمبر 2008 - 6:50 | |
| ههههههههههههههههههه ماتزعلش يا عمر وانا بقول انتا مقهور ليه بس مواضيعك زى العسل | |
|
| |
the_prince
عدد الرسائل : 783 المزاج : عال العال اسم الكلية : العلوم تاريخ التسجيل : 24/03/2008
| موضوع: رد: جمل بنسمعها الخميس 4 سبتمبر 2008 - 8:43 | |
| ههههههههههه ... جامدة ... يا عينى عليك يا عمر | |
|
| |
pharmacy_150
عدد الرسائل : 1306 العمر : 31 اسم الكلية : Mansoura Faculty Of Pharmacy تاريخ التسجيل : 21/08/2008
| موضوع: رد: جمل بنسمعها الخميس 4 سبتمبر 2008 - 8:46 | |
| شكر يا عمر علي الموضوع الرائع ده
بجد تسلم ايدك
ورمضان كريم | |
|
| |
princes jojo
عدد الرسائل : 8 تاريخ التسجيل : 01/09/2008
| موضوع: رد: جمل بنسمعها الخميس 4 سبتمبر 2008 - 11:47 | |
| ههههههههههههههههههههههههههههه والله موضوع حلو اوى واحنا يااااااااااااااما اخدنا اكتر من الكلام ده ومحدش يقدر ينكر انه متقلوش الكلام ده | |
|
| |
عمر عمار
عدد الرسائل : 348 العمر : 36 اسم الكلية : كــلــيــــــــــــة الــعــلــــــــــــــوم تاريخ التسجيل : 08/08/2008
| موضوع: رد: جمل بنسمعها الخميس 4 سبتمبر 2008 - 16:00 | |
| يعنى مش كله لان اغلبه كلام مصاطب لاحسن فيه ناس بيقولوا ان الكلام ده اتقالى يلا ربنا يسامحهم | |
|
| |
مشمشه
عدد الرسائل : 658 العمر : 36 المزاج : Sad اسم الكلية : كليه العلوم جامعه المنصورة تاريخ التسجيل : 30/08/2008
| موضوع: رد: جمل بنسمعها الخميس 4 سبتمبر 2008 - 22:12 | |
| اغلب الكلام ده انا عرفاه لكن كتير اوى اول مره اسمعواو بمعنى اصح ماتقالليش قبل كده وعجبنى اوى بس والله فعلا ياما بيتقال ماما بتقوللنا قومو من ع الزفت ده لاحسن اجى ادغدغو <<<< هيكون مين غير الكمبيوتر ههههههههههههه اهالينا كرهت النت والله لاننا فعلا لازقين ادامو وبياخد وقتنا مش عارفه كنا عايشين ازاى قبل النت ؟
| |
|
| |
| جمل بنسمعها | |
|