عايزه اعرف شويه حاجات

السلام عليكم
انا ملاحظه ان اكتر المشتركين فى المنتدى هنا كلهم كليه علوم
فانا كان عندى شويه اسئله عن الكليه وكدا لانى لسه رايحه اولى
فلو ممكن يعنى اسئلهلكم
ممكن اعرف رايكم

ممكن برحتك بس اهم حاجة متكونيش ناويه تمتحنينا فى حاجة من الكورسات

لالالالالالالالالا متخافش انا اصلا انا لسه ابيض يا ورد
انا بس كنت عايزه اعرف هو فى قسم كيمياء حيويه ولا لاء
والاقسام بتتقبل فيها ازاى يعنى مثلا قسم الكيمياء تبع درجتك فى الكيمياء بتاع الثانويه العامه
ولا ايه نظام الاقسام وكدا كل حاجه عن الكليه من الاخر
ولكم جزيل الشكر

هو زمان كان قسم الكيمياء الحيويه بالتقدير
بس بالنظام الجديد ما اعتقدس ان يشترط التقدير
لانه بقى مفتوح من تانيه بدل تالته
وكمان للتاكيد هسالك فى الموضوع ده

بالنسبة للناس الابيض يا ورد زى حلاتنا ساعة ما دخلنا الكلية

طبعاااااااااااا مكناش لاقيين حد يقولنا نروح فين ولا نيجى منين

وكمااااااااان نصيحة اوعى تدخلى شئون الطلاب وتسالى عن حاجة

لان خاصة سنه اولى مقعدين لها هنااك كلب بيهوهو عليهم اكيد هتتعملى معاه أوعى يعضك اهم حاجة

بالنسبة بقى للاقسام

ياريت تفكرى كويس اوى انتى هتدخلى قسم اية

وانا هقولك كلام من وجهه نظرى الخاصة

يمكن فيه ناس هتتعارض معايا

بالنسبة للاقسام بقى

فيه 3 اقسام

كيمياء - بيولوجى - جيولوجيا

دة بالنسبة للناس اللى علمى علوم

وسمعت ان النظام اتغير شوية دلوقتى

المهم

تشوفى بقى انتى اية القسم اللى حباه فى دول

الكيمياء

كويس بس صعب بس فيه عيب ان انتى مش هتدرسى جسم الانسان كويس يعنى من الاخر انا فاهم ان اللى داخل علوم دة عايز الناس تقوله يا دكتور حتى وهو فى الكلية

لو تقدرى تتخلى عن الجزئية دى يبقى قسم الكيمياء كويس

بالنسبة للبيولوجى

برستيج شوية

يعنى بتشرحى ضفادع وتشتغلى فى دم من سنه اولى يعنى الناس هتقولك دكتورة على حق

وكمان هتدرسى جسم الانسان كويس وفسيولوجى وكدة

يعنى من الاخر هتحسى انك دكتورة

ودة القسم اللى بتدخلى منه حيوى ان شاء الله فى سنه ثالثة

وكماااان ممكن تدخلى منه اى قسم تانى غير حيوى

ودى ميزة انك بتدرس جسم الانسان وكمان بتبعدى عن حجات معقدة كتير بيدرسوها بتوع الكيمياء بعيدة شوية عن الكيمياء

زى الديناميكا والاستاتيكا اللى طبعا صعبا على حد كان علمى علوم

الميزة اية بقى

الميزة انك لما بتخدى الشهادة بعد رابعة

بيتكتبلك فيها اية

قسم حيوان وكيمياء

او نبات وكيمياء

يعنننننننننننننننننننننى ايى

يعنى يا سيدتى بتبقى كلمة كيمياء فى الشهادة منورررررررة

يعنى اية برضة

يعنى انتى تقدرى تشتغلى فى اى حاجة بيشتغل فيها بتوع الكيمياء وبكدة يبقى انتى مسااوية للى قعد الاربع سنين يدح كيمياء

اما الجيولوجيا بقى

فالقسم دة كويس برضة

معرفش عنه معلومات كتير

بس هو قسم كويس جداااااااااا

للناس اللى عايزة تشتغل فى البترول

يعنى يمكن يكون الكلام دة خلااااصه كل اللى فى دماغى واكيد لو افتكرت حاجة تانية اكيد هقولها لك

يارب يكون الرد بتاعى فيه اجابة لاسئلة عندك

سلاااااااااااااااام

ميرسى اوى ع ردك بس انا عايزه اعرف انهى قسم له مجال واسع فى الشغل خاصه فى شركات الادويه وبعدين هو انا لو دخلت قسم بيولوجى ينفع اتخصص منه قسم كيمياء حيويه ولا كيمياء حيويه دى لها قسم لوحدها وبعدين اصل انا سمعت ان كليه علوم قسم كيمياء تعادل كليه صيدله معلش هتعبكوا معايا بس ياريت اعرف حاجات اكتر عن الاقسام دى

فيه حاجة انا ممكن اقولها
طول ما انتى مكتوبلك فى الشهادة كلمة كيمياء
تقدرى تخدى دبلومات تاهلك لاى حاجة
فيه دبلومة للتحاليل و بعدها بتبقى اخصائية تحاليل وبتفتحى بيها معمل تحاليل ده اكيد
لكن سمعت
ان فيه دبلومة ممكن بعدها تفتحى صيدلية باسمك والله اعلم

واللى معاه واسطة يشتغل اى حاجة مش محتاج دبلومات ولا شهادات حتى

ميرسى اوى ليك

لا ده واجب علينا
وعموما لو احتاجتى احنا فى الخدمة وابقى اطلبينا على الرقم المجانى (سعر الدقيقة 3.5 )