الصداقة
الصداقة لها معنيين الاول من الصدق والتاني انك تبقي *محظوظ * وتلاقي صاحب يشاركك في كل حاجة بس للاسف دلوقتي المحظوظين دول قليلين.
يعني نسمع من ابائنا انهم زمان كانوا مع اصدقائهم اكتر من اخوات وكانو مع بعض في كل حاجة(فرح ,حزن....حاجات زي دي) وتلاقيها لحد دلوقتي بعد السنين دي كلها لسه موجوده لانها صداقة من القلب مفيش سبب تاني
تيجي دلوقتي مع كل مرحلة بتتصاحب علي ناس وبعد ما تخلص يعدي وقت بسيط وتلاقي كله نسي بعضه ..طيب والصداقةاللي بنا؟؟!!(ذهبت مع الريح) ولو فضلتو مع بعض شوية يبقي لسه في عرض و طلب (مصالح شخصية يعني)
لا خير في ود امرىء متلون...اذا الريح مالت مال حيث تميل
وما أكثر الاخوان حين تعدهم...ولكنهم في النائبات قليل
ولو جه الوقت وحسيت ان حظك بقي حلو ولقيت الصداقة اللي كنت بتحلم بيها من زمان (الطيبة والاخلاص وكده)تكتشف ان الممثلين بقوا كتيير
بس في الاخر لازم اقول ان الدنيا لسه بخير مش معقول يعني كلها وحشه ولازم احنا نبقي صادقين مع نفسنا الاول وبعدين مع الغير علشان كلنا نبق*محظوظين* ونلاقي اصدقاء واصحاب خير
سلام علي الدنيا اذا لم يكن بها
صديق صدوق صادق الوعد منصفا