[b]سؤال:حاسس انك كان ممكن تكون ناجح لولا الظروف اللي حوليك؟
لوكان ده اسلوب تفكيرك واجابتك هتبقي نعم يبقي لازم تقرا الموضوع
1.ازاي بيفكر غير الناجح:
*غير الناجحين دايما بيحاولو يبرروا عدم نجاحهم في اي مشكلة بتواجهم وكمان مش بيدورو علي حلول ليها
*بيستسلموا ببساطه يدوروا علي شماعة ظريفة اسمها الظروف يعلقوا عليها فشلهم ودايما تلاقيه بيدور علي حد يلومه علي فشله يلوم مديره,والده,عيلته اي حاجة حتي لو مش لاقي حد يقول حظي هوا اللي وحش فمشكلته انه بيستسلم بسهوله اوي
2.ازاي بيفكر الناجح :
*لو شوفنا اي شخص ناجح هنلاقي ان الشخص ده في بدايته كانت ظروفه غاية في القسوة وان الطريق مش كان مفروش بالورد
*كمان هنلاقي انهم مش بيؤمنوا بالحظ بيؤمنوا بس بقدرتهم علي النجاح
*بيفكر بأسلوب عملي بعيد عن لوم الاخرين والظروف
الموضوع عامل زي:
لو في يوم الصبح لقيت الدنيا بتمطر وانت رايح مكان عملك مثلا,هتلاقي غير الناجح بيطلع "الشماعه" والتاني بيطلع "الشمسية" ويروح شغله
عايز تبقي ناجح ؟ يبقي كون أقوي من الظروف وكما طريقك
